الشيخ عجيل الياور رحمه الله لايسمح للشاعر بالقصيد ويستغل الشاعر
السلام ويبدأ مثل ابن صليبيخ ومثل شاعرنا بطيحان ابوسعدون
عــــجيل قوّك يا ذرى كل شمر = يا مرحبا كيف أنت يا حي هالشوف
عساك فــــي تالي شبابك تثمر = أمك وأبــوك بجنة الخلد ماقوف
يا قصرنا عـــن ميل بقعا امعمر = حنا غشم والا انت للحكم كاشوف
يا شيخ انا رقيــت رجما امزبر = تكتني العبرة وقمت اطرد الشوف
امس العصر مرت مظاهير شمر = اقفت جهامة مذريتنا عن الخوف
قفن بهم ســـود المناكب تمزر = تصافقن عقــب التفرق بقفقوف
اومرلها شيــــخ الجزيرة تحدر = مهي مذلـــة مير فكراً ومعروف
شيخ المشايخ صعل لولاب عسكر = مثل الزناتي والا ابا زيد بوصوف
بالود جوهر مـاص زيرن مزيّر = امهندن حده من الطرق منحوف
راسٍ يلطه طـــاح مخه امنثر = عجيل مثل الموت للعمر قاصوف
صعليك حيداً مــن ازمولن تذكر = زملٍ صعاصيعن ازمولٍ بها نوف
خصى أزمــولٍ قبل الحين فدر = بعض زوامل لو هدر يوم مجلوف
طيرٍ طلع لا شـــاف الجول خمر = ظرمٍ معلـم ذرف للخرب نادوف
ولولب لوالــب مبهماتٍ أتسمر = مغلاقها لولابــها درع مرصوف
عنه الاهاوي باطـــلاتٍ أتقصر = أبو صفوق الشيــخ للعي ذايوف
شرقٍ وغربٍ ليــــن بيبان تدمر = لورا البحور الهدس به تقل طاقوف
ليا حركة مثل النـــداوي ليا فر = مشى ورى حيفا وهيفا ليا الجوف
يدش بوب ادراك من الحكم يظهر = لولب مكينه يبترم ماهو سرعوف
وليا دش حكــام الاجانيب يزوّر = عوايدة للحاكم الكــره عاصوف
وليا استدعو الشيخان بالمجلس يزمر = شيخاً تحايد عنه طوفٍ ورى طوف
بكل مركز زول ابو صفوق يذكر = يمسي بقاع ويصبح بقاع مشيوف
هـــــذه يخربها وهذه اتعمر = حكام ضباط الوزارى له اوقوف
خط القلم يا صفوق واكتب بدفتر = بمضرف القرطاس خطك بهانوف
ذرفٍ ذريفٍ بالمــدارس امفخر= ريس وزارا كتبتك مالها اوصوف
يا صفوت الناريز مـــنت المثبر= يالهيلعي يا طير الاكوار منقوف
بطنٍ حملبك رابحا ما تخــسر= للجنة الخضراء على البيت مزفوف
عمامك اللــــي بالوازم تحضر= يوم الاماني كنــه العج عاصوف
حروش قفو الغوش ينخى المصطر= ذمم وجـور ماعطا اقفاي محلوف
راعي البـويضا بالوازم مخيّر= يثني وراهم لاهبـــا كل هذلوف
يوم اخو نورة ينتخي قفــو شمر= يسوق سرقي بندقه تقل عالوف
يومن نفض غوانـــها ما تعذر= معط الامبي وانثني الشيخ بوقوف
اخوات تاضي واخوقطنة مصطر=امرجدين من الفشق رجد بصفوف
ركبو على اللي ليا انتوى ماتعثر=لاحركو لولابها اسهام خاطوف
يا فرحت المضيوم عجلين حضر= يحلو هدتهم ورى كل هرجوف
عبد العزيز ارث قرانيس ندر=خذ القضا ماراح عجلين بوقوف
الكل منهم بالوازم مخـــيّر= بتيع عجلين المضاريب بسيوف
كم واحدٍ منهم تقرمس امعثر=خلى عليه البيض يصفقن بكفوف
قصيدة الشاعر بطيحان ابو سعدون على الشيخ عجيل الياور
العرض العادي
