قصيده للشاعر رضى طارف الشمري على الشيخ ضاري مشعان الفيصل لما يقوم به هو واخوانه أبناء الشيخ مشعان الفيصل الجربا
وهي تعبر عن افعالهم الحميده لمايقومون من اعمال لصالح القبيله
سر ياقلم واكتب كلامي لضاري =قول ٍ جميل وبإخوته نهدي القيل
مامن خفى تعرف طيور الحباري =مواكره روس الهضاب المضاليل
نفخر بهم ياجا للاجواد طاري = مضيفهم يدهل نهاره مع الليل
البيت يدعي بالدجا كل ساري = متبين ٍ توضي عليه القناديل
هذي سلوم اجداد ماهي عواري = من جاه يلقى به رجال وتعاليل
يروح عن صدره جميع الطواري = في مجلس ٍ يعجبك سوق الفناجيل
إن جيت تبي مونَسه يابوطاري =تلقى المقهوي دوم عند المعاميل
عينه على المجلس بخدمه يداري =وصَاه عمه وانتبه للرجاجيل
الطيب ماياتي بهرج وعذاري = بالمال والنفس العزيزه وبالحيل
ياطير ياشفت الدهر له مواري = انص المحمد يعلفونك لحم حيل
يامازبنهم من ضعيف ٍ وعاري = عقب العرى يلبس ملابس مشاكيل
الجار يلقى في طرفهم مذاري = مايشتكي ضدً ويضمن له الكيل
ياما عطيتوا من رجال ٍ وقاري = البل كبار الروس مع قرَ ح الخيل
قبلي ذكركم بالحميد الفواري = فجحان عدَ فعولكم بالتفاصيل
وقبله وعقبه في خبركم نماري= ياما بكم يذكر من المدح والقيل
وتاريخكم يلفت نظركل قاري = وبالمجد حطوًله مطابع وتسجيل
اخبرك ياللي ساكن بالصحاري=وأقفى ربيعك في شهر كنَة سهيل
لايوهمك رسً من الوسم صاري =ييبس اليا منُه قضت رفلة السيل
انص العدوداليا قضنَ الخباري= هدَاج مشروبه قراح ٍ شخاليل
هدَاج شروى من بفعله نماري = أبوفهد مشعان ملفى المشاكيل
يدوس غبًات الخطر مايداري =عند المحارم سبَل الروح تسبيل
يدحم عدم ماهاب حكمٍ يثاري = أرخص بعمره لين حل النشابيل
في ثورة الشواف ماله مباري = أبوفهد عن شمر عدل الميل
حر تسلسل من مواكر حراري = صيده سمين ولا يصيد المهازيل
وإن جا نهار فيه بايع وشاري = وغزَ اللوا في نايفات الغراميل
شمر لكم من دون جبر جباري = عسكر دفاع مدربٍ للغرابيل
تدوس بأقدامه سباع الضواري = ياطوحن بيض الصبايا هلاهيل
بالحرب ياشبَت نجوم السواري =كلً زهم ربعه ولابه عواذيل
زعيمنا بأفعال شمر يماري = ناطا على روس السباع المغاليل
وعدوَنا مابين خوف ومساري = يقفي ذليل ويزعج الويل بالويل
وتمَ الكلام وماذكرنا قراري = يفخر بنا التاريخ جيل ٍ بعد جيل
وصلوا عدد من طاف بالبيت عاري= على رسول ٍ خصه الله بتفضيل
قصيدة للشاعر رضى طارف الشمري على الشيخ ضاري مشعان الفيصل الجربا
العرض العادي
