شمر الى مـن العـرب عـدّت العـرب

الأيــام سـفـن ٍ والسنـيـن بـحـار=بالأقـدار تجـري والغـبـاب غــزار
لو صار له ولم ٍ ولـو صـارت سليمـه=صيّـور مـرجـوع العـمـار دمــار
الهي ووليـي ومسنـدي وانـت فزعتـي=الـى عـاد وحـدي والخصـوم كـثـار
انا فـي ذراك وحـدر ظلـك وجيرتـك=وتبرّيـت عـن غيـرك بكـل جــوار
وفوّضت لـك امـري وحيلـي وحيلتـي=وحـشـا الـجـار فــي ذراك يــذار
ونويت انـا بعـد اتكالـي علـى الولـي=اعـد مـا شــاف النظـيـر وصــار
ياراكبـن مـن فـوق كــور العقيـلـي=ترحلوا على كور ما تطوي الزيازي حرار
ولا باس لو عجتوا لنا الهجـن قـدر مـا=ارسـم جـوابـي والـركـاب حـيـار
فيـلا قضـى ياركـب شـاي فشافـكـم=همـوم ٍ همـام مــا تــلاه حــوار
جـلايـل فــج النـحـور عـلاكــم=علـى اول جلـس مـا بـهـن بـكـار
وخيـل تمـارا بالمسيـر الـى ادلـجـن=وساجـن وداجـن خـمّـص وضـمـار
وان حركـوهـن للهيــج ولجـلـجـن=تشـبـه روانـيـف ٍ حــداه عـصـار
اركبتهـن مـن نقـرة الجـوف واشملـن=كمـى جـول ربـد ٍ صابهـن ذعــار
وبعـد خمـس ليـلات يلـفـن قبيـلـه=لهـم بالثـنـاء عـلـم ٍ بعـيـد ذكــار
يلـفـن لـنـواف بـــن شـعــلان=والنـوري ومـن لـه هرجـة وجهـار
قولوا له يا زبـن المخيفـه عـن الـردى=ترى النصايح تشتـرى والصحيـح قـرار
نقـول لـك ان مـا للرشـيـد مقـابـل=إلا لـمـن يكـتـب علـيـه دمـــار
وهمّيـت بأمـر ٍ مـا يهـم بـه غيـرك=تـريـد تقـنـص بالـدجـاج حــرار
جبـت الحـوازم والشـرارات خلطهـم=وابـو تايـه يـرثـع بغـيـر هـجـار
عقـب المكافـخ والخـطـوط وقـولـه=حنـا سبـاع صــار ديــك وخــار
وحشـا ولـي العـرش يخلـف عوايـده=يركـب علـى سـرج الحصـان حمار
إمـا هــل العلـيـا فنـعـم القبيـلـة=لا شـك مـا هــدّ الجـبـال جــدار
تكاثرتـوا منازلـكـم عليـنـا وغـرّكـم=تحسبوننـا حضـر ٍ حـمـى حـضـار
حنـا نـدور النـاس مـا هـي تدورنـا=لا شـك ذي ثــارت بغـيـر عـيـار
وجانـا منـاديـب ٍ يقـولـون بقولـهـم=مـا عـاد بالجوبـه يـسـوج وســار
وركبنـا ثـلاث ميـة ذلـول ٍ نحثّـهـن=نـبـي نـعــدٍّل مـايــل ويـســار
الى مـا وردنـا الحـزل جتنـا ركايـب=يقولـون كـل الـلـي يـقـال بــوار
يقولـون ابـن شعـلان بالجـوف نـازل=ومـن كـان قبـل ٍ لـه صديـق بــار
إلاّ ابــن مويشـيـر تبـيـن بقـولـه=وثــارت علـيـه الديرتـيـن وحــار
وينخـاك يـا عـز الرفـيـق ومزبـنـه=نـارك يشطِّـر عـن سـنـاه شــرار
وشرنـا بـرد الـراس وإلحـاق قــوّة=تــودع بوالـيـد الحـديـد كـســار
وشلع طير شلـوى مـا تصنّـت لقولنـا=يـقـول مــا دون الرفـيـق عــذار
عيـب ٍ علـى مثلـي يـهـد وينثـنـي=الـى شـاف نيـران الحريـب كـبـار
انا صلـب عبـد الله وانـا شبلـه الـذي=بـنـى للعلـيـا فــوق سـاســه دار
وهـي القـدا مــن قـديـم ٍ افعالـنـا=نـدخـل ولا ننـشـد عــن المعـبـار
كمى وصف غوّاص ٍ ضرب وسط غبّـه=يشـق البحـر لـو كـان موجـه فــار
وكثرت بكم الخونات مـع كثـر قومكـم=ورمتـوا امـور ٍ مـا تــرام عـسـار
وقلـتـوا قليلـيـن وذا قـبـل فعلـنـا=وحـنـا بضنـكـاة الأمــور كـثــار
جبـتـوا جـمـوع صايلـيـن تبونـنـا=هماتـكـم قـبـل الـلــزوم قـمــار
مـن قبـل مـا اوحيتـوا غميـن قومنـا=تـنـادي بـحـس ٍ للحـريـب ذعــار
