ديوان الشاعر/ثامر بن راضي بن غريب الشلاقي (مقروء)

بسم الله الرحمن الرحيم



السلام عليكم ورحمة الله وبركاته




يسرني أن أنشر ديوان الشاعر /ثامر بن راضي بن غريب الشلاقي "رحمه الله تعالى"
المتوفى عام 1423 هـ و ذلك من باب التوثيق حيث يسرني توثيقها كاملة في منتديات الطنايا موقع قبيلة شمر الرسمي وذلك بشكل نص مقروء



------------------------------------------------



1

++سر شكواي++

يــا نـاشـدٍ عـنـي تـبــي ســـر شـكــواي=شـرحــه لـكــم مــابــه عـلـيـنـا iiكــلافــه
كـانــك بـعــد فـهـمـه تبـادلـنـي الــــراي=أبـشـر بـهـا فــي خــف نـفـس ولـطـافـه
وكـانـك فـقـط للمختـفـي بـــس شـفّــاي=فـأنــا اعـتـبـر مـبــدأ سـؤالــك سـخـافـه
أخـــاف تـــدي كـلـمـة الــســر لــعــداي=وتـحــط مـــن عـنــدك علـيـهـا إضـافــه
عـلـى مسامعـهـم تــزوّد مــدى اخـطـاي=وعــوج الـعـلـوم تلـحـفـن فـــي لـحـافـه
وتـحــط لـــك مـبــدى يـنـافـي لـمـبــداي=ونـفـسـي تـديـنــه بـالـخـطـا واقـتـرافــه
وتضيف لـك دعـوى علـى غيـر دعـواي=ومــن كــل حــرف تجـمّـل الـفـيـن آفـــه
لـو إن حجمهـا مـا يجـي كاسـة الـشـاي=تجـمّـل كـبـر ضـلــع الرعـيـلـة مـشـافـه
وتـقـول هــو قـالـه وإن جـيــت حـكــاي=لــكـــم ابـنــقــل بـصـمـتــه بـإعـتـرافــه
ومــن المقـيـم يشيـلـهـا الـــف مـشــاي=ويـسـولـفـه يــامــن ربــوعـــه تــلافـــه
يـدلـه بـهـا ســاري مــع قـــوم ســـراي=الـلــي المـخـفـي يـعـشـقـون اكـتـشـافـه
وتبقـى سوالفـنـا مــع الـرايـح والـجـاي=مـــع عـالــم عـلــى الـرذيـلــه تـصـافــه
وافـضـخ مـثـل مافـيـك عيـنـي بيـمـنـاي=وش تنـفـعـن تـرديــد وشـلــون طــافــه
قلـتـه وانــا مـــدري أقـصــاي وأدنـــاي=مـتـحـيّــرٍ طــالـــت عــلـــيّ الـمـسـافــه
وضاقت بي أجواء المملكة تاهت خطاي=عـجـزت احـــدد بـــأي كـوكــب مـطـافـه
تـعـثـرت خـطــوات رجـلــي بـمـمـشـاي=ونفـسـي تـزايـد مـــع بعـضـهـا عـيـافـه
مـا ضـاق حــي مـثـل ضيقـتـي بدنـيـاي=ولا أحــدٍ مـثـل حـالــي تـزايــد هـجـافـه
جــروح كـبـدي يلـطـمـه بـــارد الـمــاي=والـدمـع مــن عـيـنـي سـريــع إنـذرافــه
هـــذا وأنـــا كـمـلـت الـسـامــع أنــبــاي=وصـــورت مـــادارت ضـمـيـري بـقـافـه

 

 

 

 

 

 

 

 

 

 

