بسم الله الرحمن الرحيم
الامير/ محمد الاحمد السديري الفارس والامير المعروف تنقل في العديد المناصب الادارية والعسكرية
وكان اكثر اخويا الامير محمد الاحمد هم من عشيرة الشلقان من شمر
و خوة الشلقان لمحمد السديري قديمه , قبل 1953 من كان امير عرعر وبعد وفاة الملك عبدالعزيز ال سعود رحمه الله و كان الامير محمد السديري كثير الاحتكاك بالشلقان وهو الذي حل المنازعات التي كانت تحدث هناك بين البدو خصوصا بين شمر وعنزه مثل كون الصحن الذي كاد أن ينشب حرب بين الشلقان وعنزة وغيرها , واخرها اتفاقية الجديده تقريبا 1953 بين شمر وعنزه وانهى المشكله من جذورها وحقن الدماء .
اختلط محمد الاحمد السديري بالشلقان كثير و خاووه عندما كان أمير على عرعر
وعندما نقل الى جيزان ذهبوا معه ومن ضمنهم عبدالله بن لبيخان الشلاقي
وكانت الخوه انذاك ( بارود ) مثل الرقم الوظيفي في وقتنا الحاضر , وكان مع الامير محمد السديري الكثير من ابناء القبائل من عتيبه والدواسر .....الخ وفي احد الايام وبينما احد الخويا ( تميم بن محمد الدوسري ) يقود دورية الاماره التابعه للامير محمد السديري صار عليه حادث
وصار فيها اصابات وحطوا الدوسري بالتوقيف بسجن الشرطه لانه المتسبب و بلغوا الامير محمد السديري بالحادثه والخويا وبلغوا اهل الدوسري وطال سجن الدوسري وأحس الشلقان بأن زميلهم سوف يطول سجنه وكانوا يزورون السجين الدوسري بشكل يومي وعلى هالحاله مابين
شيء ولا حصل يطلع خويهم الحاصل راحوا يم الامير محمد الاحمد السديري وقاله عبدالله اللبيخان ومجموعه من الشلقان يابو زيد هذا خوينا الدوسري طول بالتوقيف والمسكين اهله بعيد ومايدرون وش صار عليه وماهو متعمد يذبح الرجل واليوم ماله الا الله وحنا ياخوياه نبيك تطلعه من السجن
قالهم الامير محمد السديري ......يصير خير ؟
وبعد كم يوم ما بين شيء بخصوص خويهم الدوسري وراحوا كلموا الامير محمد السديري وقاله عبدالله اللبيخان يابو زيد ان ماظهر خوينا من السجن حنا ماراح نشتغل ولانطلع دوريه ( اضراب ) وزعل الامير السديري من كلمة ابو نجم ...ولا رد عليه ؟
وبعدها بكم يوم سأل الامير محمد السديري بعض خوياه ما اشوف الشلقان بالمجلس لهم كم يوم رد عليه احد الخويا الشلقان زعلانيين على خويهم الدوسري وماراح يجون الا اذا طلع خويهم ؟ سكت الامير محمد السديري
بعدها بيوم والامير بمجلسه ارسلوا الشلقان بواريدهم مع احد الخويا الى السديري على معنى بأنهم مكملين أضرابهم اذا ما طلع خويهم الدوسري وعرف الامير محمد السديري المقصد من هذا لانه كان حكيم وشاعر رحمه الله ...وقال والله انكم مشكله يالشلقان انتم وخوتكم وامر بأخراج الدوسري وارسل لعبدالله اللبيخان والشلقان وحضروا عنده بالمجلس وتشكروا منه لأطلاق سراح خويهم الدوسري وكان من ضمن الخويا عند الامير محمد السديري وقتها ( محمد الديري العتيبي ) وكان له علاقه بالشلقان قويه وتوجد عليهم وعلى خوة الشلقان في احد ابياته والسالفه معروفه في الوسط الشعبي عندما طلب رخصه يزور اهله . ويقول الشاعر في احد ابياته :
أقعد ومثلي من قعد عند أجاويـد=أنت المعزب وأخويا الجنب شلقان
.gif){kind=icon}
رجال الشلقان مع خويهم الدوسري في عهد محمد الاحمد السديري
رد: رجال الشلقان مع خويهم الدوسري في عهد محمد الاحمد السديري
العرض العادي
