قصة الفارس غريب الشلاقي وقصيده على الفتنه

هذه القصه والقصيده اخذتها من ثروي سحلان الشمري عن قول راضي غريب الشلاقي وهي من الواقع عن الفتنه التي حدثت في نجد وشردت الكثير

ونتضرع الى الله ان يقي المملكه وشعبها وحكومتها الرشيده شر الفتن ولكنها قصه مضت نضعها امامكم


عندما سيطر الاخوان على نجد وحصلت الفتن بين ابناء القبيله الواحده رحل الفارس غريب الشلاقي ونزل عند عنزه وكان نازل بقرب

راكان ابن رميزان ومرضي الرفدي وكان يقسمون الوقت بين البيوت الثلاث وفي احد الايام راى رجل قادم واقترب منه غريب واذا هو الحيد

من كبار اهل موقق وقال له غريب وشجابك يالحيد قال جابن زبنت بعمري الاخ صار يذبح اخوه ياغريب والنا س استحلت دم بعضه وتأسف

غريب على هذه الاموروفي احد الايام شاهد احد الرجال يقترب من المحرم واقترب منه غريب واذا هو من صلبة سنجاره يعرفه اسمه مريف

معروف بعزة نفسه وكرامته وعندما رأى غريب مريف اجهش بالبكاء مريف وطاحت غدفته في الارض واقترب منه غريب ووضع غدفته على راسه وقال له ياحيفك يامريف شده وتزول

وقال غريب وشجابك يامريف قال زابنن بعمري يااخو وضحه وقال غريب الشلاقي هذه القصيده وهي موجهه للشيخ غضبان ابن رمال

يالله طلبتك ياوسيع المحاريف = فكاك بيبان الضعوف المشاكيل
يالله ياللي تذل وتعز وتخيف = ياحامي اطراف الحرم من هل الفيل
تفكنا من موهفات الصواديف = ياحامي اطراف الحرم من هل الفيل
لادك من واهج القلب تكليف = سيرت يم مبهرين الفناجيل
من بيت راكان ريف المناكيف= لبيت ابن ساجر ملح التعاليل
مجالس ٍ يطرب لها راعي الكيف = وندله بزينين القبل والتحاويل
لاشك قلبي لاغسن غش ومخيف = لاشفت هيضات العرب والنزازيل
يطري علي ربعن بهم ندرك الحيف= لياركبت فوق الرشاة المحاحيل
اللي بهم نرعى الخطر والمخاويف = سون بهم سمر الليالي بهاديل
وشتاتهم من نجد لياسنيك السيف = ولاينشمت بامور منشي المخاييل
ياراكب اللي كنهن بالتواصيف = مسحاب ربد طالعن شوف ازاويل
يشدن شواحيف نحتهن عواصيف = الموج حاديهن وهن ارتكن حيل
يعبن لتقطيع الديار المخاويف = رمل ولاذاقن لهيج المخا ليل
تنحرن يمة سهيل لياشيف = ومنا تراكم يالنشاما مراسيل
يعلكم بجاه من يقري الضيف = تلفون مامرت عليكم غرابيل
لاجيتوا عقرب والخشوم المشانيف = تدركوا لاذوادهم بالدرابيل
وليالفيتوا للرباع الهراجيف = قولوا لابو علوش ريف المراميل
قل ياحيف ياغضبان ياحيف = تنسون مروين الغلب والشناشيل
اهل العقول الصج والحكم بالسيف= لياكربت شحص المهار المشاويل
اللي بنجد دللوا شذرة السيف = راحوا سداد للديون المساميل
وشامت لابن مقرن بعيد المناطيف = سربة هل العوجا تزج الهلاهيل
وتر بعدك اطيب من عفون الدناديف= دوارة الجنه بذبح الرجاجيل
وافهم تر الجنه بنقرة زليليف = وعلمه عند اللي يفرق الصبح والليل
وتزعجوا عنه بعاد المحاريف = وطرب هل النوهات بعد المراحيل
لديار شمر مقرية الجار والضيف= وعسى بكرهات الايام تسهيل
يم الضياغم والسيافا هل السيف = وعيال مسعود بعاد المصاويل
وربعي هل الجدعا لياصدرن عيف = لهم بروجات السبايا تنافيل
وعيال الفديغي فوق قب مزاغيف = خيالة الاتراك ماهم سراويل
ومع سربة العصلان يوم التحاريف= مروين عيدان الرماح المغاليل
بالله ثم نرعابهم ديرة الريف = نرعاه لودونه غراضي هل السيل
وشرب بكضات المعارك مواليف = يتلون من بعد المحزم مشاكيل