2

++هوى حايل++

ان طـال و ان ماطـال عمـري و اذا طــال=مـالـي هــوى مسـكـان فــي غـيـر حـايـل
فكـرة جفاهـم مـود مـا جـت عـلـى الـبـال=اذا قــصــر عــمــري واذا كــــان iiطــايــل
مـالـي عـنــه صـــده و مـــده و مـرحــال=ثـنـيـت عــــن غــيــره يــــدي الـرحـايــل
لــو الجـبـل يــوزن بثـقـلـه مـــن الـمــال=مــا رحــت عنـهـا ولا رضـيــت الـبـدايـل
بالحـيـل احـبـك حـيـل يــا ذيــك الاطــلال=جـعـلــه تـعــلــك مــرزمـــات الـمـخـايــل
مــــن مـدلــهــم روح الـعــصــر هــمـــال=بـرقــه يـعـقـرب بالـسـمـاء لـــه شـعـايـل
يـم الشعيـب الـلـى لــه سنـيـن مــا ســال=يمـشـي وتـمـشـي مـنــه كـــل المـسـايـل
يـا دار انــا أحـبـك مـثـل قــول مــن iiقــال=مـــن حـــب عـيــن تـحــب دار iiوقـبـايــل
يـغـلا بـلــد كـامــل عـلــى شـــان رجـــال=و عــنـــدي دلــيـــل دامــــــغ لــلــدلايــل
مـن حـب ملهـوف الحشـى زيـن الاقـبـال=حـبـيــت لــــي نــــاس تـتـيــه الـقـوايــل
لــو الخـطـا منـهـم بحـقـي كـمــا الـجــال=يـدمـح خطـاهـم حـــب ضـــاف الـجـدايـل
الـمــتــرف الــلـــى للـمـعـالـيـق نـــتـــال=حــبــه ينـسـيـنـي خــطــا كــــل عــايـــل
بالـحـيـل احـبــه حـيــل والــحــب قــتــال=الــيــوم وامــــس وبالـسـنـيـن الاوايــــل
حـــب نـمــا بقـلـوبـنـا بــســن الاطــفــال=مــا زعـزعـه عــن موقـعـه قـــول قـايــل
و ان قلـت لـه طـال الصبـر قــال مـاطـال=ودلاء يـمـاتــه بــــي قـلــيــل الـجـمـايــل
و ان جيت ابشرح له على بعض الاحوال=قـالــت تــســد عــــن الـكـثـيـر الـقـلايــل
و مـن الحيـا وجهـه غـدى سبعـة اشكـال=و اقـفـى و اشــار بـرمـز قـــل الـوسـايـل
و عـرفـت مـالـي فــي مواصـلـه مـدخـال=مــن يــوم بـانـت لــي رمـــوز الـرسـايـل
لا لي معـه حيلـه وليـا جيـت ابـي احتـال=يــا بـعـد حـايــل عـــن روابـــي مـحـايـل

 

 

 

 

 

 

 

 

 

 

3

++يا دهام++

علـى كمـال العـام بـاقـي كــذا أيــام=وتكمل سنتـان أيامهـا مـع شهـوره
وأنا اتقـلـب تـقــل مـحـكـوم بـأعــدام=أصــارع أحــزان الليـالـي وجـــوره
كنـي علـى مركـب متاهـات يـادهـام=في لحظـة فيهـا أستهاجـت بحـوره
دقيقتي عـن يـوم واليـوم عـن عـام=والعـام عـن سبعـيـن عــام مــروره
عليك ياهاف الحشـئ تـرف الأقـدام=أشـوف حالـي صايـر بـه أخـطـوره
بعدك أعيش أحساس مظلوم الأيتام=اللـي وقـع فــي ظـلـم عـمـه وزوره
أعيش بأحساسه ودمعه ليـا أنظـام=بعـدك أنـا الـلـي منتـحـل كــل دوره
لو تسألن عـن حالتـه عنـدي العـام=أون ونـاتــه وأعــايــش أشــعــوره
والواقع الماضي غـدا عنـدي أحـلام=ماكنـنـي عايـشـت لحـظـه ســروره
ياعزوتـي ياغايـتـي عـبـر الأعــلام=أهديت لك من وأقـع الأصـل صـوره

 

 

 

 

 

 

 

 

 

 

4

++فلاح القرم++

أمنـت بالله يـا هـل الـعـرف وآمـنـت=بطيـبـة فــلاح الـقـرم تــال الذخـيـره
وسـلام ياللـي كـنـت عــز وتكـونـت=عـلـى منـاهـيـج الـوجـيـه السـفـيـره
لمنهاج جدك والابو صنت مـا iiخنـت=حفـظـت مـنـهـج طيـبـيـن المـسـيـره
أمــانــه الـوافـيــن فـيـهــا تـأمــنــت=وأدركـت فيـهـا حــب كــل العشـيـره
يا أبـو محمـد دام عـزك ودمـت أنـت=الله يـجـنـبـك الـوجــيــه الـشــريــره
يامـا مــع المظـهـود قـمـت وتبيـنـت=ومسحـت فـي يمنـاك دمـعـه نظـيـره
ولا هان من يسمع كلامـي ولا هنـت=يـا مناصـراً جــاره بمـوتـه نصـيـره
محمـد الحمـود مـات ولــه أحسـنـت=لــو الـعـلاقـة بيـنـكـم بـــس جـيــره
من طيب ساسـك دام راسـك تمكنـت=عـلـى مـواسـاة النـفـوس الحسـيـره
ولا رحـت منهـم ليـن فعـلاً تطمـنـت=عـلـى كبـيـر العايـلـه مــع صـغـيـره
أما طلبـك اللـي علـى محمـد أعلنـت=عنـه الطـلاق وبألـف حــرم وجـيـره
يا أمير بالموقف حكمـت وتسلطنـت=طيبك مثل شمس الضحى المستديره
نعـم بابـن مـيـاح يــوم بــه أذعـنـت=اللـي بربـع مليـون سـامـح قصـيـره
ولاهـي كثيـره يـوم برقـت وأمعـنـت=مـواقـفـك بالـطـيـب مـثـلــه كـثـيــره

