كاس هم وزاوية احزان ودموعي جبيني =لاتخلي الآه تطلع ياضميري بالمروه
خلها عامين تلعب بي وتحرمني ضنيني= دامها جتني بقوه خلها تقعد بقوه
المراد الصلح يالمقصود ياقاتل حنيني= هاك شوف شلون داخل خافقي خليت هوه
الله اللي عالمٍ بالحال..! وش دراك فيني=؟ كنت تلعب بالمشاعر مع حبيبٍ حب توه
كانها فرقى..على فرقاك ما كفيت عيني= والبحر دمع المسافر لوبكى ملحه وجوه
السنين إعجاف يالعطشان لاتلحق سنيني= والظمأ في ديرة الصمان مومحتاج خوه
قلتها من عام الاول تندمين وتخسريني= والا انا راسي على الطالات مايكسر سموه
روح عاشق عاف ظلم..وصدقيني ..صدقيني= دايم الشرهه على الانذال مايكمل نموه
ينصحوني من ثمان اسنين وانتي تنصحيني= واثرها عثرة عدوٍ قام من عثرة عدوه
والذي رافع سماها السبع واعطاني يقيني= ما اخلي للحثاله وجه واحد ما تشوه