اهـل هـدّة شفقـا علـى المـوت كنهـم=ورد ٍ تعـايـل مــا علـيـه حـيــار
تناخـوا غلاميـن الجبـل عنـد شيخهـم=الى ما حتكـم صـرف الزمـان وجـار
الـى صـدّروا بالـري مطلـق ثبوتهـم=والـمـوت بأتـلاهـم يخـيـم حـيـار
مساكيـن مـايـدرون منـهـو قبيلـهـم=الى شـب مـن نـار الحريـب سعـار
مـا دريـوا انـه شالهـم مـن ترابهـم=وهـم مـا دريـوا وش بالزمـان يـدار
مـا دريـوا ان اللـي يديـرون عامهـم=يديـره ابـو مشعـل بـشـرب بـهـار
اظـلـم عليـهـم بحيـلـة ٍ ضيغمـيـة=بفـعـل ٍ وتدبـيـر ٍِ سـديـد وســار
وارسـل لشمـر نـادر ٍ مـن مجـاذبـه=ابنـه الــى قــام الخصـيـم بـثـار
من حين جاهـم صـاح صـوت ٍ يحثّهـم=وبكـى عبـرة ٍ منهـا جــرت عـبـار
بكـى عبـرة ٍ منهـا تجـارت دموعهـم=الى انـه مشـت دمـع الجيـوش نثـار
ومشوا مـن ورا شـط الفـرات غياضـا=ميعـادهـم نــار الحـريـب نـهــار
تـلاووا علـى الحـزل القديـم وقيّلـوا=علـى اكـوار حيـل ٍ وبينهـن مـهـار
مشوا مثـل مـزن ٍ يطّحـن فـي ربابـه=سيلـه غشـى وادي الـرويـل وحــار
نشـا حـي يميـن اقبـال ونهـل دقّــة=عجـل غـشـا روس الـزبـار غـبـار
على ايسر سكاكا باللقايـط سقـى اللـوى=الى ما ركـب خشـم الطعـوس وجـار
يرعد ويبـرق والغضـب فـي جوانبـه=شـاف ابـو سلـطـان سـنـاه ونــار
خـلا هـل العلـيـا وخــلا حلالـهـم=وخــلا فيـافـه والـديـار يـســار
وجنّـب عـن ابـنـه وعـيـال عـمـه=وهـي علـى مثـلـه كثـيـر وعــار
وخمـس ميـةٍ مـن لابتـه عـزِّي لهـم=خــلاّهــم لـلـسـبـاع مــــزار
خـلاّ المكـايـن والمـدافـع وإنتـحـى=هـو وابـو تايـه فـر عقلـه وطــار
ساعـة نظـر بالعيـن غلبـا وشافـهـم=بـدّل مـن عقـب هـز الشبـاة فــرار
ولا بـد مـن يـوم ٍ تصيـده شبولـهـم=لـو اخطتـه مــرة تصـيـد امــرار
شمر الى مـن العـرب عـدّت العـرب=مـن دونهـم كــل الحـبـال قـصـار
لهـم علـى العليـا فــروض ٍ قـدايـم=مـا هـم لفيـق ٍ مـن حضيـر حضـار
وحبالهـم بالضيـق تــروي رفيقـهـم=الـى مـا غـدت كـل الحبـال قصـار
هـم بنسـل قحطـان لحـق عقـب تبـع=لـهـم بالعـلـى والطـايـلات مـنـار
والله يـا لولاهـم فـلا يـذكـر الـوفـا=ولا للحـمـيـة بـالـرجـال مـــدار
اشهـد بعينـي يـوم اجانـب شيخـهـم=وهـم قبلـه غضبانيـن عليـه جـهـار
علـى راي ابـو تايـه ونـواف رايهـم=يقـولـون ناخـذهـم بـطـول مــدار
نشابيـب الحـرب والـضـرب بـاتـع=ياويـل مـن يلـحـق علـيـه بـشـار
كريم السجايـا كـل مـا حـاش طولـه=تـزيـد حـلـم وعـفـيـة ووقـــار
وسيـع جـاش فــي مـلاقـاه للـعـدا=نحى الـدم مـن ضـرب الفـواس فـار
وهـو الضـاري الجبـار ايلـى تـعـلاّ=وهـو مـودع العظـم الصليـب نشـار
وهـو عظيـم الشـان والجـاه والثـنـا=وهـو واحـد الدنيـا بــدون انـكـار
يـا طالبيـن الحكـم مـهـلا ترفّـقـوا=رويـدا ً تـرا قضـب النجـوم عسـار
تمـت وصلـى الله علـى سيـد الـورى=عـدد مـن قصـد بيتـه وحــج وزار

للشاعر محمد العبدالله العوني بحرب الجوف

دمتم

 

 

 

 

 

 

 

 

 

 

اظلـم عليـهـم بحيـلـة ٍ ضيغمـيـةبفـعـل ٍ وتدبـيـر ٍِ سـديـد وســار



الله يعطيك العافيه على هالتميز ياخالد.

 

 

 

 

 

 

 

 

 

 

الله يعافيك ومشكور يابن داغر
دمت بود