 

 

 

 

 

 

 

 

 

 

الله يعطيك العافيه
وانشالله ماتصير اي فتن
وتقبل مروري
بـــــــــــــنــــــــــــــــــــت وايــــــــــــل

 

 

 

 

 

 

 

 

 

 

سنجار
عـــــــافـــــاك اللـــــه والله لايهينك يالعزوة

 

 

 

 

 

 

 

 

 

 

الاخت الفاضله شموخ عنزيه حياك الله واستغل هذه الفرصه لارحب اجمل الترحيب بانضمامك

الى هذا الصرح الشامخ واشكر مرورك العطر

 

 

 

 

 

 

 

 

 

 

الله يعافيك ياسنجار
والظاهر انه الموضوع مكرر
http://www.allshammar.com/vb/showthread.php?t=18955
دمت

 

 

 

 

 

 

 

 

 

 

ونعم والله بالشلقان ..


لاهنت ياسنجار ..


ويعطيكـ الف عآفيهـ ^_^

 

 

 

 

 

 

 

 

 

 

الاخت الفاضله شمريه وقلبي شمالي حياك الله واسعدني مرورك

 

 

 

 

 

 

 

 

 

 

الاخ خالد الصقري حياك الله واشكرك على هذه الملاحظه ولكن هناك اختلاف الفارس غريب

الشلاقي اول مانزح من نجد اثناء الفتنه توجه لبادية السماوه عند العمارات ونزل بقرب

ابن رميزان ومرضي بن ساجر الرفدي وقصيدة اللي على ابن فهد بعد هذه القصيده

والقصيده الموضوعه منقوله عن ابن غسلان

وتزعجوا عنـه بعـاد المحاريـف=وطرب هل النوهات بعد المراحيل
لديار شمر مقرية الجار والضيـف=وعسى بكرهـات الايـام تسهيـل
يم الضياغم والسيافا هـل السيـف=وعيال مسعـود بعـاد المصاويـل
وربعي هل الجدعا لياصدرن عيف=لهـم بروجـات السبايـا تنافـيـل
وعيال الفديغي فوق قب مزاغيـف=خيالـة الاتـراك ماهـم سراويـل
ومع سربة العصلان يوم التحاريف=مروين عيـدان الرمـاح المغاليـل
بالله ثـم نرعابهـم ديـرة الريـف=نرعاه لودونه غراضي هل السيـل
وشرب بكضات المعارك مواليـف=يتلون من بعـد المحـزم مشاكيـل

مع كل الاحترام لابن غسلان لم يذكر هذه الابيات اللي ذكرها الفارس غريب عن شمر الجزيره

لانها توضح انه لم يصل بعد الى ارض الجزيره ويتلون بعد المحزم لان في ذلك الوقت اعدم

الشيخ صفوق الجربا من قبل العثمانيين واكرر شكريلك

 

 

 

 

 

 

 

 

 

 

الأخ سنجار

تأكيدا لما ذكرته افيدك بأني علقت على ماذكره الأخ فواز الغسلان وذكرت له أني سمعت شريط لراضي بن غريب رحمهم الله يذكر فيه أن هذه القصيدة قالها غريب أول ماخرج من نجد وقاصر راضي الرفدي ابن ساجر وحمود بن رميزان ابو راكان المذكورين في القصيدة ثم بعد أن مر عليه الحيد ومريف وذكرا له بعض أخبار الإخوان وهو عند مرضي وحمود قال هذه القصيدة ثم ذهب إلى الجزيرة وهو ماتدل عليه أبيات القصيدة الأخير حيث ذكر انه سيذهب الى ديار شمر وسيكون بين الضياغم والسيافا إلى آخر من ذكر حيث يقول :

بين الضياغم والسيافا هل السيف ..... واولاد مسعود بعاد المصاويل

وربعي هل الجدعا اليا صدرن عيف ...... لهم بروجات السبايا تنافيل

وعيال الفديغي فوق قب مزاغيف ..... خيالة الادراك ماهم تزاويل

مع سربة العصلان عند التحاريف ...... مروين عطشان الحراب المغاليل

وغلبا بكظات الحرايب مواليف ..... يتلون من عقب المحزم مشاكيل

بالله وثم اسبابهم ديرة الريف ...... نرعاه لو دونه عساكر هل التيل

وتقبلوا تحياتي

 

 

 

 

 

 

 

 

 

 

الاخ محمد بن فهد الشمري حياك الله واشكر مرورك العطر