 

 

 

 

 

 

 

 

 

 

5

++خذتني هواجيسي++

أنـــا الـبـارحـة يـــوم كــــلٍ بـنـومــه راق=خذتنـي هواجيـسـي عـلـى عـالـي المـرقـا
على غير ما اشعر سري بي يمها الخفاق=هواجـيـس ليـلـي تسـرقـن يـمـهـا سـرقــا
تقل مـا التقينـا بيـت سقفـه نسيـج شقـاق=وتقـل مــا خذتـنـا بالـولـه جلـسة البـرقـا
أنـا مـا حسبـت أذوق لـه بالحـيـاة أفــراق=لـيـن أبـعـدت أبـعـد مــن الـغـرب للشـرقـا
وأنا ما حسبت أن فرقاه صعبه ولا تنطاق=يامـا لاهـب الهـوى طـرق خافـقـي طـرقـا
عـلــى الأمـــل بـاقــي خــيــط iiبالـمـيـثـاق=وتشبـثـت بخـيـط الأمــل لأجـلـهـا وأرقـــا
هنـوفٍ تفـوق بوصفهـا مدمجـات السـاق=طويلة عـن الهكعـات وأقصـر مـن الطرقـا
يـشــدنــي مـشــاهــد خــدهـــا الـــبـــراق=كــمــا تــشــد بـكـفـهـا الـجـذلــة الـدلــقــا
مـن البـيـض حـشـا لعيـنـي مــا هــو لاق=من حـدود حايـل إليـن عرعـر إلـى الزرقـا

 

 

 

 

 

 

 

 

 

 

6

++مرحوم++

بديـت باللـي لبيتـه النـاس حجـاج=مـلاج مـن ضاقـت عليـه المـلاجـي
يامنجين ذا النون من غب الامواج=ياجاعلن لـه مـن مضيقـه خراجـي
تفرج لمن عينه بهـا النـوم مـالاج=سبوعـيـن ماللـنـوم يـمـه مـداجـي
ابعد عليه النوم مـن ساحـل العـاج=وابعـد مـن العـام لزمـان الخفاجـي
علـى خـدوده منهمـل دمعـه افـواج=رقرق بحجـره وانهمـل بانزعاجـي
بالوصف كنـه لاانهمـل دلـو هـداج=لا تــل لـرشـاه القـعـود الـرواجــي
باسباب علمـن هزنـي هـز الابـراج=عقـب ارتطـام الطايـرات المفـاجـي
على وفاة اللي لبس بالشرف تـاج=ياناس ياويلـي عقـب مـوت ناجـي
عقبـه حياتـي كلهـا هــم وازعــاج=ومصابي اكبر من مصاب العواجي
عليك يافرز الوغى صبـت بسهـاج=ولااظن ينفع فـي مصابـي علاجـي
مرحوم يامعطي من الناس محتاج=مرحـوم يالوافـي طليـق الحجاجـي

 

 

 

 

 

 

 

 

 

 

7

++عمر الانسان++

الصبر له منهى مثـل عمـر الإنسـان=ولا خيـر فـي صـبـر حيـاتـي غـلاقـه
البعد والحرمان فـي بعـض الأحيـان=جنّـه عــن عـفـون الوجـيـه ونفـاقـه
أبعد تـرى بعـض المجاليـس حقـران=ولا تنوخـذ يــا المستـمـع بالـرواقـه
أبعد عن الصاحب ليـا صـار غلطـان=كــثــر الـنـقــاش مــولــد للـحـمـاقـة
بـدّل ديـاره وارتحـل عنـه يــا خــان=مالـك ومــال الـلـي المواثـيـق بـاقـه
يا صار مالك معـه قيمـه ولـك شـان=تجـديـد عـمــرك والـسـعـادة فـراقــه
أرض خلي ما يسكنونه سوى الجان=أحـب وأشـرف مـن رخــوم الرفـاقـه
نـاس مذاهبهـا عـلـى غـيـر عـنـوان=تضـحـك وجيـهـه للـغـدر يــا تـلاقـه
شتـان يـا بـعـض المخالـيـق شـتـان=عجزت لا أفهم وين وجهـت مساقـه
وقـت الرخـا كـلـه ولا يــف وخــلان=نـــار تــوقــد بـالـهـبـوب اعـتـلاقــه
وعنـد الشدايـد انكـروا كـل مـا كــان=مـع الأسـف يـا يـا خاينيـن الصداقـة

