السلام عليكم ورحمة الله وبركاته
امسي على جميع الاخوة الكرام في ملتقى الشعر واهديهم
هذه الردية التي جرت بيني و بين احد الاصدقاء من الشعراء المقلين في النشر والكتابة
ولكنه على غير عادته هذه المرة فأرسل لي هذه القصيدة
لك يا زمن وقفة ولي فيك ميعاد =عند الهنوف اللي لها الشوق بادي
اللي سبت روحي بلا حرب وقياد=هي منوتي هي غايتي هي مرادي
شوقي لها زلزال كل يوم يزداد =و حبي لها يجرف كما سيل وادي
له في صميم القلب منزل ومقعاد =من عقبها يا عبيدٍ الموت عادي
يابن سهل والوقت لا جاك بعناد =لا يستفزك وانت بالطبع هادي
سايس زمانك كل شذلا لها قناد =ولا صرت بين اصحاب خلك حيادي
ما تبحل ليا صرت للشور نشاد =واللي يرد علم هذاك غادي
لا تسمع النمام نقال الاحقاد =ولا تعتجل لا صار حاديك حادي
انت الفهيم وويل منهم لك أنداد =وانا ليا ضاقت عليك أعتمادي
مثلك خلق ربي للأحماد وراد =في حضرتك يا خوي أللجم جوادي
متوارثين الطيب جد وراء اجداد =ريف الضيوف منوخين المعادي
واسمع اقول العلم لا زاد مافاد =ما زانت الا لهند ريم و هنادي
ولا شفت ما حيلة و حسيت بأجهاد =اسمع لابن مداح ولا عبادي
الشاعر / منصور الشلاقي
الجاش فاض بحزةٍ فيها الاوراد=تقراء و ربك حافظن للعبادي
وصغت المثل يم الذي جاي نشاد=عن حيلة للي سرى بالفؤادي
الصاحب اللي فاض به حبه و زاد=حب الهنوف اللي لها الشوق بادي
وان كنت يامنصور للشور جواد=اسمع كلامي دوم والشور قادي
لا تدخلك شكه ترى الشك مافاد =غاليك لو طول تراجع و عادي
سلم المحبة وصل مابين الافراد =واللي قطع وصله عليه السوادي
لا تتلي المقفي و لا تصير لداد =طرده معيبه في سلوم البوادي
كم واحد من خلف الاريام طراد =رجله حفت من طردهن بالحمادي
كم واحد من طردهن باد ما باد=شيهانته طارت وضاع الجوادي
تمت بيوتي يا فتى الجود بأسناد =خذ منها شوري ترى الوضع عادي
الله يفكك من نظر كل حساد =وجعل العواذل كلهم بالهجادي
عبدالله الشلاقي
.gif){kind=icon}
ردية (سلم المحبة)
رد: ردية (سلم المحبة)
العرض العادي
