عبدالله بن سبيل والمهاد

--------------------------------------------------------------------------------


السلام عليكم ورحمة الله وبركاته

هذه القصيده للشاعر عبدالله بن سبيل قاله بالامير محمد العبدالله الرشيد ـ المهاد ـ

[font=Arial Narrow][size=5][B][align=center]بديت بذكـر الله علـى كـل ماطـرا
مجيب الدعا معطي العطايا الجزايـل
وتركت الهوى ماعاد بي طاري الهوى
ولا قايـل بخيـار قــوم مثـايـل
ولا عاد لي في باقي الاشيا حسايـف
أكـود مشاهـد راس شيـخ بحايـل
محمد سلطان العرب موهـب الذهـب
هو خيـر مـن تافـد إليـه القبايـل
تشد النضا من كـل فـج تجـي لـه
كما تاتي البيـت الشريـف الرحايـل
من جاه يلقـى رغبـة فـي جنابـه
ومـن راح مغلـول يزيـده غلايـل
سهل على الدانين صعب على العـدى
لكن عيونـه صلـو جمـر الشعايـل
فهيم عديـم يرهـب القلـب عارفـه
لكنه يقرا الغيـب وافـي الخصايـل
ولاشي غير الخمس ماهـوب عالمـه
مضى من سياساته وبخصـه دلايـل
يشوف عيان مـا بـدا إلا صدورهـا
ويشوف من المقفي نحـور الاوايـل
كـن الامانـي كلهـن وسـط كفـه
ولا علـى مضمـون تيـل بسايـل
الـى فتـل بالاسـبـاب ناقـضـه
على كـل حـال ولا لفتلـه محايـل
ولا كيل له قيـل قصـر دون قيمتـه
وتزيـد مكاييلـه علـى كـل كايـل
جضور من العليا جزوع مـن الخنـا
جزوع رثوع الى اوجس الشد مايـل
مـن ريعتـه يـوم(؟؟؟؟) تمايـلـوا
واهل القصيم وبان هـرج الصمايـل
ذبح روسهم والحـي منهـم بحبسـه
خذيـل ذليـل بـالـردا والفشـايـل
وملك دارهم ومدارهـم يـوم دارهـم
واللي شرد منهم رمـى لـه حبايـل
يصيدن حـذرات الوحـوش حبايلـه
ومصايـده مـا تـدرك الا الجلايـل
ومثل رثعته بمطيـر ماهـي خفيـه
نهار تشيب أطفـال سمـر الجدايـل
على ثرب يـوم الله نـوى بذهابهـم
تمـارح العزبـات بيـن النـزايـل
عقـب مبانيهـم وغـاوى حلالـهـم
وباقـي الشرايـد يطلبونـه زمايـل
هـذا جزاهـم يـوم يدخـل عقولهـم
على مثل عمل ابليس ماهوب ضايـل
أطاعوا من لاسرهـم يـوم ضرهـم
غشوم يشوم عـن القريـب الموايـل
كثيـرات رثعاتـه قليـل سليمـهـا
إلـى طنـا مـا يستمـع للعـذايـل
والى بغى امر مـا يـداري عواقبـه
يجي له دجـران مـن الغيـظ شايـل
إلى شال غيظه يرذي الخيل والنضـا
تطـول بواريـده بعيـد المخـايـل
فيما يغيـظ الغيـظ إلا علـى العـدى
بيـوم يغـط الشمـس قبـو الدبايـل
تضع منه ذات الحمل والمرضع اذهلت
لكـن فـوق اكبـودهـن المـلايـل
علـى شفايـا فـرق البيـن شملهـم
على راي من لا هوب عنهم مسايـل
إلى خـرب الله شملهـم ثـم خربـه
يصبح وسيع البـال والغيـظ زايـل
أخذ مال ما حساب يضبـط حسابـه
وجـوز عزبـان وطلـق حـلايـل
مثل ما مضى ماهيـب غـر فعايلـه
ولا خير باللي مامضـى لـه فعايـل
يهاوي ليال الشبط مع كثحـة الشتـا
ومن كثحة الجـوزا يهـاوي القوايـل
إلى عثا بالشـرق والغـرب واليمـن
وطاعوا وراعوا عقب ذبح وسحايـل
تجاحرت حضره وبـدوه تخامـروا
كل يحسب ويـش لـه مـن خمايـل
ومرهم وحذرهـم وهـادوا وهيـدوا
وصغوا له وزكوا لـه بليـا فضايـل
تعـدى هقاويهـم وضيََـع هجوسهـم
يبي عادتـه علـى اخبـاث الدغايـل
لكـن يوحـى لـه مـن الله إلىعـدا
يعرف مصارعهـم وماهـوب نايـل
نـاس ينفعهـم ونـاس يضـرهـم
حليم بحـال وحـال عبـث وعايـل
إلى عال مثل المـوت مامنـه فـرَه
والى عطى يعطي المهـار الاصايـل
صخـي منالـه كلمتـه مـن لسانـه
مردَه علـى الكتَـاب يغنـي قبايـل
عساي من ألي مـا يقصـر بحقهـم
عنيـت لفضلـه والمشاحـي قلايـل
شفاتي إلـى جيـت اتحـدث بمدتـه
قـدَام أجاويـد العـرب والـرذايـل
ولا رايـح مـن عنـده الا بواجبـه
وعاني لفضله مثـل راعـي العدايـل
نفـاد لمالـه مثـل ماقـال والــده
عسانا مـا نعتـاض غيـره بدايـل
ولا فـرد يـوم قلـط الـزاد قافـر
عليها ظهور الخور والسمـن سايـل
وضواين جـوف المتـوع متقاضبـه
كنَه مـع الشـاوي عطيـن الثمايـل
على ابيار عوهات وسـاع مجاذبـه
ولايشربـون إلا بـشـط ومحـايـل
أعدد خصال الجود وازريـت أعدهـا
إثر مـا يحسـب جـوده إلا الهبايـل
شجـاع تـورخ بالأماكـن فعايـلـه
كما ورخـوا للسلـف الأول فعايـل
وهو خاتم الشيخـان لا شيـخ بعـده
إشـارة سميَـه نزِِلـت بالرسـايـل [/align][/B][/font]

[/size]
ابن برزان

 

 

 

 

 

 

 

 

 

 

يعطيك العافية يا بن برزان

على القصيدة وصح لسانك

تشكرااات

 

 

 

 

 

 

 

 

 

 

الله يعطيك العافيه والصحه والجميع
لاشكر الشكر لك لمرورك وتعليقك

ابن برزان

 

 

 

 

 

 

 

 

 

 

بيض الله وجهك يابن برزان والله لا يهينك

تسلم على القصيدة الرائعة

تحيتي لك

 

 

 

 

 

 

 

 

 

 

ولاتهون اخوي مشكور على التعليق
الجميل
ابن برزان

 

 

 

 

 

 

 

 

 

 

اخي

ابن برزان

الف شكر لك على الموضوع

الرائع

تقبل مروري

 

 

 

 

 

 

 

 

 

 

يعطيكالعافيه بتشرفك
اخوي ابن هذيل
ابن برزان