قصيدة الاميره اللتي عضها ناب الدهر (نوره الرشيد)
هذي قصيده للشاعره الأميره -إخت الحكّام- وهيَ الأميره : ( نوره الرشيد ) رحمة الله عليها
كانت أميره مدلّله ، تعتزّ بأهلها الحكّام ؛ أهل النسَب المشرّف والعميق .
وفي ظرف لليالي انهدم واقع الأميره ( نوره ) ، وأصبحَ ذلك الواقِع سراب يطرده
الفِكر المتشتت حتى أصبح لها أصعب من حلم . وهاضت بعد ذلك قريحة الأميره بالحزن
والمأساة التي حصلَت لها كأميره آمره ناهيَه ، وأصبحت حزينه مكسورةَ الجَناح
في قفر افكاره الموجعه .. فقد قالت الشاعره الاميره هذي الابيات :
بسم الله نبدأ القصيده الموجعه :
أبكي هلي هل العلـوم المليحـة=ولالوم عيني لو جرى دمعها دم
اخواني ابكي والقصور الفليحـة=خواني اللـي لابغـو لازم ٍ تـم
ياما انتخوا باسمي ليا حل صيحة=اليا انتخو بي كافر الجـن يسلـم
اسمي كما نجم ضرب قاع بيحة=أو الصواقع يوم للضلـع ترجـم
نورة أنا اخت الشيـوخ الفليحـة=ابوي حاكم واخوتي صفوة الجم
ياحيف حايل فارقت ريح شيحـة=بذيك الشفايا تقل ما قيلـي سـم
خانوهم اللي كاسبين الفضيحـة=واهل الردا جعلهم فـي جهنّـم
لابد من صلف الهوى يزيل ريحة=ومثلي يذوقو لوعة الغبن والغم!
يالعبد عقب العز كبدي جريحـة=حب الوطن يالعبد من عصر آدم
يلعبد هذي من حكايا الفضيحـة=خل السهر لي وانت يالعبد قم نم
من أول ٍ نامر تجيـب الذبيحـة=واليوم ياعبد الندم صرت لي عم
أرجو التصحيح إن كانَ بِها أخطاء .. أو إذا قصّتها غير ما ذكرْنا .. فقد قرأناها هكذا
===============
ملاحظة على القصيدة /
انتشرت القصيدة وبكثرة خلال هذه الفترة بانها ل نورة الرشيد وهي شقيقة عبيد وعبدالله حيث انها توفيت قبل سقوط حائل بعشرات السنين وان هذه القصيدة ليست لها .... .
اخوكم فيصل بن نجيفان