قبل 28سنه تقريباً اتى الى منطقة حائل /خليف بن شايز الرويلي من باديه طريف يبحث عن عمل وحصل على عمل عسكري في منطقة حائل وستمر العمل على أحسن ما يرام وبعد حوالي ثمان شهور وصله مرسول من والده يطلب حضوره ضروري وحاول أن يحصل على فرصه تمكنه من الذهاب الى أهله ولكن ظروف العمل لاتسمح بأجازه طويله الآ بعد مضي سنه كامله0
وكتب هذه القصيده يسندها على زميله/عيد بن نايل بن طوعان السويدي الشمري
يذكر عشيري من ورى الحد ياعيد=مع أيسر الريشه له النور بادي
ياعيد بن نايل عنيد الأوالــــــــــيد=معي على ما قول هرجٍ وكادي
حلياك حراً بالهـــــدد بذبح الصيد= متفهّق الجنحان صدره منادي
طيبٍ قديم ولا بطيــــبك تقاليـــــد=وتشهد لكم بالطيب كل البوادي
من لابتٍ يوم الملاقا أوآليـــــــــد=ريف الضعيف وسقم عين المعادي
والبارحه ما ذقت نوم الأجاويد=عيني لها عن لذّة النوم حادي
عدّي صويبٍ جض من حروة الديد=في سهلةٍ ماله صديقٍ ينادي
على عنودٍ لآيعت جملة الصيد=ترعى زهر نوار قفر الحمادي
أجّيه ولو حالو علي الحواسيد=في ليلةٍ تسمع ضريس الهنادي
في ليلةٍ فيها تشيب الأواليد=إن صار جدع الروس مثل الهوادي
من شان خلّ(ن) صادق(ن) بالمواعيد=لو كان بالروح العزيزه نفادي
فقام/عيد بن نايل بكافة الجهود المخلصه نحو زميله خليف بن شايز حتى حصل على ما يريده وأكثر وهاذي غير غريبه على الشخص المذكور لإن عادة الشمري الفزعه لشمّري وغير الشمري لذالك حبيت أن أطلعكم على هذه القصه والقصيده لأنني متأكد أنها لم تكتب من قبل في أي منتدى ولكم تحياتي/مانع حسن الخريصي
وقوف عيد بن طوعان مع الرويلي
العرض العادي
