(وريث المجد في العراق ونجد) محمد آل حسان

بسم الله الرحمن الرحيم

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)

الحمد لله الذي أنزل على محمّد صلـّى الله عليه وسلـّم خير كتبه ،

الحمد لله الذي أكرمنا وجعلنا من أمـّته .

الحمد لله الذي أعطانا عقولا لنفقه بها ولنتدبّر بها ولنستخدمها في طاعة الله جلّ في علاه .

الحمد لله الذي أكرمنا بخير دين وبخير ملـّة وبخير نبيّ صلـّى الله عليه وسلـّم .

اما بعد... اخواني واخواتي الاعضاء الكرام..

هنا وفي هذه الصفحه البيضاء النقية سأكتب لكم عن سيرة ومواقف وحمية

اخو حسناء:الشيخ الدكتور/ محمد بن ابراهيم بن طلب بن جزاع بن حسَّان الاسلمي الشمري..

احد اكبر مشايخ شمّر



هو:محمد بن ابراهيم بن طلب بن جزاع الحسان
- من مواليد عام 1953 م
- تخرج من جامعة الملك سعود ( الرياض سابقاً ) عام 1399هـ بمرتبة الشرف بكلية الصيدلة..
- عين معيداً بجامعة الملك سعود عام 1979 م
- حصل على الماجستير والدكتوراه من جامعة ويلز في بريطانيا عام 1984 م بمرتبة الشرف .
- عين استاذا ً مساعداً بجامعة الملك سعود في عام 1984 م ثم رقي استاذ مشارك عام 1990 م
- له ابحاث مميزه ومنشوره في العديد من المجلات والصحف العلمية المتخصصة
- له عدد من المؤلفات .. ومن ابرزها..كتاب " المواطنة وتطبيقاتها في المملكة العربية السعودية "
عام 1416 هـ ..
- شارك في العديد من المؤتمرات المحلية والاقليمية والعالمية بإبحاث وكأستاذ زائر .
- عمل مستشارا ً في عددٍ من الجهات الحكومية كوزارة الصحة ووزارة الداخلية..
ولايزال مستشاراً لعددٍ من الجهات ،
الدكتور محمد بن ابراهيم الحسان
متزوج وله خمسة ابناء ، اكبرهم فهد في جامعة الملك سعود
قسم العلوم السياسية (نايف ...يحضر الدكتوراه )( عبدالله) (عبدالرحمن) (عبدالعزيز)،
وله من الاشقاء
خمسة هم:خليل ( متوفي ) احمد ، حماد ، حمدان ، علي ،
د/ محمد الحسان هو وكما تعلمون اخوتي الافاضل.. من اسرة الحسان من الاسلم من شمر...
ومن ابرز رجالات تلك الاسرة هو والده المغفور له الشيخ ابراهيم بن طلب الحسان
الذي قاد الهجره المعاكسه للاسلم من العراق الى المملكة ،
وأعمامه الشيخ ذياب بن حسان الملقب بأبو وطفى "
ومن رجالات تلك الاسره الشيخ جدعان بن حسان ،
الشيخ حمد الحطاب الملقب " بأبو المشاعل "
الشيخ غانم بن حسان " في القرن السابع عشر الميلادي والذي ذكرته عدد من كتب السير
وتناولته عدد من المؤلفات ،،،
والدكتور محمد الحسان هو من الوجوه المعروفة في قبيلة شمر وغيرها من القبائل ،
ويمثل الاسلم النازحة بعدوفاة والده رحمة الله عليه ،
له مواقف كثيره ومعروفه ومشهوره لدى الجميع..
و أبرز صفاته الكرم والشهامة واغاثة الملهوف و"مجوز العزبان"كما يصفه كبار شعراء شمر
وغيرهم من قبيلة شمر .. وهناك مواقف كثيرة تجسد تلك الصفات ،،
قيلت فيه مئات القصائد ومنشور منها العشرات في الصحف والمجلات ،،ومن ابرزها"الملحمه الحسانيه"
للشاعر والاديب رميّض بن نصر الحريري. وسوف انشرها هنا بإذن الله تعالى في الايام القادمه،،،،
هاجرت اسرة الحسان قبل نحو 300 عام من نجد الى العراق واستقرت في منطقة الحسينيه أولا ً..
ثم بعد ذلك استقرت في منطقة الحويجة التي تعرف حالياً بإسم " حويجة ابن حسان "

(إقتباس من الاخ والشاعر إبراهيم بن خليل بن حسان إبن اخ الشيخ محمد الحسان....)

وهذه ملحمة من اضخم ملاحم القرن الواحد والعشرين...

وهي للاديب المؤرخ الشاعر: رميض بن نصر الحريري الشمري ...

وهو رجل صاحب ضمير ويخاف الله ولايخشى بالحق لومة لائم(حسب كلام شمر وعقالها)

