يـاجـاهـلـن شـمـر
البارحه عدى على صالي النار
سهران لين الصبح بين عموده
لياما أذن التالي وأن اادير الافكار
من هاجس با القلب دلآيروده
جبت القلم وأمليت أزين بالآشعار
أهـايله مثل مهايل نفوده
متعجب من لي زمانن علي جار
زماننا بدل ليانه بكوده
أشوف أنا زماننا دار وأندار
وتبدلة بيض الليالي بسوده
وقت غدى كله لواليس وأشرار
زمان ماتقدر تحلل عقوده
وقت رفع له ناس من حسبت الفار
وشوف انا الحصني يباري فهوده
وراع النميمه والقفى صارله كار
والكذب هو والزور كثرة شهوده
واشوف كثر مشاكل الجار للجار
حتى كلام الله تعدو حدوده
راح الزمان اللي به الطيب يندار
وجانا زمان صافي مع حسوده
العبد شاخ ويامر شيوخ وأحرار
والسيد اول صار عبده يسوده
وصار الرجال ياللعجب كل خمار
اللي لياعاهد نقض في عهوده
صارت له الكلمه ويسمع اليا شار
ويحسب من ابطال العرب هي واسوده
وين الرجال اهل النواميس والكار
اللي مع المضيوم تدي جهوده
اللي لهم من ماضي الوقت تذكار
اليوم خلونا ولجو في لحوده
خطوى الولد هيس خسيس وهذار
ياعد ويخلف ماعطا من وعوده
محشوم من يسمع ولد هيس وحمار
لو ينشد ماضن يعرف جدوده
ولا احب تبين الأسامي والاذكار
ولاخير في شي تعدى حدوده
الثور ثور وين مادير يندار
والناس يعرف ذيبها من شروده
وأنا الذي شربت من كاس الأمرار
عدي سجين محكمات قيوده
غريب دار ولابتي عني بدار
وقلبي من الفرقاء سعى فيه دوده
في ديرة ٍ ضاعت بها كل الأفكار
ماينعرف بتانها من زيوده
رجل ٍ بلاربع ٍ رماد بلانار
والبيت ما يبنى بليا عموده
ويالله ياعالم خفيات الاسرار
يلي نخضعله بالركوع وسجوده
ياواحد ٍ تامر ولافوقك أمار
أنت الوحيد اللي ملكت بوجوده
أنت الذي منهو ترجاك ما بار
يامن ضفا على المخاليق جوده
طالبك تجمعني عقب كل ما صار
مع لابة ٍ تصبر ليا حل كوده
ربعي طنايا طي ليا أشتبت النار
عدوهم للموت عجل وروده
ربعي هل الطولات والطيب والكار
ياويل من ربعي غدو من ضدوده
وجميع شـمـر لابتي ماكر احرار
اللي سكن في مدنها أو نفوده
شـمـرحريبه بأسرع الوقت ينهار
ومن حاربه ماضن عقب يعوده
حريبنا نسقيه من كاس الأمرار
وقبيلنا ما يهتني في رقوده
ياجاهل شـمـر ترى شـمـر النار
نار توقد والمعادي وقوده
حنا هل الطولات ليا صار ماصار
نرسي كما ترسي رواسي حيوده
عاداتنا من ضدنا نأخذ الثار
ننطح جموع لو تلاحق جروده
تاريخنا في كل دار له أذكار
تاريخ واضح والفعايل شهوده
وكم راس شيخ من ضربناه ما ثار
عقب السطر لابد له من ركوده
وكم فارس ٍ من فعلنا للحد زار
مناعليه البيض تلطم خدوده
يومه للأيدي فعلنا رج الاقطار
وديارنا ماأحد ٍ يقرب حدوده
بالليل نسري والقوايل والأسحار
ولاهمنا نقصه وربحه وزوده
ونقدر العانين والضيف والجار
وكل نهج منهاج سابق جدوده
ونعطي عطيات جليلات وكبار
ونسقي ليا شحت بماها عدوده
وديار حاتم طيء حايل لنا دار
حامين حد أجبالها مع نفوده
فيها اشتهر بالجود ليا جاه زوار
وحناورثنا الجود من جود جوده
هذا كلام اللي بالاشعار بيطار
خمسين بيت بالتمام معدوده
قلته وأنا عايش على هم وأكدار
عانيت من دنياي زايد نكوده
وذكرت انا كل الشواهد بالاشعار
من شأن يقنع بالفعايل جحوده
وصلوعلى محمد عدد طلع الاشجار
وأعداد ماتثمر وتزهر وروده
وأعداد ماتنزل على القاع الامطار
واعداد مابالسحب حنت رعوده
.gif){kind=icon}
قصيدة ياجاهلن شمر
رد: قصيدة ياجاهلن شمر
العرض العادي
