قالوا سلام وقلت وين السلامه
ياصار نور العين عني بعيدين
وقالوا عوافي قلت مامن عوافي
وانا جريح من سهم داعج العين
قالوا افى ياللي من الناس هامه
تهتز من فعل البنات المشاطين
قلت غروغرير صابني في سهامه
واقفى وخلاني اعاني من البين
اخوك يامانع تر الوجد ظامه
من شوفت المملوح صابه طواعين
بنت الرجال اللي عزيز مقامه
ترميك في حوض المنيه بلاشين
ياليت نور العين مارخت لثامه
ولاشفت مبسمها قبل ماتخلين
والصدر ياكنه مطار المنامه
وريحت ظريف الزول كله رياحين
ولها نهود كبر بيض النعامه
مدفون نصفه في نحر كامل الزين
متخانقات ولاعليهن ملامه
كل(ن) يبي ينهب عيون المعنين
غضت نهود وفارقتهن بشامه
من شافهن يسرح تقل فاقد(ن) شين
او من صفق راسه بغار الرغامه
وصار الخطر من هول ماشاف بالعين
هنيت من بالتيل يسمع كلامه
وابوح للمجمول وش كثر ما فين
يامنيت الولهان هاتي علامه
روفي بحال اللي همومه براكين
حبك بقلبي داميات لكامه
ابي اشوفك ياهوى الروح والعين
منك فقدت العقل هو والفهامه
وبقيت بين الناس كني زعينين
يلعب مع الورعان فوق العدامه
فاقد لكل العرف هو والنياشين
واعزتي للي هوى البيض ظامه
يمتر الاسواق كنه مسيكين
وعزي لمن مثلي قزى عن منامه
ماغير هايم في حلا وافي الزين