ياصقر جوّي يابن لزَّام غايم = متعومسٍ وامواج فكري ملاطيم
الحَق يابن لزام مابه هضايم = مار البلا ياصقر عكس المفاهيم
وجه الحقيقة صار دونه لثايم = واللسن خِرس وظل رف البراطيم
مثل السراب ان لاح بالقوع زايم = وليا تبعته يبعد ويرجع إيزيم
نمشي بهالدنيا سوات النجايم = وحنا نعرف رموز فك الطلاسيم
إكبودنا من ضيم بقعاء ورايم = وقلوبنا به مثل نقش المواشيم
مثلي ومثلك ياعشير القرايم = الدهر ياطاهم ولاعنهم إيهيم
ياصقر انا وياك صرنا غرايم = الدهر يطردنا وصرنا مهازيم
كن ( آدم ) اوصى يصير ورثه قسايم = لذريته من كل جنس الاواديم
من نسل (شيث) حقوقهم بالتمايم = الا.. اثنين بكل ورثه محاريم
( رميّض) وريث: لزلته والاثايم = و(صقر)وريث: لحسرته والتناديم
إختر تبي (قابيل ):رمز الجرايم = والا تبي(هابيل) رمز: المظاليم
حنا بزمانٍ به يعز الفدايم = وينذل به زحول الرجال الصماصيم
اهل المبادي والقيّم والذمايم = بهذا الزمن صاروا شذاذ ومذاميم
واهل الرذاله والسفاله تزايم = ومن هدرها تلقاه بيض اللغاميم
ناسٍ تدس السُّم وسط الدسايم = لسنه حسينه والسراير مساقيم
أمينهم:بالكذب يبني قسايم = وصدوقهم: قوله هقاوي وتنجيم
ورزينهم: يركض بنقل النمايم = يفرح ليا منه خطف طارف إعليم
للزور تنشر..مار للحق كتايم = ومكارم الاخلاق عنها مباليم
ان ما إهتدوا به قالوا : إفكٍ قدايم = ولي أهتدوا أفتوا : بشكٍ وتحريم
واهل الفصاحه والبلاغه عجايم = واهل الفكر والعلم صُمٍ مباكيم
اولاد(سحبان ٍ وغس ٍ ) غشايم = واحفاد ( باقل ) في زمنا المفاهيم
واهل البلاهه والفهاهه كلايم = واهل التخلف والتكلف هماهيم
حكيمهم:إن كان فيهم حكايم = اليا نطق جمله.. غدا له لعاثيم
وترى الدواهي ماتجي للطغايم = تبعد ولاترمي العفون الشراذيم
تدهى الحمايل والرجال الحشايم = وترمي (أخو شمّا) حصان النواهيم
والقلب به نارٍ عبوسٍ لهايم = تاكل خضر يابس ولا يِطفِه ديم
ونارك يابو لزام برد وسلايم = نار ( الخليل ابو الصحايف) إبراهيم
وناري: حِمِم بركان تشعم شعايم = منها ( هل الاخدود) راحوا مفاحيم
انا الوحيد اللي لي الدهر ضايم = وظالم وعَضّن بالنياب المخاذيم
أظلم من (الحَجّاج) بأهل العمايم = وأقطع من العدو اليهودي (مناحيم)
خَطبُه رماني وصابني بالسهايم = جذّل جناحيني وقصّ القواديم
وانا كما حرٍ للامجاد رايم = من (مصقرة شلوى) مقر الصواريم
كني(بوادي غير ذي زرع) هايم = هيم الفصول الاربعه والمواسيم
كالبلبل الصداح جر النغايم = يسجع من الاشجان فن ٍ بترخيم
ناديت أهل عصري وعني طرايم = ونفخت.. لكن نفختي نفخة شريم
لوصحت باصحاب الكهف والرقايم = يوم انهم نيمين.. ماتاجد النيم
واكبر دليل ان اهل عصري نعايم = دام ان مثلي ياصقر يحمل الضيم
دنياك مثل(أضغاث احلام) نايم = والا النعاس ان هز راسك بتهويم
خله على محيي العظام الرمايم = اللي كفيل برزق كفر ومساليم
ويامسندي احمل غزير الجمايم = من عليمٍ ماتحتويه العياليم
مثايلٍ لنا عليهن وسايم = من نظم ابن نصر الحريري على الميم
فرايدٍ من لـُب فكري ضمايم = يطرب لهن لـُب العقول الصياليم
ثم صغتهن صوغ الجمان النظايم = بنحور خدرات العيون السلاهيم
ولظمتهن لظم العقود اللظايم = وعقودهن سلك الذهب والبراسيم
لا ( بن جلق) قد صاغهن بالقدايم = ولا اللازوردي صاغ منهن تصاميم
نجاري بهن نزال ديم الخزايم = ابن لعبون اللي هجر نجد وتويم
(عذري الهوى) محمد وقطب الفهايم = بميميته اللي قاف عجزه:اباسيم
وجاراه به(محيي الهوى)والرسايم = عبدالله بن فرج ربيع النواديم
(راعي دخينه) يوم يندب مهايم = ( بما تنتبه ياسالي ٍ بالمناعيم )
وتبعهم(زناد الشعر) والكلايم = وهو: بدبّابٍ بمصمك ابراهيم
محمد العوني بعوجوا الشكايم = مقدار قيمة ساعةٍ ياهل الهيم
جاروا بهن ( كرسي الهوى) والغرايم = محسن ابن هزان حبر النواظيم
راعي الحريق ونجم وادي نعايم = بدن العقوب موردات المقاديم
واهديتهن للحيد ماضي العزايم = الشيخ اخو حسّنه ( محمد ابراهيم)
شيخ إنتصب له سلّم العز قايم = والمجد رامه وانتحى به على الغيم
شيخٍ مضاله بالقبايل علايم = شهم وبتوع ولوذعيٍ وصمصيم
جنب الثريا منزله والنعايم = وخلا الثرى للي يروم الدياميم
سيفٍ مجرب ماذكر به ثلايم = درعٍ حصين من الدروع المصانيم
حلاّل عقدٍ بالليال العظايم = وفتّال رايٍ بالثقال المباهيم
عند العظايم سيد كل الحلايم = غيث الهشيم وليث كل الشغاميم
من (كعب ابن مامه ) بجوده علايم = ومن(المغيره) بالدها به تراسيم
ظلٍ للاسلم عن لفيح السمايم = وكهف وذرى ان جو يديهم معاسيم
ريف الارامل والضعّف واليتايم = حبر وعديم وضاريٍ بالملازيم
ان طول الغيبات جاب الغنايم = ويفرج كروب اهل القلوب المهاميم
وليا نوى مايستمع لوم لايم = ولا شاور سماج الرجال الهذاريم
وليا رضا تجني برضاه الجسايم = وللشمري بالضيق يقضي اللوازيم
وليا طنا تلقى به المر زايم = وشره على من زامره يركي الضيم
مثل البحر لجات موجه لطايم = اليا اصطفق اغرق جميع اللهاميم
شبل الاسود الساطيات الكظايم = سُم الكبود المدميات المضاميم
اللابة اللي تبان عند اللزايم = وبيارقه لجموع الاسلم مقاديم
