هذا الابيات الرديه قلتها وانا مسافر من المنطقه الشرقيه الى الشمال (عرعر) فامريت على تل يقاله تل ام(خنصر)اوحمار(ام خنصر) فاتليل هذا يمر عليه خط الشمال يقسمه مع النص.صورت هذا الموضوع بالبيات التاليه.لاني رقيت هذا التل قبل 30عام وكنت في سن الطفوله وكنت ارعا الغنم كان صامد انا ذاك التل لم يهد منه شئي. فهو يشكي حاله وا رديت عليه بالبيات التاليه...................هو البادي يقول
يالجرهدي من هالزمن شفت الاهوال=شف الظهر مقطوع والوقت قاسـي
انا كبيـر السـن مرتبـي اجيـال=ومن غير جيلك ماحصلي مئاسـي
من اولا بارز علـى كـل الاطـلال=واليوم حفار الجبـل هـد راسـي
الناس تعرف لي مقامـن ومنـزال=ومع الشتاء والصيف ياقو باسـي
انت تخبرني شامخن طيـب الفـال=عديت فوقي كـان منتـه بناسـي
تذكر يومنك بالغنم مانـت بعمـال=مكيفـن ماصـار فيـك العماسـي
شباب مستانس ومرتاحـن البـال=ماتلعب الكوره ولانـت بسياسـي
رديت بالابيات التاليه
ياتل خلك لصعب الوقـت حمـال=كم هد من قبلك جبالـن رواسـي
عالم تطور مابها حكـي وجـدال= ا لمرتفـع لازم يكـون متواسـي
من اولا وحدك ولاتشـوف الازوال=واليوم تزعجك البشر بالحساسـي
مواترا تجيـك بالـوان واشكـال=ماتعـرف تريلاتهـا والتكـاسـي
يا تل يوم ارقاك ضنـي بشـوال=بالتسع والتسعين مانـي بناسـي
لاكن صغير السن مع صف الاطفال=صغير سن وكاملاتـن حساسـي
اجر في راسك من الصوت مـوال=ماهمني وش مربحي من افلاسـي
تاليف الشاعر عبدالله الجرهدي............
اشكر جميع الاخوان والاخوات الذين شرفوني بالمرور على الابيات
اخوكم/عبدالله الجرهدي