نواف بن نهير x عبدالله الشلاقي

قصيـــدة من الشــاعر / نواف بن نهير العلوي الشمري
في مدح الشلقان عموما و مدحه لحميد بن صلفيق الشلاقي خصوصا

سـلام تعـداد النـجـوم المنـيـره =وعد الزهور وعد نبت(ن)بريضـان
يهـدن لرجـال الشيـوخ وشويـره=حميد بن صلفيق من روس شلقـان
ريـس علاقـات الوفـود الكبيـره=ابو شجاع الشوشلي عـاش لاهـان
منـدوب نخـوه بألامـور المحيـره=انخـه وتلقالـي دليل(ن)وبـرهـان
يرقا بنفسـه عـن علـومٍ صغيـره=بمجالس الشيخـان تلقـى بليهـان
من روس ربـعٍ يلطمـون المغيـره=واحد من الشلقان عن عشر فرسان
مثل الذي سجـل بسجـل الجزيـره=ابو صهد سجل الشرف فيه وكـدان
شلقان مدحـه حـق حقـه جديـره=وكل العلـوم الطيبـه حـق شلقـان
ياما غزو في كـل صـوبٍ وديـره=خذو كسايب مـن وراء رم ومعـان
وخويهـم شالـوه رجلـه كسيـره=ولا واحداً منهـم تغيّـر ولا شـان
كنه علـى فـراشٍ توسـد حريـره=مجيدع رقد مرتاح من فوق الامتـان
ولا لحظـةٍ حسـت عليـه الجبيـره=يقول عدي جالـسٍ وسـط ديـوان
مثل الزمول اللـي توافـق هديـره= يقول صكوا بي وانـا قبـل بلشـان
شلقـان وافعالـه جـزالٍ شهـيـره=شلقان فخر الشمري ويـن ماكـان
شلقان ماتوصـف ربـوعٍ ضريـره=شلقان عليا يانخـت صابهـم جـان
شلقان ابمدحهـم بصـوتٍ جهيـره=شلقان مدحه فايتٍ مـاض الازمـان
ياطـاب الاول مـاتـردى اخـيـره=مبطي يقولونه هل العـرف يافـلان
بالمعجـزات السابقـات المثـيـره=أفعال شمـر رجّحـت كـل ميـزان
شيل الخوي بالخوف صعبـه كبيـره=مأحدٍ فعلها والـذي نشّـى الامـزان
كود الدعوج اللي طـووا للمسيـره=رجليّةٍ بالقيض بـه شمـط شيبـان
جو بالربوض من الديـار الخطيـره=من ديرةٍ ماياصلـه كـود شجعـان
ووصل وعينه في ربوعـه قريـره=ورجله نشا جبـره بعطـمٍ وشريـان
مضرب مثل شلقان محـدٍ خشيـره=نقل الخوي لو هو وراء ضلع حوران
هذا وانا من سـور ضلـعٍ وديـره=دغيرات عند الضلع بالحيـل عيـان
ولا اسب انا بـاق القبايـل وغيـره=كلٍ علـى حقـه والافعـال ميـدان
وختامها صلوا علـى احمـد نذيـره=صفوة قريشٍ عـد حـرفٍ بقـرآن

و بما أن حميد بن صلفيق هو عمي و ليس بشاعر فقمت برد الثناء
للشاعر نواف بن نهير الشمري

بسم الله ابداء و أنطلق بالمسيره =لرد التحايا لأهلها دون نقصان
للشاعر اللي من سيوف شطيره =عبده مناديب الفخر نسل قحطان
روسن كبيره ما تبي له خبيره =بالطيب طيب وبالكرم دون نكران
ريف على اللى زابنه مستجيره =غل على اللى معتدي ويش ماكان
أهل العلوم الطيبة و الجزيرة =تحكي بها لليوم من ماض الازمـان
و أفعالكم ما قيل مثله كثيره =محد عملها غيركم يا أهل الاضعان
بثنتين ما سواه غير الدغيره =صارن على صدر الزمن مثل نيشان
نسيتوا الحربي جموع العشيره=و معشية ذيب الخلا فطح طليان
فعول على بعض العشاير كبيره=ماله سواكم يفعله طيب و أحسان
و لا أقول انا حبال البقية قصيره =كلن على فعل الجمالات شرهان
بس أن شمر نارهم مستطيره =و أفعالهم تظهر على راس ما بان
وعندي لأسم شمر معاني كثيره =تأكد كلامي بأنهم روس ضلعان
الشين شوك و اللواحظ شريره =وقت اللقاء تقدح على الضد عيان
والميم ماطر طيبهم جاد خيره=من جودهم سالت على القاع شعبان
والراء ريف للخوي ما نضيره =حق الخوي يرفع على الراس وأمتان
و حنا غدير المرجلة أو محيره =بس الوكاد أنه بنا وسط شريان
نواف ما في خاطري سقت عيره =و أجهدتها يمك محبـة وولهان
وبس أحتراما للبيوت الخطيرة =ماني مكمل و أكتفي بالذي زان
وصلوا عدد نبت الزهور وعبيره=و مما خلق ربي من الانس و الجان

 

 

 

 

 

 

 

 

 

 

شاعرنا العزيز عبد الله الشلاقي

صح لسانك ولسان الشاعر نواف بن نهير الشمري

والف الف نعم بالشلقان

ومليون نعم بحميد بن صلفيق الشلاقي

دمت بود

 

 

 

 

 

 

 

 

 

 

عبد الله الشلاقي
صح لسانك ولسان نواف

 

 

 

 

 

 

 

 

 

 

صح لسانك ولسان الشاعر

انت مبدع فعلا يالشلاقي

 

 

 

 

 

 

 

 

 

 

عبد الله الشلاقي

صح لسانك وصح لسان الشاعر نواف وما قصرتوا ووالنعم بكم كلكم ..

وتحياتي لك

 

 

 

 

 

 

 

 

 

 

صحححححححححححححححح لــــــــــســـــــــــــــــانــــــ كلً من الشاعرين (( نــــــــــواف نهير الشمري ))

(( عبدالله الشلاقي ))

 

 

 

 

 

 

 

 

 

 

صح لسانكـ أخووووي العزيز.

 

 

 

 

 

 

 

 

 

 

صحت ابدانكم جميع اخواني الكرام

 

 

 

 

 

 

 

 

 

 

صٍْحٍّ لسٌِِّآنْكَـِِّ عًٍلى هٍَآلقٌٍصٍْيَدًٍهٍَـِِّ آلجًِْزٍُلهٍَ...

لآ هٍَنْتُِِّْ..

وٍنْنْتُِِّْظْرٌٍ جًِْدًٍيَدًٍكَـِِّ مًنْ آلآبٌَِيَآتُِِّْ آلرٌٍآئعًٍهٍَ..

تُِِّْقٌٍبٌَِل مًرٌٍوٍرٌٍيَ..

 

 

 

 

 

 

 

 

 

 

صح بدنك اخوي بدر و لا هنت على المرور الكريم