بنوا لهم مجدٍ قوي الدعايم = مجدٍ هذت فيه العرب والاعاجيم
تاريخهم مشهود مابه وهايم = بفعالهم(سبع القبايل) عواليم
تراهم ( الحسان ) اهل الزعايم = لهم بكل ديره يجونه مراسيم
صغيرهم يجمع شتات الحزايم = وكبيرهم حلاّل فتل المباريم
سمع بهم من كان بأذنه صمايم = بالترك وبلاد العرب والدياليم
اخوان حـسّـنـه للهوايل قحايم = الله خلقهم للمعادي لواطيم
جزاعةٍ مايقبلون الهضايم = الا بعزٍ لو بنارٍ ضواريم
من هازهم: مانال كود الندايم = ومن رازهم: خلوه وسط اللحد نيم
ان حاربوا لضدادهم:كالجحايم = وان صاحبوا لصحابهم: كالمراهيم
هداتهم تلقى بها الطير حايم = وعاداتهم يوم الملاقا صواديم
ربعٍ كرمهم كالبحور الخضايم = ولهم بميدان الفراسه مياسيم
ربعٍ اذا حارن الاريا.. عصايم = بفتلٍ وتدبيرٍ وفهقٍ وتقديم
ربعٍ تطول كفوفهم للعظايم = لا قصّرت عنها الكفوف المقاطيم
ربعٍ رقوا بالمكرمات السنايم = غصبٍ على خشوم الخصوم المداقيم
ربعٍ ليا من ثار عج وكتايم = يردون حيضان المنايا بتصميم
ربعٍ بساحتهم ندا الموت دايم = مايذبحون الا الاسُـود الضياغيم
ربعٍ اذا شحّ الدهر بالطعايم = تلقى(هل المشعل) كرامٍ مطاعيم
اهل الفعال الماضيات القدايم = مثل الجبال الراسيات الجواثيم
اهل السيوف اللي تقص العظايم = واهل الرماح اللي تشق الزراديم
واهل البنادق يوم ترزم رزايم = كم رمّلت بيض وتيتّم مفاطيم
واهل الضعاين والسلف والجهايم = والبيرق المنشور فوق الضراغيم
{واهل المشاعل} بالليال الظلايم = به يستدلون السراة المناجيم
واهل المضايف متعبين الخدايم = من كثر مايارد عليها المعازيم
واهل الدلال اللي بها البن عايم = واهل الصحون اللي بها البل مراديم
واهل الدخيل اليا زبنهم مهايم = يبشر بعزٍ قبل يزهم مزاهيم
واهل الخوي..للجار دايم رحايم = ويدلهونه بالمعزه وتحشيم
والضيف له يمشون قدر وحشايم = من قبل لاتاصل خطاه المقاديم
(اولاد غانم ) حايزين الوسايم = بالمجد والعز والمعالي مغانيم
غانم ابن حسان راعي الهمايم = شيخٍ وصل مجده لكل الاقاليم
نسّـى العرب (حاتم وأوس) الشهايم = و(عروه ومعن) عنهم الالسن مباكيم
مهدي العريبه من المهار الرهايم = ومعطي النجيبه من البكار المجاهيم
مايذبح من البل وجاع وهلايم = ذباح للخطار كوم ٍ علاكيم
من عنتر العبسي بفعله رسايم = ( يغشى الوغى ويعف عند المغانيم)
باشات بغدادٍ لوده تسايم = يبون كسب رضاه لاينقلب ضيم
ولا عطى راسه كبار العمايم = عدوان يعرب والطغاة الشراذيم
ودزوا فرامينٍ عليهن ختايم = يبون عشر المال يرسل دراهيم
وعيّا على الجزيه ودفع الغرايم = ولا طاعهم واتلف جميع المراسيم
وجمع رواسي الاسلم اهل العزايم = كل ابلج وصميدع من الجهاضيم
وقال:إحربوا تحيزموا بالحزايم = الترك للعاصين ماهم مراحيم)
وساقوا عساكر مثل رمل التهايم = ويدوي ورى الرايات رزح الدماميم
وتلاحموا مثل النمور اللحايم = من شق نوره لين غابت مكاظيم
(جموع البواشي) من الجنود الضخايم = كبار الهوامي والعراض الشياظيم
(وخلفة غرير) اهل الصفوف اللحايم = حدب السيوف اللي تحز الحلاقيم
وخلوا جنود الترك مثل النعايم = والا( الهبا المنثور) فوق الهشاشيم
واللي سلم وخذت جواده غنايم = زكّى بها عمره وردّوا مصاليم
ويوم(إبن جشعم) شاف غلب وهضايم = شكى لغانم من ( غِزيّه وبني إحكيم)
جرّد جموعٍ مثل(سيل العرايم ) = ولديارهم وردوا كما تارد الهيم
وصالوا عليهم كالسباع الهوايم = وسّووا عليهم مثل(يوم اليحاميم)
وغرس النخل عافوه وقت الصرايم = وأقفوا رعاب من السماوه محاميم
ودندن نثر بأرض العماره الدمايم = واشبع مجيعات النسور القشاعيم
شنّه عليهم غارةٍ له حطايم = وصبّحهم بدهم العقوب المخاديم
و أودع لـُـبـن(سور العماره هدايم = (خاوي كما إعجاز نخلٍ)مجاثيم
وخلا الجنايز بالعماره خدايم = عاثوا بها ومن عقبهم عاثوا إهتيم
وسوى عشاير(غربي الشط) رخايم = وشيوخهم تدي الاخاوه مراغيم
ومحمد له سابق تلاقي العدايم = وحوافره من كثر طرده ملاكيم
ومن هول ضربه صاب سيفه ثلايم = واروى سماهير الرماح اللهاذيم
وعلى(الرّماحيّه) نوى بالحسايم = ( لِبِن حسَيّه ) وسط صدره مضاميم
نزل عليه..وثم صارت صدايم = وخلا (الرفيع) وشيخها تتبع إحكيم
وحمد ثنى لكل الامور العظايم = (راعي المشاعل) بالدجى والمعاتيم
علمه سطع يوم المحل والهشايم = نزح من (المشهد) وديرة بني تَيم
وطب (الحويجه)ونار حربه ضرايم = وصبّه على روس (العبيد)الشغاميم
بالاسلم اللي كالجيوش النظايم = مسقين خطو الضد كوس العلاقيم
(حماية الساقه) نهار الزحايم = (وهل اللحيسه) معيّشين المياتيم
وتداولو والحرب قاعد وقايم = يومٍ بها نصرٍ ويومٍ مهازيم
وبالعيث حلّوا في( يمين العظايم) = وبنّوا بها سود الرباع الدلاهيم
وفليح مفراصٍ يقض اللحايم = كم درع خيّالٍ حلقها مفاصيم
أسهر نواطير الدبش بالخزايم = وخضّب حدود المرهفات الكواديم
ومانع بيومٍ فيه شاب اللمايم = وهبّت به النّكبا (بريحٍ معاقيم)
حمي الوطيس وشاف جمعه قسايم = وطاح الطريح وصاح ينخى هل الخِـيم
وصارت على ربعه كسيره وهزايم = ثم دبّلوا وارخوا عنان النواهيم
عفت إعنان اخيالته ورد شايم = حمى الطريح وفك تالي المكاصيم
