بسم الله الرحمن الرحيم
هذه صورة تجمع صاحب السمو الملكي الأمير عبدالمجيد بن عبدالعزيز ... رحمه الله
وصاحب السمو الملكي الامير مقرن بن عبدالعزيز
وبعض رجال اسرة آل حسـان في منتصف الثمانينيات تقريبا،
وكانت بالتحديد في منزل الشيخ نواف بن ذياب الحسان بالحويجه
وهذا دليل على قوة العلاقة بين الاسرتين الكرام
مثل البحـر لجـات موجـه لطايـم = اليا اصطفق اغرق جميـع اللهاميـم
شبل الاسـود الساطيـات الكظايـم = سُـم الكبـود المدميـات المضاميـم
اللابـة اللـي تبـان عنـد اللزايـم = وبيارقـه لجمـوع الاسلـم مقاديـم
بنـوا لهـم مجـدٍ قـوي الدعـايـم = مجدٍ هذت فيـه العـرب والاعاجيـم
تاريخهـم مشهـود مابـه وهـايـم = بفعالهم(سبـع القبايـل) عوالـيـم
تراهم ( الحسـان ) اهـل الزعايـم = لهم بكـل ديـره يجونـه مراسيـم
صغيرهـم يجمـع شتـات الحزايـم = وكبيرهـم حـلاّل فتـل المبـاريـم
سمع بهم من كـان بأذنـه صمايـم = بالتـرك وبـلاد العـرب والدياليـم
اخـوان حسّنـه للهوايـل قحـايـم = الله خلقـهـم للمـعـادي لواطـيـم
جـزاعـةٍ مايقبـلـون الهضـايـم = الا بعـزٍ لــو بـنـارٍ ضـواريـم
من هازهـم: مانـال كـود الندايـم = ومن رازهم: خلوه وسط اللحـد نيـم
ان حـاربـوا لضدادهم:كالجحـايـم = وان صاحبوا لصحابهـم: كالمراهيـم
هداتهـم تلقـى بهـا الطيـر حايـم = وعاداتهـم يـوم الملاقـا صواديـم
ربـعٍ كرمهـم كالبحـور الخضايـم = ولهـم بميـدان الفراسـه مياسيـم
ربـعٍ اذا حـارن الاريـا.. عصايـم = بفتـلٍ وتدبيـرٍ وفـهـقٍ وتقـديـم
ربـعٍ تطـول كفوفـهـم للعظـايـم = لا قصّرت عنها الكفـوف المقاطيـم
ربـعٍ رقـوا بالمكرمـات السنـايـم = غصبٍ على خشوم الخصوم المداقيـم
ربعٍ ليـا مـن ثـار عـج وكتايـم = يردون حيضـان المنايـا بتصميـم
ربعٍ بساحتهـم نـدا المـوت دايـم = مايذبحـون الا الاسُـود الضياغيـم
ربـعٍ اذا شـحّ الدهـر بالطعـايـم = تلقى(هل المشعـل) كـرامٍ مطاعيـم
اهـل الفعـال الماضيـات القـدايـم = مثـل الجبـال الراسيـات الجواثيـم
اهل السيوف اللـي تقـص العظايـم = واهل الرماح اللـي تشـق الزراديـم
واهل البنـادق يـوم تـرزم رزايـم = كم رمّلـت بيـض وتيتّـم مفاطيـم
واهل الضعاين والسلـف والجهايـم = والبيرق المنشور فـوق الضراغيـم
{واهل المشاعـل} بالليـال الظلايـم = بـه يستدلـون السـراة المناجـيـم
واهل المضايـف متعبيـن الخدايـم = من كثـر مايـارد عليهـا المعازيـم
واهل الدلال اللي بهـا البـن عايـم = واهل الصحون اللي بها البل مراديـم
واهل الدخيـل اليـا زبنهـم مهايـم = يبشـر بعـزٍ قبـل يزهـم مزاهيـم
واهل الخوي..للجـار دايـم رحايـم = ويدلهـونـه بالمـعـزه وتحشـيـم
والضيف له يمشون قـدر وحشايـم = من قبـل لاتاصـل خطـاه المقاديـم
ابيات من الملحمة الحسانية للشاعر والأديب رميض بن نصر الحريري الشمري