إليكم هذه الابيات التي قالها الشاعر الكبير سعدون البطيحان عندما مر مراح الشيخ مثقال مطلق الراكان الجربا في محافظة حفر الباطن بالسعودية وذكر فيها الشيخ العزيز عليه والاخ الفاضل فلاح الراكان الجربا ابو حاكم
,,,,,،،،،،،
يالله ياعالم خفيات الاسرار= يا واحد بأمره جميع التدابير
البارحة أقضيت انا الليل سهار = وكثرت على قلبي أهجوس وتفاكير
وقعدت امييز صافي القاف واختار = وأسخر المعنى على كيف تسخير
قولي ثمين ليا ظهر غال الاسعار = مثل الذهب غالي بسوق التجاجير
ذكرت انا الجربان وافين الاشبار = شيوخ الجزيزة كاسرين الطوابير
جيت المراح وصار القلب تذكار = ذكرت انا مثقال صعل المناعير
يادار وين اللي سكن فيك يادار = أقفت بهم سود الليالي مدابير
لاجيت انا بيته تقل حوش جزار = من كثر ما تبذل يمينة بتيسير
وفلاح ابو حاكم حلال الاعسار = يحلها لوهي صعيبة بتعسير
فلاح حر وخلفة الحر باحرار = ريف الضيوف وعز ربعاً مقاصير
هذا جوابي في شغاميم سنجار = واخص انا الجربان من غير تقصير
منى سلاماً للكبيرين واصغار = سلامٍ احلى من حليب المباكير
سلامت الجميع
المرحوم الشاعر / سعدون البطيحان السعدي
قصيدة على الشيخ مثقال مطلق الجربا والشيخ فلاح الراكان الجربا
العرض العادي