وجدعان يومه بين بايع وسايم = ارخص عزيز الروح دون المحاريم
(راعي المليحا) لاهوى بالغلايم = عادة فعل يمناه جدع الجماجيم
خلا طويلين القوايم قزايم = و اودع طوابير المعادي هواديم
اللي (طوى العزبات) طي العمايم = وفعايله عند ( العمارات ودليم )
وذياب ابو وطفى بعيد العلايم = مثل القمر لاشيف مابه مثاليم
عليه يقطعن الركاب الخرايم = وان شافهن يومي لهن بالاكاميم
صينيته تندي كريم الكرايم = حاشا الكريم الله .. قصدي الاواديم
بذراعه اليسرى حروق ووسايم = من مسفط الرغفان لاعاز تيديم
يوم (القحيمي) قاصره والقصايم = ثم قال به من عرض بعض المناظيم
البل لبيت ذياب هجن همايم = يبن معازيبٍ كرامٍ بهم شيِم
لكبش الغنم قصاب يودع ولايم = ويصبّب اغلى السمن صب المرازيم
(من باب بدرا لشرقي الزاب) رايم = من غالطه بصيت الكرم عِيِب ثم لـِيـم
شاف العرب لذياب تردم ردايم = ركبٍ مشى وركبٍ لفى وركبٍ امقيم
وسطام ستر مرودعات الوشايم = (شوق الدلوع) ام الثمان المناظيم
كم خفرةٍ على حليله تهايم = خلاه تنعي ودمع عينه سواجيم
ومطلق ليا من قال قوله حتايم = ما أرعبوه وزعزعوه المخاصيم
تشهد ( إمعمرة الغلاوين) دايم = على فعوله حيث ماهن مكاتيم
وعبطان كالسرحان نهم النهايم = اليا قنب تقنب ذيابٍ سواحيم
برى الركايب مثل بري القلايم = من كثر ماتطوي بعيد الزيازيم
وطلب حجا المضيوم زبن القطايم = منصى وملفى الهجن زرق المناسيم
وبرفته شافوا للايدي علايم = بمحش الشقاق اللي شحمهن مداسيم
ماسار في طرق الخنا والوصايم = نجيب يعزا للجدود الخضاريم
وابراهيم ابو محمد وعشرة نعايم = الكل يقوله حين يطري ابراهيم
كم قالةٍ منها العواقب وخايم = ركبه وحلّه ولاثنوه الفداديم
وطن للاسلم عقب فرقى الولايم = ومن حشمته بديار نجدٍ محاشيم
وخلا الجمال الهادره والرزايم = ترغي عقب هدره بمرحه جلاهيم
عساه مثواه الجنان النعايم = ويشرب مع الابرار من ( عين تسنيم )
وحماد ابو فيصل قوي الشكايم = قيدوم قومٍ من سلايل مقاديم
اللي لربعه مثل هب النسايم = والا الربيع اليا كسى روضة خريم
اليا وعد يافي ويرعى الذمايم = وان قال قولٍ يتبع القول تتميم
تقي لسان ولايسوس النمايم = نقي بطان ولايدوس المواثيم
ان عبّسوا غبر الوجيه الجهايم = وجهه بشوشٍ والثنايا مباسيم
قلته وقولي(غيض من فيض) زايم = (والخافي أعظم) عند ناسٍ مفاهيم
ويامحمد الحسان يا باالغنايم = سلامٍ احلى من الشهد بالبلاعيم
وازكى من العنبر عذي الشمايم = لاعط عطّر من شذاه المشاميم
ياشيخ ياللي فيك مدحي ملايم = (نورٍ على نورٍ) تكامل بتتميم
ياذخر الاسلم في نهار الوزايم = لا عضّهم ناب الزمن والدواهيم
طوقتن بحسناك طوق الحمايم = وقيدتن بثنواك قيد المعاصيم
وسمتن بطيبك ونفعك وسايم = وفضلٍ فلا انساه يا طيّب الخيِم
يابو فهد ياشوق بدر التمايم = خذ ماتراه وقيّم الهرج تقييم
اسمع مقال اللي لعلياك رايم = ويكن لك بالصدر قدرٍ وتكريم
صديقك(رميّض) حميم الحمايم = يعطيك شوره واترك دليم ودحيم
والشور وصى به حكيم الحكايم = في (سورة الشورى) بآيات حاَ.. ميم
حذرا البيات يباغتك وانت نايم = بغارات خيلٍ مسرجاتٍ مواليم
إجعل ركابك سارياتٍ همايم = مازال مشي ركاب خصمك مجاهيم
واسرج حصان العزم وارم اللجايم = واطلق عنانه وقله(اشتد يازيم)
ماتشوفهم يشدون حصنٍ عزايم = وصهيلهم يابو فهد يقعد النيم
(الاشعري) لايخذلك وانت صايم = يستدرجه(عمرٍ) اذا صار تحكيم
ثم {يبلغ السيل الزبى} والعدايم = ولا ينفع المخذول عـضّ الاباهيم
واعرف ترى قطع الخشوم الشمايم = افضل ولاقطع الرسوم المعاليم
والدلو لاجذيت منها الوذايم = ماينفعه طول الحبال المباريم
والناس بالتجبار ترجي الكصايم = ولاترتجي بكسر الزجاج التلاحيم
ولاتستهين ان شفت خصمك ملايم = ترى السهل مايامن بجوفه النيم
لوهو مثل ماقال قطب الفهايم = ( أصغر من النقطه حدر دارة الجيم )
ترى الجمل يوذيه عض الحلايم = ويجزع ولو انه صبورٍ على الضيم
وان شفت ناسٍ في شدوقه جذايم = جِذه وتشفي علةٍ بالحيازيم
دم العلابي لافسد به سقايم = وطبه يابن حسان فصدٍ وتحجيم
والناس له ثنتين: لين وحزايم = مثل الشجر يحتاج سقيٍ وتقليم
والفتل والكتمان والعزم دايم = كاللين والقسوه برقط الاراقيم
وتبقى القديم وفي يديك الزمايم = ويسير خلف ركابك اسليم وسحيم
وشيخ الشداد وراعي الكور دايم = وغيرك رديف إتحوله بالملازيم
ولو نازعوك اهل الختوم الخصايم = مازعزعوك وفي يديك الخزازيم
في غيبة الما بالتيمم لزايم = وليا حضر ابطل جميع التياميم
ولا حصل العليا ردي العزايم = والا انت حصلته وغيرك مهاضيم
وكان الكرام بجودهم كالغمايم = جودك يابن حسان هتان مع ديم
وليا افتخر اهل العطايا الهلايم = تبقى انت ( عين السيح) كنز المعاديم
وتبقى مثل(سنجار) شامخ وشايم = رجلك على البيدا وطموحك ورى الغيم
سن السفينه جار و اودع ثلايم = وسمّوه ( سن كلوب) لليوم ومديم
ولاهزهزن ركنه رياح وعسايم = ولا قلقله دك الطواب المراجيم
واسلم عسى ايام عمرك تمايم = عدد بيوت ( الملحمه ) اللي على الميم
وعسى عدوك دايمٍ بالهضايم = (متعومسٍ وامواج فكره ملاطيم

