هذي القصيده قالها الشاعر خليف ابن راضي العجيلي الجعفري
والقصيه مبهمه وهو يقصد بها موضوع لم يوضحه فا انا قريت القصيده واعجبتني فاجاريتها
بنفس الوزن والقفيه.. يقول خليف
اه يا دكتور من دق الابر=التهب شريان قلبي وظهري
صابرن والله يعين اللي صبر=ياشرايين المعاليق اصبري
انتظر حتى خبر ينقض خبر=ياغواميس الليالي بشري
اه يادكتور من طبع البشر=العسل يخلط على حب الشري
العرج يصخر على شكل العور=والمكانيكي يسب البنشري
شفت انا بناس مجنون البقر=وجه ثور وبالملامح بربري
يزرع النخله وقلبه من حجر=فيه شك ويرتدي بدلة بري
عرض السلم وسند ونحدر=انحدر يوم انحدر مشيه قري
والحضيض اللي متعافي وانستر=من يعز النفس مايغبط الثري
يقصرانا لاتسدون النهر=ياعرب وش ذنب ري الشمري
جاريته بهذي الابيات اقول
يابو صالح قلنا ويش الامر= الكلام اللي تقول يحيري
قولك اللي قلت يلفت لنظر=يشغل اللي بالامور يفكري
هل تعاني ضغط من قاصر شبر؟=اوتعاني حب غرون غشمري؟
جمعت الموضوع ببيوتن عشر=كل ابوهن زي طعم السكري
مصمماتن مثل تصميم الصخر=نظم شاعر ماهو نظم الثرثري
راع الهرج الزين يربح ماخسر=كل راعي صنف منه يشتري
البشر دايم مدارس للبشر=ونت مدرس تستحق ان تشكري
فزت بالممتاز ماجبت الصفر=اشهد انك شاعرا يالجعفري
لك تحيه بالورود وبالعطر=ياسمين ومختلط مع عنبري
خذ مرد الجرهدي بالمختصر=نختصرها ولانحب نكثري
وسلامتكم
الشاعر/عبدالله الجرهدي
.gif){kind=icon}
بيني و بين خليف
رد: بيني و بين خليف
العرض العادي
