من الامور اللي تصعب على النفس مفارقه الاصدقاء والزملاء اللي فيهم خير واللي يعينونك على الدين والدنيا ولا شك انهم كنز فقده خساره ولكنها الظروف ليس لنا بها طاقه
عرض البحر
يا مل قلبن حده الشغل للبوت
متنحرن عرض البحر للجزيرة
متنحرن عرض البحر يطلب القوت
يا عــل بالتغــيير يا رب خيره
هذي من الأسباب والرزق والموت
والغيم عند الله بعــلمه يديره
فارقت لي ربعن حلاهم حلا التوت
حلوٍعلى كبد المعنى عصيره
اللي يخاويهم سعيدٍ ومبخوت
بيض الوجيه أهل النقا بالسريرة
اللي خطانا دافنــينه بتابوت
مثل الكبير اللي يداري غريره
لكني من فرقا العزيزين مبهوت
وروحي بحبس هموم بقعا اسيره
يا لله يا منجي نبيك من الحوت
يا جابرٍ ٍنفس الحزين الكسيرة
يا قاسم الارزاق يا سامع الصوت
يا خـالقٍ ٍ جنه ونارن سعــيره
ارزقني التوبة قبل حزه المــــوت
واغفرلي ذنوبٍ عليه كبيرة
دنيا و دارعبه وضيعٍ ٍو هلفوت
دنيا فساد وحسد لو هي مطيرة
دنيا بها التوحيد صوتٍ ومخفوت
والشرك طاغي زلزل الله مصيره
اشوم عنها وامنع النفس وافوت
ماكنها عندي تساوى حصيره..وسلامتكم
نايف بن حزوم
البوت =قارب بحري
عرض البحر
العرض العادي