من يقرأ هذه الملحمه سوف يستعيد الماضي بكل أمجاده ويفتخر بهذه الاسره الكريمة،

والملحمة إهداء من رميض إلى محمد الحسان
كما قال (واهديتهن للحيد راع العزايم؛؛الشيخ اخو حسنا محمد ابراهيم ؛

طبعا الدكتور محمد الحسان من شخصيات شمر المعدوده في جميع المستويات العاليه...

-فهو رجل سليل مجد ومشيخه امتدت لأكثر من 320 عاماً كما ذكرت بعض الكتب والسيّر..
-إستاذ في جامعة الملك سعود وهي من اهم الجامعات في العالم وفي مملكتنا الحبيبة..
وهو من المشاركين في رفع المستوى التعليمي في المملكة العربية السعودية..
له كتاب (المواطنة وتطبيقاتها في المملكة العربية السعودية)
وهو من الكتب القيمة التي نفذت من المكتبات حين توزيعها واعيد طبعه من جديد...
-رجل دوله ورجل أمن من الطراز الاول..فهو احد منسوبو وزارة الداخلية
في المملكة العربية السعودية أعزها الله وثبتها على الحق...
-من الرجال الذين بذلوا مجهود جبّار لمحاربة الإرهاب بكل أشكالة ومستوياته من خلال مشاركاته ومؤلفاته
لنبذ الارهاب وتشتيت مروجيه وأفكارهم وطردها من المجتمع ..!!

مواقفه مشرفه على الصعيدين السياسي والعشائري ....

فهو رجل محشوم ومقدّر لدى الاسره الحاكمه اعزها الله (آل سعود )

علاقاته الاجتماعية ومساعيه للخير في مايخص قبيلة شمر والقبائل الاخرى ...

له موقف مشرف لأبناء عمومته من شمر الذين تم ابعادهم من الامارات العربية المتحده..

رحب بهم في مملكة ال سعود الكرام واستخرج لهم اقامات بأمر من وزارة الداخلية والان هم متواجدين في الرياض وفي بعض مناطق المملكة ويعيشون كغيرهم في امن وامان..
مع العلم ان ابعادهم كان الى العراق وفي هذا الظرف العصيب الذي يعيشه بلاد النهرين..

فوقف معهم وقفة رجل شجاع وصاحب نخوه وجعل مرورهم الذي مدته 3 ايام.. إقامة في بلاد الحرمين الشريفين...

ايضا هناك اناس هاجروا من العراق بسبب الحروب والدمار والقتل وقام ابو فهد اطال الله
في عمره
بمساعدتهم ومد يد العون لهم ورحب بهم في مملكة الانسانية مملكة عبد الله
وسلطان ونايف وسلمان واحمد وال سعود وشعبهم الكريم ومملكة المسلمين كافة...
وهم الان مستأجرين بيوتهم على حسابه الخاص....

اعمال خيريه كثيره يقوم بها لوجه الله تعالى ...

ففي شهر رمضان كل عام.. يقوم بتوزيع المواد و الذبائح على الفقراء اسبوعيا وهم من شمر وغيرهم..(يقوم بالاشراف على هذه المهمه اخيه الاصغر الشيخ علي الحسان)

ايضا في موسم الحج وفي كل عام... يُسيّر حملة على نفقته الخاصة تتكون من 40 الى 50 حاج الى الرحاب الطاهره لأداء فريضة الحج بتكاليف يعلمها الله وحده...
(أيضا يقوم بالاشراف عليها اخيه علي الحسان)

له مجلس لا يُغلق ابداً بحول الله وقوته....

فهو مورد لكل القبائل وشيوخها واعيان الرياض وكبار الشخصيات ومشايخ دين ومثقفين
وشعراء ومستحقين وغيرهم...

يقول ابن اخيه ابراهيم الحسان من ضمن قصيده يمتدح فيها عمه محمد الحسان..

