قصيدة للشاعر الاشعل فيصل

أبيات قيلت بالشيخ/ عبدالعزيز بن عياد العلوي الشمري

سلام يارجل المروة والأمجاد
قرم بساعات الشدائد يبيني
اللي على الفزعات والطيب معتاد
سوى يزين الوقت وألا يشيني
بمواقف يظهر بها طيب الاجواد
ياكشرت نيبان غبر السنيني
عند اللوازم له مع الطيب ميعاد
شهادة تلقى مع الطيبيني
ايقلط العقر على طيب الزاد
عوايده ما يذبح الا السميني
ياشفت من وقتك عواكيس وعناد
وضاقت ولا حولك معين وعويني
انص الذي ياصل معك منتهى الماد
خلفه رجال يحتمون الكميني
هل الصداعية شغاميم الأولاد
أولاد علي اربوعنا الطيبيني
مايحسبون انقوصها هي والأزواد
هل المروه والصخى المستحيني
انص العلياني على رووس الاشهاد
برسالتي وأشهد بها الحاضريني
رجل الصخى عبدالعزيز بن عياد
وأقولها والله شهيدي ضميني
البيض من مكة الي حد بغداد
اللي ليا ثقلت حمولي يجيني
ياقف بجنبي كان حمل الزمن كاد
ياكثر ما تسند يمينه يميني
طيب مع الأيام والوقت يزداد
ماهو تصنع حاجة بالجبيني
ماهو خفي طيبه يصوت بعواد
اللي بميقافه يفك السجيني
ماهو نبيته بالصخا قبله أجداد
رجال يخلطون القساوة وليني
ياحضرن خيل القبلتين لطراد
وطار الحياء عن رادع الوجنتيني
عاداتهم بالمعركة جدع الأضداد
بضرب النمش ومصقلات العريني
اليا تناخوا لا حمر الموت وراد
كل يعرف ميتمين الجنيني
وأقبل ثنانا وشكرنا يابو عياد
والله على رد الجميل يهديني
وختامها صلوا عدد رمل الأنفاد
على الرسول اللي هدى المهتديني

************************************************** **************************

أقرا كتاب أهل المناخ بمنطقة حائل (الطبعة الثانية1427)مكتبة الاندلس بحائل

لمولفه/عبدالرحمن السويداء

 

 

 

 

 

 

 

 

 

 

مايحسبون انقوصها هي والأزواد
هل المروه والصخى المستحيني
انص العلياني على رووس الاشهاد
برسالتي وأشهد بها الحاضريني
رجل الصخى عبدالعزيز بن عياد
وأقولها والله شهيدي ضميني
البيض من مكة الي حد بغداد
اللي ليا ثقلت حمولي يجيني

يعطيك العافيه على النقل الرائع
والنعم من بن عياد العلوي
تقبل مروري

 

 

 

 

 

 

 

 

 

 

صح الله لسان الشاعر

والنعم من اللي ذكرتهم

ومشكور

 

 

 

 

 

 

 

 

 

 

مشاركة رائعة تستحق الشكر والتقدير فعلاً الله لايهينك

ننتظر منك المزيد
تحياتي

 

 

 

 

 

 

 

 

 

 

طلال العلوي

ونعم بك وبالشيخ عبد العزيز بن عياد وتستاهلون المدح ..


وصح لسان والدي الشاعر / الأشعل بن فيصل الحسيني الخريصي..

وتقبل فائق التحية والتقدير

اخوك

فهد بن الأشعل الحسيني

 

 

 

 

 

 

 

 

 

 

الله يعطيك ألف عافيه أخوي طلال
على نقل القصيده الأكثر من رائعه

تسلم يد كاتبها ماقصر



تقبل مروووووورري،،،،،،،،،،،،،،

 

 

 

 

 

 

 

 

 

 

مشكورين كلكم على المرور الي اكثر من رائع

واشكر اخوي فهد الاشعل على مشاعرك الجميله وحياك الله وادم الله لك والدك واطال الله بعمره

 

 

 

 

 

 

 

 

 

 

صح لسان البناخي الأشعل
ومشكور يالغالي على القصيدة

 

 

 

 

 

 

 

 

 

 

طلال العلوي

ونعم بك وبالشيخ عبد العزيز بن عياد وتستاهلون المدح ..

سلمت على ما دونت

 

 

 

 

 

 

 

 

 

 

اشكر جميع من رد وشارك من لابتي