من قصص عرار وعمير .. الضياغم !!

السلام عليكم

هذا يقولون ان عرار دايم يناحي عمير لقصر قامته وعرار طويل القامة !!

هذي مرة من المرات كان عرار مع خوياوه يشوون اللحم ويوم جاء عمير

وهو يقوم عرار ويعلق الذبيحة بأعلى الشجرة بحيث ان عمير ما ياصله !!

سنع يستهزي به لقصر قامته !!

المهم وهو يقوم عمير وقال اللي ماتطوله هذي نطوله بهذا يعني بالسيف !!

ومرة تحدى عرار عمير من يقمز جرف عريض وقال اللي ما يقمز يعشينا !!

والله وهو يقمز عرار الجرف وهو يتعداه بكل سهولة لأنه طويل !!

المهم قمز عمير وهو يطيح بالجرف .؟

وقال عشاكم علي .. وهو يقوم يذبح هكالجزور ويشوي لهم من الشوايا ويقطع من

اللحم ويشوي لهم وهو ما كلى يوم شبعوا وهو يقوم قال هالحين تشوفون قمزتي !؟

والله وهو يجيك منطلق وهو يقمز الجرف اليا هنااااااااااك وابعد من مكان عرار !!

استغربوا قالوا طيب ليش ما قمزت من اول مرة ؟

قال ابي اعشي خوياي !!

وهذي من سوالف عرار وعمير رحمهم الله جبتهن كيبوردية مما طرا بدون تنسيق ولا تنميق

يقول عمير بن راشد :-

انا جامع قصر بُصر بمرجلة ** وراعي طعنات مالهن حساب

وليا قضبت السيف بالكف !! ** والله لو ان الجموع هضاب

وسامحونا على القصور

واللي عنده شي يضيفه او يعدل تروا المجال مفتوح

تحيتي

 

 

 

 

 

 

 

 

 

 

الله يعطيك العافيه المرجف على القصه لاهنت ياغااالي

 

 

 

 

 

 

 

 

 

 

	الله يمسيك بالخير قصص جميله وناقلها في قمه الروعه يعطيك العافيه تقبل مروري ابن برزان

 

 

 

 

 

 

 

 

 

 

يعطيك العافية المرجف

 

 

 

 

 

 

 

 

 

 

الله يعافيكم

ومشكورين على المرور

تحيتي

 

 

 

 

 

 

 

 

 

 

رايتك بيضاء ووجهك أبيض
ما قصرت بالمرجف

 

 

 

 

 

 

 

 

 

 

ووجهك ابيض يالعزوة

ماحبيت تضيف شي يالغلا .؟

حياك يابعدي

وتحيتي لك