المجد لو دنقت له قال: لاهنت=عطني يمينك ياذرى كل ملهوف

نعم انها الثقه بالنفس ومخاطبة المجد في ماضيه وحاضره ..



جده غانم ابن حسان الذي هاجر من نجد الى العراق ومعه اليوسفين الزقاريط وزوبع

واستوطنو بالقرب من بغداد وكربلاء .. وهناك مناطق سُميت على اسمهما.

الحسانيه (الحسينيه حاليا) نسبةً لغانم الحسان.. اليوسفيه نسبة للزقاريط والمحموديه لزوبع.

وحين نقرأ الملحمه للشاعر رميض نجدها شرح وتفصيل لعائلة الحسان من شيوخ شمر..

حيث انه استفرد بكل شيخ وفارس وقائد من هذه العائلة كلاً على حسب تاريخه وامجاده..


غانم

غانم ابن حسان راعي الهمايم = شيخٍ وصل مجده لكل الاقاليم
نسّـى العرب (حاتم وأوس) الشهايم = و(عروه ومعن) عنهم الالسن مباكيم
مهدي العريبه من المهار الرهايم = ومعطي النجيبه من البكار المجاهيم
مايذبح من البل وجاع وهلايم = ذباح للخطار كوم ٍ علاكيم
من عنتر العبسي بفعله رسايم = ( يغشى الوغى ويعف عند المغانيم)
باشات بغدادٍ لوده تسايم = يبون كسب رضاه لاينقلب ضيم
ولا عطى راسه كبار العمايم = عدوان يعرب والطغاة الشراذيم
ودزوا فرامينٍ عليهن ختايم = يبون عشر المال يرسل دراهيم
وعيّا على الجزيه ودفع الغرايم = ولا طاعهم واتلف جميع المراسيم
وجمع رواسي الاسلم اهل العزايم = كل ابلج وصميدع من الجهاضيم
وقال:إحربوا تحيزموا بالحزايم = الترك للعاصين ماهم مراحيم)
وساقوا عساكر مثل رمل التهايم = ويدوي ورى الرايات رزح الدماميم
وتلاحموا مثل النمور اللحايم = من شق نوره لين غابت مكاظيم
(جموع البواشي) من الجنود الضخايم = كبار الهوامي والعراض الشياظيم
(وخلفة غرير) اهل الصفوف اللحايم = حدب السيوف اللي تحز الحلاقيم
وخلوا جنود الترك مثل النعايم = والا( الهبا المنثور) فوق الهشاشيم
واللي سلم وخذت جواده غنايم = زكّى بها عمره وردّوا مصاليم
ويوم(إبن جشعم) شاف غلب وهضايم = شكى لغانم من ( غِزيّه وبني إحكيم)
جرّد جموعٍ مثل(سيل العرايم ) = ولديارهم وردوا كما تارد الهيم
وصالوا عليهم كالسباع الهوايم = وسّووا عليهم مثل(يوم اليحاميم)
وغرس النخل عافوه وقت الصرايم = وأقفوا رعاب من السماوه محاميم

بيض الله وجه رميض الحريري وبالفعل اتى بماهو صحيح بالاثباتات والادله
والشيخ غانم الحسان هو اول من وطأ ارض العراق من الاسلم من خلال هجرة الاسلم.

دندن

ودندن نثر بأرض العماره الدمايم = واشبع مجيعات النسور القشاعيم
شنّه عليهم غارةٍ له حطايم = وصبّحهم بدهم العقوب المخاديم
و أودع لـُـبـن(سور العماره هدايم = (خاوي كما إعجاز نخلٍ)مجاثيم
وخلا الجنايز بالعماره خدايم = عاثوا بها ومن عقبهم عاثوا إهتيم
وسوى عشاير(غربي الشط) رخايم = وشيوخهم تدي الاخاوه مراغيم

وهو من الشيوخ والفرسان المعدودين بقبيلة شمر وخير شاهد بن حسيه والرفيع..



حمد (ابو المشاعل)

وحمد ثنى لكل الامور العظايم = (راعي المشاعل) بالدجى والمعاتيم
علمه سطع يوم المحل والهشايم = نزح من (المشهد) وديرة بني تَيم
وطب (الحويجه)ونار حربه ضرايم = وصبّه على روس (العبيد)الشغاميم
بالاسلم اللي كالجيوش النظايم = مسقين خطو الضد كوس العلاقيم
(حماية الساقه) نهار الزحايم = (وهل اللحيسه) معيّشين المياتيم
وتداولو والحرب قاعد وقايم = يومٍ بها نصرٍ ويومٍ مهازيم
وبالعيث حلّوا في( يمين العظايم) = وبنّوا بها سود الرباع الدلاهيم

الشيخ حمد من اكرم كرماء العرب.. لُقب بأبو مشاعل لكرمه الزائد في عصره..
حيث انه يقوم بإشعال النار على رأس الاشياء النايفه والعاليه في الليل كي يراها
الضيف وعابر السبيل ويراها من سكن بقرب الشيخ حمد من قومه ومن اقوام اخرين
كي يستدلو بها ويأتون للأكل في جوع ذلك الزمان.. والمشاعل تعتبر بمثابة دعوه وعزيمه للملأ...



فليّح

وفليح مفراصٍ يقض اللحايم = كم درع خيّالٍ حلقها مفاصيم
أسهر نواطير الدبش بالخزايم = وخضّب حدود المرهفات الكواديم

شيخ ..كريم..فارس... هو الذي جعل احد المشايخ ينطق بمائة وواحد كلمة في احد معارك الاسلم..وكان ذلك الشيخ يلقب (ابو كلمة ونص) لشجاعته وكبرياءه وقوته ...
وحين رأى الموت بعينه قال له الشيخ فليح.. إن نطقت مائة كلمه سأعفو عنك...
وبالفعل حصل هذا...نطق مائة وواحد كلمة وأعفى عنه...(قصه معروفه عند شمر وشيبان الاسلم)




جدعان

وجدعان يومه بين بايع وسايم = ارخص عزيز الروح دون المحاريم
(راعي المليحا) لاهوى بالغلايم = عادة فعل يمناه جدع الجماجيم
خلا طويلين القوايم قزايم = و اودع طوابير المعادي هواديم
اللي (طوى العزبات) طي العمايم = وفعايله عند ( العمارات ودليم )

العمارات من عنزه..قام بكسرهم مرات عديده قبل وقوعه طريحا في ساحة المعركة...

