قصيدة العوني بحصار حايل

هذه قصيدة العوني أثناء حصار حايل::

مظى الليل وأنحن النجوم وقام
وظو الصبح يجلى عن سناه ظلام
وانا ساهرن ما لاجت العين بالكرى
أديـر قا لا تـن وهـن عـظـام
أقلب الحيلات وأشكي رفاقه
بعادن ويردون الحروب حيام
هم سيفي القاطع إلى زامت العدى
وهم لكل الـنا يـبـات أحـزام
نخيتهم والضد عندي ودونهم
تمنيت لو هم يسمعون الكلام
وتمنيت لو شافو خيولن تذودنا
تضف با طراف البلاد أجهام
مناديب أناأنخاكم تردون ماجرى
على كنس ٍ بتر الفخوذ اهمام
حيل رعن الحجتين ودودهن
لما غدن مثل الفحول اجسام
هن منوة المنيوب هن غاية المنى
يامن دعاهن الهجيج اشهام
سيرو عليهن يالعوادي وبالكم
تنامون ونا ما هنالي منام
سيرو كفاكم شر مابان واختفى
على هربن خمس البطون أحيام
شاشن من صيحات علوا وساقمن
عن الشرب والمرعى جزن اعدام
هجن من بين البلاد وياطـب
نحن شرّدٍ شروى فروق حمام
واركبتكم من فوقهن عقب جفـلهنٍ
الى عزوتي سمح الوجيه اكرام
واليا اقبلن بكم تباكو على النضا
وانـخـوا وقولـوا يا نـيام نيـام
أصحو ترى فرق الله شملكم
تراكـم نـيـام والسباع أحـيـام
ترى لهم عاده اليا سمعوا النـدا
يجيـبون صوته فازعين أشمام
واليا ألتمت العربان من كل وجهه
فردولهم عقب السلام اعلام
وتعدون ماشفتو وشـافت عيونكم
وتبدون بالهرج المصيب قوام
وتقولون ينخاكم من الضيم شيخكم
غلامين ماعـقب الصياح مقـام
تنخاكم السمراء وعكاش والحمى
وأجـاء وجـلـديـه تـرد مـلام
وسلمى تنادي وين الأسلم وصيتهم
وخلت قلوب السامعين إحطام
تصيح يابرغش على سالف ٍ مضى
عـزاه مـاتـدري علـيه اهــدام
هو مقدم الهدات هو فارس الوغى
حامي التوالي للمعالي دام
جونا هل العوجاء كما السيل منتحى
يريدون دين والديون اقدام
تمنيت ليت الموت قد زار قبل ذا
ولا طق بين الهضبتين اخيام
ياليت عينن للسناعيس وايقت
تنظر ذرا السمراء عليه اكتام
وتشوف به يوم بعكاش ضدنا
غشى الخريمي من وراه ازحام
غـلـبـا بني عمي وركني وعدتي
غـلـبـا اليا شاط الحريب وزام
غـلـبـا ترى كل شي يباع ويشترى
والعز بيعه با لسحوت حرام
وترى كل ماحاش الفتى رد للفنا
سوى الطيب يبقى للرجال دوام
ولا تنمدح بنت الاصيل اليا جذت
لـو زادت امـه بطول اقـوام
ولاتنفع القب الجياد وربطها
ليا عاد ما تجزي الحريب اعسام
غـلـبـا بكت وصاحت الدار بعدكم
ونخـيتـكم وانـتم بـعاد مـرام
العفو يا ما دونكم من زراجه
ومن سهلتن يزمي وراه اعدام
يقولن لي خفراتكم وين دارهم
ودموعهن فوق الخدود نظام
ويصيحن وينخن وين شمر ذرى لنا
وبقدامهن عقب التراف الكام
غلامين قومو قومة الليث كلكم
لا ثار مزحومن وهـد وقـام
وين الطنايا وين كسابة الثنا
وين الجموع اللي تقول نظام
واشيب عيني مابعد اليوم شوفهم
عن عين مضيومن يعض أبهام
قلته وانا منهم ومدي حقوقهم
مالي وعمري للزوم اسهام
أنا صلب عبدالله أنا من بكت
لو كان مالي عزوتن واعمام
عيني لاتبكين فرقا رفاقتي
مدى العمر يجلب دونكم ويسام
تمت وصلى الله على سيد الملا
عدد ما أشتعل برق ٍ وهل غمام
ـــــــــــــــــــــــــــــــ

 

 

 

 

 

 

 

 

 

 

صح لسانك يابن خشرم والله يرحم العوني .

 

 

 

 

 

 

 

 

 

 

يعطيك العافية






وتقبل تحياتي ومروري......

 

 

 

 

 

 

 

 

 

 

يعطيك العافيه اخي الكريم على النقل
وصح لسان العوني رحمة الله عليه

تحياتنااااااالاخويه

 

 

 

 

 

 

 

 

 

 

يعطيك العافيه ع النقل والاختيار.

 

 

 

 

 

 

 

 

 

 

الضيم ياعبيد

 

 

 

 

 

 

 

 

 

 

الاخ محمد الخشوم جزاك الله خير على هذه القصيده وارحب بتواجدك في موقعك