[size=5][font=Simplified Arabic][color=#4169E1]
السلام عليكم كيف الحال
حبيت اشارك بهذه القصيدة وارجوا ان تنال اعجابكم
كوني شويعر ولست بشاعر ههههههههه
ياعلي وش حيلتي بناعس العين = مشاعل اللي سحرها بموق عينه
ســـــود العيون اللي هدبهن ظلالين = غطن شعاع الشمس عن وجنتينه
ياعلي شـــفت صويحبي ياعلي زين = اللي ذبحني بالمزايا الحســــــينه
مشــاعل اللي يســـرتني برمشــــين = مثل الســيوف البارقه والرصينه
ظبي(ن) معه قلبي وعقلي أســيرين = بليا معارك يســـــرتهن رهينــــه
تكـــفين فكي القيد يابنت نكـــــــفين = وقلبـــي معك يابنت لاتجـرحيــنه
مشــاعل جمالك فوق كل الموازين = حتى القـمر من طلعتك تبهرينــه
كلمة أحبك ليا ســــــــمعتك تقولين = دقة خفوقي من الوله تســــمعينه
أغليــك أنا يابنت وأنتــي تعرفيــن = حـــبك خلق فيني مبادي متيــــنه
لاتسمعين لهرج ناس(ن) عذوليــن = لا تجرحين اللي جرحنه ســـنينه
وأذا بغيتــي عن طريقـي تروحين = خلاص آرجوا هالجفا تعلنينـــه
أرحل بحبك بين ناس(ن) غريبـين = بــس الغلا اللي بيننا تذكرينــــه
وأعاهدك باللي بسط سبع أراضين = وأللي رفع سبع(ن) علينا حصينه
أنك مع شـــربي وأكــلي تكونيــن = وماأنساك لو ينسى المسافر حنينه
ياأجمل ينات الكون ياأحلى المزايين= بيـني وبيـنك حـب لاتهدميـــــنه
وسلامتكم