وجعل قبلية الدليم في خوف مزمن حين يأتي اسمه بينهم...
وقيل انهم اذا جائو بحلالهم وإبلهم للمورد ورفضت الشرب يقومون بمخاطبتها بقولهم
(هل رأيتي جدعان في الماء ؟)

وهذا دليل على شجاعته أن يعترف به حتى عدوه .





ذياب الحسان

وذياب ابو وطفى بعيد العلايم = مثل القمر لاشيف مابه مثاليم
عليه يقطعن الركاب الخرايم = وان شافهن يومي لهن بالاكاميم
صينيته تندي كريم الكرايم = حاشا الكريم الله .. قصدي الاواديم
بذراعه اليسرى حروق ووسايم = من مسفط الرغفان لاعاز تيديم
يوم (القحيمي) قاصره والقصايم = ثم قال به من عرض بعض المناظيم
البل لبيت ذياب هجن همايم = يبن معازيبٍ كرامٍ بهم شيِم
لكبش الغنم قصاب يودع ولايم = ويصبّب اغلى السمن صب المرازيم
(من باب بدرا لشرقي الزاب) رايم = من غالطه بصيت الكرم عِيِب ثم لـِيـم
شاف العرب لذياب تردم ردايم = ركبٍ مشى وركبٍ لفى وركبٍ امقيم

ذياب ابو وطفى .. هو الذي لايأكل حتى تأكل الارمله وأيتامها..
هو آخر من يأكل الطعام من قومه وجيرانه ...

اذا اطمأن عليهم جميعا قام و اكل الطعام ....

اسرة الحسان اسره عريقة الاصل وقديمة المشيخة وهذا شئ معروف لجميع شمر والقبائل الاخرى...


وانا هنا اردت ان اعطي هذه الاسره حقها في مايسمى الانترنت والمنتديات..

واردت ايضا ان اجازئ الشيخ الدكتور محمد الحسان بجزء بسيط من معروفه الكبير ووقفاته المشرفه والمشرقه.....


وهذا الموضوع سيكون خاص بالشيخ محمد الحسان ولجميع مواقفه واخباره والقصائد التي قيلت فيه وفي الحسان الكرام قديما وحديثا........

وهذه قصيده بمدح الحسان وهي لإبراهيم بن خليل الحسان

المشاركة الأصلية كتبت بواسطة ابراهيم بن حسان

السلام عليكم ورحمة الله وبركاته

سوالف بدو عاداتهم تكرم الضيفان=قبل حضرنا لايعرفون الجدي وسهيل
تقاسمتها البارح مع الروح والوجدان= سوالف قروم ٍ ذكرهم زعفران وهيل
على غير عاداتي...احط الزمن نيشان = وأقوس على صدري برمح العبث والنيل
تعللت مابين الحميا وإبن حسًّان = على جال ضو ٍ يشعلونه بتالي ليل
خذيت الهقاوي مأخذ الصدق والإيمان = وعسفت الجُمل بالشرط ماتقبل التبديل
ظمأ يازماني يوم جيتك وانا ظميان = تزيد العطش فيني وعندك سحاب مخيل
وانا لو ذراعي..جات تقصر عن الذرعان= عليّ الحرام إني لمثّل بها تمثيل
ولا شفت حر ٍ يطلقونه بلا جنحان = ولا شفت راس ٍ تالي العمُر يصبح ذيل
يقوله (محمّد) يوم خلوني الخلان..= تلقّتهم الرمضى وردّو وانا ماعيل
هي المشكله مابين..دانه وليله دان = على سمّع طفل ٍ بالمهد مالقى تدليل
من إسنين فاتت والمواقف تبي شجعان = قبل لانعرف ان المدامع تبي منديل
بعد (غانم) و (دندن) و (مانع) وابو (قريبان) = بعد (مطلق) و (شرموط) و(خزيّم) الحلحيل
بعد (فاضل) و(ميّاح) و(فليّح) و(عبطان)=و (حمّد) و (المشاعل) والميادين واهل الخيل
بعد وقفة ٍ لــ (شويش) ذلّل بها العدوان= بعد (صيرة الحسّان) واللي يبي تأصيل
مع (ذياب) و (مطشر) و (سطّام) ابو (الطرمان)= بعد (عايد) وشلّفاه واجيال يلحق جيل
بعد جدي (إبراهيم) من يكسي العريان؟= ومراجل عقب ذولاك يبغى لها تحليل!
طواها ظلام الكذب والزور والبهتان= غدّت سود صفحات الحقايق من التضليل
و تسلّم (محمد) تاج عزه من الشيبان= نسّل طيب..ما جاته من إعلام أو تطبيل
يسج القدم للجود ويسابق الهتان= يذل الصعايب ذل..ويعاند التسهيل
نقي السريره..طيب القلب والمسكان= نسينا عطى غيره هل الصاع واهل الكيل
عطاياه تاتي وافيه..مابها نقصان= فلا شرح يشرحها ولايوفي التفصيل
زرّع طيب من نجد العذيه..لحد عِمان= على شامها وبغدادها والعجم والنيل
لو الرأي بيدك..كان ماتعُزلّ الاوطان= ولاتطمع امريكا ولاتطمع إسرائيل
وعلي الحرام إني فلا أوجه القيفان= على غير رجل ٍ يستحق الثنى والقيل
أقوله وانا عندي بأبو (محمد) البرهان= هذاك احمد الحزات مايقبل التأجيل
سوات الصهيل اليا انطلق من صميم حصان = يلوذ الردى عنه بمليار وابعد ميل
واسوق القصايد سوق وأتعب بها الركبان=على مركبّ الامجاد والعز والتفضيل
لأبو (فيصل) كحيلان يامدور كحيلان= ربيع الضعوف اليا ادبر الوقت يذبح حيل
والى جيت في تسليط ضوّي على (حمدان)= فهو كاسب الارحام واهل الرحم بالحيل
عزيز الجناب مخاوي الصدق واهل الشان= كريم الطبايع من اهل البِر والتعجيل
وانا ياقصيدي ماعرضتك بـــ(خمس إخوان)= على شان تقعد زاوية عرض للتقبيل
انا جيت ابيّن للأرامل مع اليتمان= ترى هناك رجل ٍ كالمطر فوق قاع محيل
لقاه أخضر من العشب..وابلغ من الوديان= زِعِل وادي الرمه وسمّاه وادِ السيل
(علي) هو عدو البخل والشح والخذلان=وهو مارد الحشمه والاحسان والتبجيل
وسواءً وزنت الشعر والا كسرت أوزان= بعض ناس مكسورة مبادئ تبي تعديل
ولا همني سكبه ولا برقعٍ فتان= احب الحقايق والفخر واكره التمثيل
كفاني فخر عندي(فهد) ملجأ ومزبان= مضرّا على شيل الحمول وعسفّها شيل
على (سعود) و(إبراهيم) و(النايف) و (سلطان)=مبادئ مهي قولن مقدس ولاتنزيل
مكارم بدو ياحمود من سالف الازمان= رعوها عن الرديان والذل والتذليل
هو الحظ لا خاواك ماحاشك النقصان= واذا صد عنك لاتلومه يزيدك ميل
ولا خاب من يقرا تبارك مع الرحمن= ويقرا آية الكرسي والاخلاص واهل الفيل