 

 

 

 

 

 

 

 

 

 

8

++ياعذولي++

الا ياعذولـي بــس يكـفـي تــرى الولـهـان=مثل نفس طفل(ن) مات ابوه وعرف جـده
على حال يرضى وحال يزعل من الحرمان=وعلـى الحالتيـن يعيـش بأعصـاب منشـده
لـو انــه مـدلـل فــي ذراء طـيـب الشيـبـان=سعـادتـه تبـعـد بـعـد عـمــان عـــن جـــده
الا ياعذولي مـا اسمـع الهـرج مهمـا كـان=تــرفــق وبــــاب الــهــرج يـاعـاذلــي رده
مادام ان اجا واقـف ويدعـى اركـان اركـان=ومـــدام الـصـحـاري للمـخـالـيـق مـمـتــده
فلا لي صدود(ن) عن هـواء قايـد الغـزلان=اذا ما طرت له صدة(ن) مـا طـري الصـده
انـا مـع حـمـام الــورق بـجـاوب الالـحـان=على صاحب(ن) عن شوفته صار لي مـده
الا ياعـيـون الــي كـفـخ واطلـقـه سلـطـان=تنـهـض وشــاف وسـيـدي فــز بــه هـــده
كفخ من يـد النـادر رقـى يصفـق الجنحـان=علـى صيـدتـه متـعـود(ن) ضـربـت الــرده
حدانـي زمانـي عنـك واشغلـنـي الـوجـدان=واضنـك فهيـم وصاحـبـك عــارف(ن) وده
سجيـن(ن) بحبـك يمنعـة دونــك السـجـان=يـضــدة زمـانــه والقريـبـيـن هـــم ضـــده
شفـوق(ن) عليـك يمنعـة دونـك العـنـوان=ولا فـيـه داعـــي نـذكــر الـضــم والـشــده

 

 

 

 

 

 

 

 

 

 

9

++رجل المواقف++

رجل المواقف نمدحه وابي اسميـه=واعتـز بأسمـه يالوجيـه الحشامـي
واشهد بطيبه وافتخر به ولا اخفيه=واعتـز بأسـمـه بــد كــل الاسـامـي
اسمه حميد وعـاش للأسـم راعيـه=عمي ويسوي كـل بعـض العمامـي
وكان الشهاده تنطعـن مـن بناخيـه=اكبـر منـه جحـد الشهـاده حـرامـي
ابمدحـه واللـى زعـل تحـت رجـلـي=مـانـي بـحـال مجمـعـيـن الـكـلامـي
خطـو السفيـه اللـى كـبـار علابـيـه=الـلـى يسـمـى بالمجـالـس طغـامـي

 

 

 

 

 

 

 

 

 

 

10

++يا نسمة الصبح++

ذعذعي يانسمـة الصبـح واردم ياسحـاب=واقبلـي ياغيمتـن بـرقـك الخـافـي جــذب
بخشم مزنن قـام يـردم وضلـل لـه ربـاب=بـارقـه بـــاول مـزونــه وتالـيـهـا لـهــب
فـوق حايـل جـاد نـوه وشـلال الهـضـاب=قام يرزم مع مضيقه علـى القـاع انهكـب
يوم سالت في جبل طـي دمثـات الشعـاب=لف بي لافوف وقتي علـى عـرب النسـب
صوب شيخن بالمواقيـف يدحـم مايهـاب=يـم شيخـن لـه يـردون بالـعـرف الـعـرب
ابــن فـايـز بالمـلازيـم تـنـصـاه الـركــاب=طير شلوى يرخص الروح يا سوقه وجب
يافهـد ننـخـاك لاهـنـت ياسـمـح الجـنـاب=مانبـي فزعـة فراغـه نبـي فزعـة غضـب
ياهـل حايـل مانبـي غيـر فكـاك الصعـاب=يوم تـال الهـرج عـود علـى فتـل الشنـب