قصيدة بغداد العظيمة لفيصل بن طوالة

((بــــغــــدادالـعـــظـيـمــه))
أبتدت حرب المهالك وأنتهى السلم ومجاله***وأرتكب راع الجريمه أبشع أنواع الجريمه
داهمو بغداد جيش الشرك وأحفاد الظلاله***حنو لتدمير تاريخ الحضارات القديمه
بين بعثي العراق وبين جرذان العماله***أنثنت ياويل قلبي بنت الأسلام العظيمه
آآآه ياوجدي عليهاوجد من ضيمه خواله***أن نواهم صاحت أمه وأن تركهم صاح ضيمه
أو وجود القاصراللي مغتصب عمه حلاله***هو يتيم بين ربعه وماله إلاأخت يتيمه
أووجودالنادراللي ناطح الغاره الحاله***ان وقف زادو صوابه وان وقع صاحن حريمه
اووجود الدين اللي ماأرتكب جرم وخماله***بعد ماقصو يمينه أعترف راع الجريمه
اووجود اللي خصيمه فجأتن وقف قباله***جالين من وسط ربعه وأشجع ربوعه خصيمه
أووجودالطيب اللي توماكبرو عياله***بعدماكبرو عياله صارطيبهم هليمه
او وجود اللي يمينه بالسلاسل مع شماله***شيخ قوم عقب عزه عاش حقران وهضيمه
حسرتي والله على حسن بغداد وجماله***وحسرتي والله على الشعب العراقي في جحيمه
كل ماقيل اقصفوها أتصيقه للمقاله***ياعرب موت القلوب اليوم عاهه مستديمه
لاتورونا صورهم اتركو كل بفاله***البدو والذيب يلبد لانبح كلب الخريمه
يعني وش رايح نسوي غير يالاله يلاله***لاتحرون القلوب القاسيه تصبح رحيمه
لاني أمغير زمان ولاني أمحرم حلاله***بس أشوف أن العروبه تسحب أذيال الهزيمه
سامح الله من قراني مافهم فحوى الرساله***مدرك أبعاد الكلام ونيتي والله سليمه
الشهر هذا محرم والله محرم قتاله***بس يالله ماعليناكل ضربه بتعليمه
أبشرو ياعيال العروبه باالتسكع والبطاله***يامدورت الغنايم أنتم اليوم الغنيمه
جت مغول الغرب يم الشرق والقصد أحتلاله***خلف هولاكو أوربا جوك يتلون البهيمه
من متى كان اليهودي له على المسلم جماله***من يقول أن العواقب مانتايجهاوخيمه
عارفين المستخبي وأندثر وقت الجهاله***والغبي اللي يفكر لذت الدنيا مقيمه
يولد الحي ويموت وينولد غيره بداله***والحظيظ اللي خطا رجليه دايم مستقيمه
أشهد ان المهدي اللي ننتظر طول وصاله***وصل الأحباط الحناجر وأقطب المجهول غيمه
باكر تشوفون باكر وقولوا ماقال الطواله***كان ماباكر غدينا للخنازير الوليمه
ألا أن كان أتحدنا وصفنا عاد أكتماله***وأجتمعنا كلبونا ضد عدوان وضليمه
..{ فـيـصــل ابن طـوالـــه }..
ــــــــــــــــــــــــــــــــــــــــ

 

 

 

 

 

 

 

 

 

 

حسرتي والله على حسن بغداد وجماله***وحسرتي والله على الشعب العراقي في جحيمه

\

\


الله يكـون بالعون ..


لاهنت اخوي [ محمد الخشرم ] على هالجلب الطيب ..


ويعطيكـ الف عآفيه }

 

 

 

 

 

 

 

 

 

 

و الراقي ما يقدم الا كل راقي ..
استمر اخوي و اروينا من روائــعــك,,,,,,,

و انا راح اكون متابعه لك بـ / صـمـت .. وصـــح لــســان بــن الطــواله <<<< الــلــي أنــا مــنــهــم

 

 

 

 

 

 

 

 

 

 

صح لسان من قالها

تقبل مروري

 

 

 

 

 

 

 

 

 

 

يعطيك العافيه اخي الكريم على النقل الرائع
والاختياااار الارووووع
وصح لسان فيصل الطواله
تحياتي