ابو فهد..هذا قليل بحقك وسأبقى ممنون لك طول حياتي انا واولادي ...

اتمنى له طول العمر والتوفيق والسداد.. اللهم احفظه بحفظ من عندك واجعل طريقه طريق توفيق ومعزه وشموخ...



اخواني الاعزاء اشكركم مقدما على تشريفكم لهذا الموضوع

وان شاء الله هناك اضافات وصور وقصائد تخص هذا الاسم الكبير المشرف




اخوكم حمود بن عبطان العفريتي الشمري (ابو محمد)

 

 

 

 

 

 

 

 

 

 

ونعم ونعم ونعم بالحسان كلهم رجال اهل طيب وفزعه ماهي شويه

وبيض الله وجهك اخي كاتب الموضوع علي موضوعك المميز عن الحسان والذي لا يفيهم حقهم

 

 

 

 

 

 

 

 

 

 

المشاركة الأصلية كتبت بواسطة سيف الطنايا

ونعم ونعم ونعم بالحسان كلهم رجال اهل طيب وفزعه ماهي شويه

وبيض الله وجهك اخي كاتب الموضوع علي موضوعك المميز عن الحسان والذي لا يفيهم حقهم

مليون نعم

مازيد علي بوخالد

 

 

 

 

 

 

 

 

 

 

سيف الطنايا

بيض الله وجهك يابوي


لاهنت

 

 

 

 

 

 

 

 

 

 

بدر الشمري


الف شكر لك

 

 

 

 

 

 

 

 

 

 

الاخ العزيز سليل الجود

بارك الله فيك على هذا الموضوع القيم وهذه المعلومات الوافية

عن اسرة ال حسان عموما وعن الشيخ الدكتور محمد بن حسان

حيث ال حسان اسرة مجد ومشيخة منذ قديم الزمن

فلهم في الحروب صولات وجولات ولهم في الكرم اروع الامثلة

ومواقفهم في مساعدة الآخرين طيبة جدا جدا ادعو الله ان تكون في

موازين حسناتهم .

هذا تثبيت للموضوع من قبلي لأستحقاقة ذلك

لاعدمتك

 

 

 

 

 

 

 

 

 

 

سر يا قلم وكتب من الشعر بتين = اموجهه لاغلى اشيوخنا ومهداه
اللي مخاوينا على الصبر واللين = وقت الرخا معنا وبالضيق نلقاه
ماهو من الي يتعامل بوجهين = محشوم ابو فهد ماهي مزاياه
مواقفه بالطيب تشهد لها العين = وعلى دروب المرجله صارت خطاه
من عهد جدانه الى عهدنا الحين = متوارثين الطيب والعز والجاه
له حشمه تغلى على كل غالين= وقليل منهو كان مثله وشرواه
الله عسى ياقاه عين الحسوديين =ويطول بعمره لنا ويرعاه
محمد بن حسان والله ونعمين = يستاهل التمجيد من فعل يمناه

الشاعر جابر عبدالله فلاح الشمري

 

 

 

 

 

 

 

 

 

 

اهلا هلا بالشيخ وافي المواجيب =وميه هلا في شوفتك يا بن حسان
وتحيه مني بها المسك والطيب = من خاطر ياشيخ وافي وشفقان
حيث لكم بالطيب علم ومناسيب = ومكارم يفرح بها وافي الشان
قلته على اللي مثل طير المراقيب = محمد اللي خالط الطيب باحسان
ابو فهد جزل العطا والمواهيب=زبن الدخيل اللي من الضيم شبعان
فراج عسرات العنا والمطاليب=يثني لربعه في مصاعيب الازمان
حقايق للناس ماهي تجاريب = فيها الوكاد وثابت العلم برهان
خلايف اللي يوم خيل مهاذيب = له هدت ما هدها الذيب سرحان
ابراهيم ابو خليل معطي المحاليب = ويبرالها قب تقاود بالارسان
يا ما عطى يوم الليالي شلاهيب = بمواقف يشهد لها شيوخ بدوان
شيخان الاسلم يوم خيل مناديب = اهل الكرم يوم اليالي بعسران

الشاعر دحام الشمري

 

 

 

 

 

 

 

 

 

 

السكبه بيض الله وجهك والف شكر لك على التثبيت

 

 

 

 

 

 

 

 

 

 

ونعـم والله ..

أسره عريقه وطيبـه ..


لاهنت أخوي الكريم ..

وسلمـت يمناك طال عمـرك :)