مالوم صدري لو تضايق وانا ضقت = دام الفضا رغم اتساعه على ضاق
يا ناصر من رجعت اتصل ما توقفت = حظ التعاسه ماسعى لي بالافـــــاق
سألت بالهاتف عن اللي له اشتقت =من زود مابالقلب من ود واشواق
قالوا حبيبك من وفاته مضى وقت = عنا وعنك بدل القـــــــــرب بفراق
كذبت ماقالو ورديت صــــــــــدقت = وعند الكبينه طحت انا وسط الاسواق
بغيبوبتي مضيت يومين مافــــقت = واللي فقد نصفه معذب ولـــــــــوفاق
لــــلموت من شي جرا لي تشفقت =عفت الحياه وصرت للقبر مشتاق
ويـــــاخوك عقب صويحي للكدر ذقت =وياليته العايش وأنا ذقت ماذاق
أنــــــت البـــــــــحر
النـــــــــاس ربي من تراب خلقها = وأنت الذي من جــــــــــوهر الماس مخلوق
النـــــــــاس ساواها الوالى مافرقها = بــــــس انت عن كل البشر صاير فوق
أنـــــــــت البحر فيك البواخر غرقها = وأنت السحاب اللي به أمطار وبـــــــروق
وأنت الجحيم اللي حياتي حرقهــــــا =وانت النعيم اللي يشدن له الشــــــــوق
الطـــــــف بروحي لا تسبب زهقها =والطف بقلب من عنا الود محــــــــروق
وأسق الورد اللي تساقط ورقهــــا = والحق على جسم غدى جلد وعروق
يعطيك العافيه اخي الكريم
نقل رائع واختيار ارووع
وصح لسان شاعرها المبدع
تقبل مروري