بشر ابن غازي بعد سقوط حايل توجه الى الجزيره وتركها في عام 1923م ومر على ابن
مهيد وفي مجلس ابن مهيد سأله الشيخ مجحم ابن مهيد وقال لك حاجه يابشر قال عندي هذه
الابيات وبعد ماقال هذه القصيده قرر ان يتوجه الى الارن حيث سكن هناك
يا مقحم ابن مهيد جيناك عانين = نبي العلوم الطيبه والجماله
ومن عقبكم مالي صديق يحاكين= ينشد غريب الدار وشي احواله
ابدي بقيل بينن للفهيمين = مابه غلط كله بدرب العداله
من بشر بن غازي جواب بدا زين =نزه الشوارب عن دروب الرزاله
لوبه بلابه مايطيع المشيرين= يجزم لوانه خلاوي لحاله
لوه ديرة بين المدينه وفرجين =صوب يمام سهيل حول الغزاله
ومن غلب الدار عاف الحبيبين = عاف المحارم ثم خلى عياله
كيف اسكنه يوم الضياغم مسيرين =وخذوا مني غلب بليا جماله
الدار عفناه ولابه تضانين =عيفة حشيم شاف نقص الجلاله
والحر يشهل فوق للماكر الزين= ولا يوكر الا بيعوالي جباله
بغيت انا المرقاب لو هو يعنين= ولا كل من بغا الملراقيب ناله
انا ليا من تبين لي الشين = والسيف باطل مانجي بيظلاله
انا سلايل مبعدين المكامين =ليامن جفتنا الدار درنا بداله
حنا على الناموس والصج قاسين =ونصبر ليا ركب الرشا با لمحاله
ودايم علينا الضد للخيل مهدين = واللي مايهدي خطير حلاله
واللي نشد عنا ترانا قحاطين = اصل العرب منا يعدل غياله
من دور ابن حميد وحنا معيين= وابن سعود اللي قديم افعاله
لياكن مخباط السعد مانفع شين= انا حمدت الله وهذي اعماله
ياخلفة الاجواد بذارة الزين = قبلي على راكان دنياي ماله
ومالت قبلي على جميع السلاطين=الله يدبر حالتن غير حاله