وقعـة ( أنطـاك ) .. بيـن اللغيـصم من شمـر والحفـاة من عتيبـه .. :)

بسم الله الرحمن الرحيم

السلام عليكم ورحمة الله وبركاته



تواجة ابن لغيصم ومن معه من المسعود من شمر


مع الحفاة من عتيبة في ديار عتيبة


وحدثت معركة تشيب الوغد وكان الهوش دون الابل وتجمعوا العتبان دون حلالهم
وحدثت مقتله عظيمة بين الطرفين
وكانت كل ما تقدمت خيل شمر استمات الحفاة وصاروا على شكل سور دون البل
اللي كانت هدف شمر
ولكن ال رجال حالوا دونها وفي النهاية انكف الغزوا بسبب ان العتبان ما انكسروا
رغم الخساير في الرجال حيث قتل منهم حدود السبعين فارس كما ذكر
وكذلك قتل من الاسلم عدد كبير من الفرسان والخيل في حدود الثلاثين والله اعلم
وكان ابرز من قتل في ها المعركة واحد من اللغيصم فارس مشهور ويقال انه عقيد القوم
والحقيقة اني ما توصلت لاسمه
وكذلك عدد من فرسان عتيبة
وقد ذكر تلك المعركة احد فرسان الحفاة وذكر من قتل فيها واحداثها
بالتفصيل وكيف سارت الامور ومدح شمر بما يستحقون
وتوجد على من قتل في المعركة من الطرفين وذكر ان عددهم كبير من الطرفين
وكذلك توجد على من قتل من ربعة من الفريس وذكرهم بالاسم
وذكر انهم هجوا بحلالهم عن شمر
الحفاة يقولون ان الجنازة اشترك بالمعركة وهذا غير صحيح انما هي سرية
لاني وجدت عندهم مغالطات في ذلك وهم اي غزو من شمر يقولون ابن رشيد
ويدعون في اكثر الاحيان انتصارهم وحنا ما نتسول التاريخ والطيب لاننا نعد اللي لنا واللي علينا وعتيبة من اطيب القبايل واحبهم لنا في الوقت الحاضر
لكن فكة الحلال لا تعني النصر على شمر انما هي نجاح في صد هجوم شمر الكاسح


واليكم اخواني القصيدة :

أول كــلامي طلبت الله وذكــــــــره 000 ذكرت ربي كل بـــادي نـــــور
يقول بن حــافي بدا راس مرقـــــب 000 في مرقــــب عالــي بروس القور
يرد من زين المثــايل وينتـــــــقي 000 مثل العسل حلــــــو بدون امرور
كلام أحلــى من لبن شمـــخ الــــذرا 000 لاروحت من حــــاجر ممطـــــــور
بعد جا خيال طلعة الشمس وامطــرت 000 ثعوله من الدم الحمـــر شختـــور
وبروقه من بأيمان النشاما سيوفهم 000 ورعوده من افواه الســلاح يثور
قبلي خشــــــم(نطـاق)لا طقــه الحيا 000 شمال من العد الهماج أحـــــدور
نطحنا العداء من يوم جتنا جموعـهم 000 على سردهم والبيرق المنشـــور
طاحــــــــوا به الفرســان منا ومنهـم 000 وردوا هل العاده على الصابور
وسقيناهم السم الذحـاح وسقــــونا 000 مثل نمـــــور صادمت لنمـــــــور
وابن لغيصــم طــاح منا على الثــرا000 ونحدهم عن مالنا بحــــــــــــدور
ياذيب ياللي بايمن النيــــر وايسره 000 كل من مداس الخيـل يا معــــثور
واكل من الصبيان والجيش والرمــك 000 والى ظميت اشـرب من المنجــور
تلقا على الساقه حصـــــان ومهره 000 وتلقا عيــــــــال لابسين اكـمور
وصوت لذيب يم حشــــــــــــــة مليه 000 وخلو لغياب السباع جــــــــزور
كم صاح عقب الكون من زينة الحلا 000 حناها طناها حنيــــــــة الباكور
من اولاد حافي لابتي ذي فعـولهم 000 أهل ماقف يوم اللقاء مشهـور
وكــروا علينا ثم رجعـــــــنا عليهم 000 واقفت بهم جرد المهــــار عبـور
وردوا علينــا وردة في عزيـــــــمه 000 وهج الحــلال وزرفــل المظهور
وأحاطوا بنا قـــوم تهاذيب خيولهم 000 ولجة حداويهم على المــــــامور
ورمينا العمايم واعتزينا بحــــافي 000 وثبــــت لهم كل أبلــــج منعــور
وكــروا علينا ثم رجعـــــــنا عليهم 000 واقفت بهم جــرد المهـــار عبــور
وطاحن جياد الخيل من ضرب لابتي 000 والدم الاشـــــــــــقر بيننا منثور
وحمو جريرتنا عيــــــــــال بفعلهم 000 وعيا على التــــالين بن صمعــور
وافتكت اللقوة بكثر الرزايــــــــــا 000 وكل خـــذا حقـــه من الميســــور
جنايز الظفران حافي وشمــــــري 000 أمسي بها سبــــع الخلا مسـرور
واربعي اللي كل ما قلت أظنهـــم 000 لاكن يهـــدم بالبــــــلاد اقصـــور
أهل مرحبا وان جت ليالي الشدايد 000 وأهل الكرم وان جت ليال اعسور
ياحيسفا ياريف هجــــن حفايـــــا 000 يوم الـــردى عن خاطره مثــــبور
أيضا وابن هزاع وعميش قبـــــلهم 000 وحــزام شوق الجــــادل الغنــدور
وجدي عليهم وجد من بات ســـاهر 000 يجر العواء من عظمــــه المكسور
والوجد الاخر وجـد من بـــــاع ذمته 000 ولـــــقوا عليه الطيبين اعقـــــور
والا وجودي وجد راعي هجمــــــه 000 اخـــذها الذويبي من طرف مجـرور
واستغفر الله قــــــــبل تكتب عليه 000 في كل عمـــــري ما ذكرت الزور
تمت وصلى الله على صفــوة الملا 000 اعــــداد ما يزهى الفــلا بزهــــور



وسـلآمتـكـم .. منقول :)

 

 

 

 

 

 

 

 

 

 

تسلم يابن فهد على المشاركة والله لا يهينك

لك وافر التقدير يالعزيز

 

 

 

 

 

 

 

 

 

 

الله يسلمك ..


ولاهنت ياحيي على المرور العطر ..

..
.

:)

 

 

 

 

 

 

 

 

 

 

تسلم يمينك محمد
وتقبل مروري

 

 

 

 

 

 

 

 

 

 

تسلمـ يابو فهد على هالمشاركهـ,,,,,

 

 

 

 

 

 

 

 

 

 

فيصل ..

الله يسلمك طال عمرك ..


وتشكر على مرورك ياحيي :)

 

 

 

 

 

 

 

 

 

 

بندر ..


الله يسلمك طال عمرك ..


ولاهنت على مرورك ياحيي :)

 

 

 

 

 

 

 

 

 

 

تسلم يابو فهد والله ماقصرت والقصيده والله صورت الحدث كنا حظرنا

يازين الاجواد اللي مايعدون الا الصحيح

تقبل مروري

 

 

 

 

 

 

 

 

 

 

الله يسلمك طال عمرك ..


وحياك الله وياهلا ومسهلابك :)