بسم الله الرحمن الرحيم
السلام عليكم ورحمة الله وبركاته
من أعظم الشعراء الشعبيين في ساحة الشعر (في مجال النظم والرد)
ولا يلام احد من متذوقي الشعر وانا منهم في حب هذا الثلاثي المرعب
(مانع بن شلحاط و سلطان الهاجري وضيدان بن قضعان)
هذه قصيده لمانع وضيدان وسلطان و انا (مجاراة) شابها بعض الابيات الفكاهية
--------------------------------------------------------------------------------
يقول مانع بن شلـحاط العجمي
يا الدبيبة يا ولد عمي يا خـي الدبـه=القصيدة هاجرية واللحـن قضعانـي
يابحور الشعر يا اجمل ما تظم الغبـه =يازفير الموج ياللولـو ويالمرجانـي
جعلكم بعد السفيه اللى دعـم فالشبـه=يتبع جموس البدو فالسايـد المثنانـي
و الله اني ما أكرهه لكن ماني بأحبـه=كرهني يا كرهني للعالـم الفقرانـي
ليه بروزتوا صور (بباي) زين الحبه=لين قام يقول ذا الاول وهـذا الثانـي
من تعشى الحبحبه .يجمع بقايا حبـه=خاف يزرعها الفقير ويكبر البستانـي
والسلام ختام والباشـا يـدق الصبـه=أنتهى الموجز و أحولكم على الكراني
و رد عليه سلطان الهاجري
راس ابن شلحاط بين والهبـوب تهبـه=حتى لـو أرسالتـه مخفيـة العنوانـي
فرمضان يصوم ويصلي ويطلب ربـه =وبالشهور الباقية بسـم الله الرحمانـي
يستدير وينفخ الجمـر الحمـر ويشبـه=ويعتزي ويقول يانـاري ويـا دخانـي
قلت وش بك قال انا مجنون وانت السبه=انت ويا صاحبك ضيدان بن قضعانـي
تمدحـون المنتهـي وتلبسونـه جـبـه=لين قـام يزاحـم الفرسـان فالميدانـي
ما درى أنه وكري لو حط فوق الشبـه=يرفع الجنحان ولا يرخـى الجنحانـي
الشعر مهوب لعبة مـن بغـى يلعببـه=عالم ما تفرق الاصلـي مـن التيوانـي
و أكتشفت أفكار أبن شلحاط حبه حبـه=يعتبر نفسـه خليفـة هتلـر الالمانـي
و ختمها ضيــدان بن قضعان العجمي
راكب اللى ماش له ماما ولا لـه ببـه=أخترع شكله امريكي وصنعـه يابانـي
جيب شاصي فالعتش والصلب كن مطبه=طمرة الزيدي ليا غنـا لـه الجيلانـي
نصـه اللـى فالحنايـا ماتغيـر حبـه=شايب و نقدره مـن عادنـا ورعانـي
هو أستاذي بالقصيد وفي عموق الغبـه=في زمان العولمة والشاعـر العلمانـي
برفسور الشعـر واللـى سـواه نكبـه=لو الابرص خاشره في شاعر العجماني
قل لأبن شلحاط ابو الطيب هجا طرطبه=وذبحه فاتك وهو من خيرة الفرسانـي
و انت عود نص بطنه واصـل لركبـه=لا تشقوى بالهوى وتحـرش الضبانـي
والهواجر شيخهم لا أبطيت منـه نبـه=والشحم فالك وفال الشاعر العرجانـي
والسلام ختامهـا و لكـل شـي سبـه=وانت سبة ضيقة الخاطر وصح لسانـي
وأعجابا بهم و بقصائدهم كتبت هذه الابيات في مجاراة لأبياتهم السابقه
يا جذور الشاعرية يـا لحـاه و لبـه=يا مشايخة القصيد اللى تسر أعيانـي
شعركم فاق الجميع مشابهـن للقبـه=وغيركم شعره صغير يباري السيساني
مانع وسلطان شخصيا أنا معجب بـه=شعركم لاصار مع هاك الولد ضيداني
لا تجمعتوا قصايد غيركم ما أرغب به=وش لي بقول الهبيل ودان دانه دانـي
شعركم لو كان جيب بس نور أصطبه=يعمي الحساد ولا يجهـر العميانـي
عقبكم ماله طعم هذا القصيـد وذبـه=والله أنه خيرة عن شوفت الورعانـي
عالم وسط الجرايـد بالنسـاء تتشبـه=تدعي قول القصيد ولا تعرف الضاني
تبـت أيديهـم وتبـه ثـم تبـه تبـه=ويدين من باع القصيد ووزعه مجانـي
وختامها عندي كلام نقدحـه ونشبـه=يا ولد خلك بعيـد الديـر للرهبانـي
مانع بن شلحاط 0 سلطان الهاجري 0 ضيدان بن قضعان 0 عبدالله الشلاقي
العرض العادي
