الامير سلطان الرشيد
على خلاف مع الامير عبد العزيز متعب الرشيد وكان يطالب بحق العبيد بالاماره وكانت الاماره
لذرية عبدالله واراد القاء القبض عليه ولكنه توجه الامير سلطان الى الشام وطلب الامير عبد العزيز من الاتراك تسليم الامير سلطان الى الامير عبد العزيز مقبوض عليه
ونصحه بعض الوطنين ان يلجأ الى بني معروف في جبل الدروز ووصل الى قرية واكد زهر الدين
وعرف بنفسه عن طريق قصيده لا اعرفها ورحبوا فيه وعندما حوصرت قرية واكد زهر الدين قال له
الظابط العثماني سلمني الضيف اللي عندك وقال له واكد هذا امير وامرنا على غدى وتفضل تغدى
معه واذا خلص الغدى تاخذه وتروح ودخل واكد على النساء وقال لهن اخرن الغداء حتى نتصرف
وامر ابنه اطلق الخيل وخل فرسك جاهزه وذهب الى الظابط وطلب منه ان ابنه يذهب يجيب الخيل
وكان واكد قد جهز قصيده وهي القصيده الاولى واوصى ابنه بس تبعد عن انظار الجندرمه فزع بني
معروف وقول لهم القصيده وفعلا فزعت بني معروف (الدروز )وطردت العثمانين وكانت هذه خطت واكد
زهر الدين ليفك دخيله من العثمانيين وهذه القصائد اخذتها من الدروز والقصيده الثانيه لاحد زعماء
الاطرش الذين هبوا لنجدته بقيادة الاطرش كما سمعناها من كبار الدروز ورد الامير بعد ان وصل
حايل قصيده
عليهم يثني على ماقاموا به
قصيدةواكد زهر الدين من شيوخ جبل الدروز عند ما اخبر بني معروف ان عنده دخيل الامير سلطان ولايريد ان يسلمه
قم يا رسل وانقل عجول الاخباري=للابه اللي زبنوا كل ملهوف
الضيغمي تو بحمانا استجاري=هايا النشاما بلغوا عيال معروف
متعقبينه فرقتينن صواري =بظباطهم وجنودهم زايم الشوف
يبون انقايض ضيفنا بالبزاري=وحنا الدخيل نقايضه خيل وسيوف
اليا حضر بالسوق بايع وشاري= نرمي العشا للي من الطير معيوف
ها يالنشاما سلاحكم والمهاري = دون الدخيل المال والعمر متلوف
حمر البيارق جردوها جهاري = ولا حنا بحال الترك لو جمعها الوف
حنا ان سرينا مبعدين المساري = وليا نزلنا ننزل بديرة الخوف
علم الوالي بعلم مابه انكاري = من يزبن سيوف الجبل يبعد الخوف
واللة يلو ان احمر الدم جاري = ياغير ياصل ضيفنا ديرة الجوف
وما قدر الله ياهل الطول جاري = المال يذهب والضنا بعد مخلوف
مار الكرامه مامن دونها اعذاري = كاس الردى ولايلحق الضيم بضيوف
قصيدة شيخ الدروز الاطرش على الامير سلطان الرشيد
عينيك يا سلطان يابن الرشيدي = جوك النشاما فوق حمر النواضير
جوك وتناخوا من قريب وبعيدي = والكل منهم شرع السيف ومغير
انظر بعينك للرمك والجريدي = واسمع زغاريد البنات المباكير
سيوف تحطم كل طاغ عنيدي = وعيال عم ٍ للوازم حواضير
افلح على دسم القرى والثريدي = وسكن الروع ولا تهوجس من الذير
وابشر بيمين ماعليها مزيدي = كل الجبل يفديك صرح ومضاهير
دخيلنا بالجيد عقد فريدي = ولاحنا بحال الترك لو هم طوابير
متجود ٍ منا بحبل الوريدي = نرفاه مثل العش ما يرفي الطير
دخيلنا ما ينشرى بالمجيدي = يا غير من د م النشاما معابير
وان كان مايذريه عبد الحميدي = كزوا علومي يارسل بالتحارير
حريبنا ناتيه لو هو بعيدي = ناتيه فوق معسكرات المسامير
قل للذي كز النذر والوعيدي = ماحنا لكم يااتراك يتم قواصير
عند اللقى نسقي المعادي الصديدي = بوضح النقى بمصلهمات المشاطير
ومع الجساره بعد راي سديدي = مانعيل حنا ولانتعدى على الغير
ولياصار مانحصل على مانريدي = بروس الهضاب نشب ناره سواعير
كيادة للضد وللعايل اكيدي = ونطاحة للشر عند المعاسير
هذي عوايدنا قديم وجديدي = زود عللى عجل القرى للخطاطير
يالله يامحصي انفاس العبيدي = عنا تكفر كل خطل وتقصير
وهذه القصيدة من الامير سلطان الرشيد ردا على شيوخ الدروز بعد ان وصل حايل
قم ياعلي ولم سلايل وضيحان = ربد من الذروات عجل جفيله
ليا سوهجن ربد ٍ بليات دخان = خطاة ريم شاف بالدو زيله
دن الركاب وهد من قصر برزان = يموم ضلع عالنوايف طويله
ضلع تشامخ من مشاريف حوران = هو منوة المضيوم عز النزيله
عم السلام وخص لي سربة امتان = وابو علي حمال درك الدبيله
وسيوف وأكد من بيارق وفرسان = نعمين ربع معذيين دخيله
ان اشهد انه ساسكم ساس قحطان = وان اشهد انكم من ذواد القبيله
وللوازم بعدكم كاين كان = ولا للكرامه كل صرح ضليله
يوم علينا حوضبت اربع اركان = تقطعت وذم الدلا من مشيله
جونا سرايا الكيد من ال عثمان = وبعيونهم تقرى الغدر والدغيله
حاطو بنا مايحوط خمسك بفنجان = وبات الفرج عسر على كل حيله
نحرت عاني لابة من هل الشان = بيض العمايم كاسبين النفيله
عاداتهم حمي المغاتير واضعان = يالين قبت كل قبا شليله
نطاحة الكايد على كل ميحان = حمل الترك مامن سواكم يشيله
تطابقو عندي على الموت عيان = ولاهمهم بهاجس من كثير وقليله
يازينهم يوم تناخو المردان = وبيدينهم تلمع رهاف النصيله
حينن لفوا والجو عج ودخان = ياشوفهم يبري الكبود العليله
راحت على حمر الطرابيش شردان = واقفوا يجرون الخزي والفشيله
فرجت كرب مالي الصدرهيقان = عدي غديت براس رغله طويله
لا القو فاد ولا نفع بعد رفان = ياوسع جودك يامنشي المخيله
هم حصتي نقالة السيف وسنان = مار ابيهم بالسنين المحيله
تسعين ليله بين مقعد وفنجان = ودسم القرى يقلط علي كل ليله
ينطح ترى الجوزى خشم ام حوران = ولا قلت الا للتجارب حصيله
غنوا بها ياللي مع الد و ركبان = ماقال اخو نوره كلام هبيله