قصيدة النذير وقصيدة التبيناوي بعد مقتل عقاب وحجاب العواجي

البيت الذي قاله النذير اللي أنذر بها العواجيه وعنزه عندما سمع بأن هايس القعيط أخو سعده من الخرصة من شمر قد تحرك لغزوهم ملبيا لنخوة هيفا و طالبآ للثار أخوها هذلول ويريد قتل عقاب وحجاب عيال سعدون العواجي
وقد كان هايس شيخ كبيرفي السن كما يذكر التبيناوي بأول بيت من قصيدته [ عودن عدا بس بالزماميل والخيل _ يدور مقانيص بغرات الأجناب ]
وأليكم قصيدة النذير :
( ياعقاب بدل ديرتك له بديره _إرحل وخل اللجف مابه مصاريف
يأتيك طيرن من طيور الجزيره _قبلك اليا داجن على الشيخ ماشيف )
وبعد ماقتل هايس القعيط عقاب وحجاب قال التبيناوي شاعر القعيط هذه القصيده :

عودن عدا بس بالزماميل والخيل _ يدور مقانيص بغرات الأجناب
بأول زمانه عذب الكنس الحيل _ وخبط بيمناه البحر عقب ماشاب
راح النذير وفزع النزل باالليل _ والخيل ركبت ما جلايبها الأداب
وتوافقوا بالطعن بحد الغراميل _ متقاضبين مثل ابازيد وذياب
غربي زبار أوريك مثل الهماليل _ وأنشبت أحراب القوم بطي الأصحاب
وتعاودوا للهوش ربعن مثاقيل _ حماية الساكت عريبين الأنساب
وردو وصادو فارس يرعب الخيل _ ياوي صيده يوم جابته الأسباب
رجالن نوت تزعجله الصوت بالحيل _ لعيون هيفا نردع الشيخ بحجاب
حريمهم تصرخ صريخ المحاحيل _ جاهن عليمن بأول الخيل ماطاب
وحريمنا لـجــن بزين الهلاهيل _ متوكدات من شلعة الحر لعقاب
ياضبيب لو ذبـحــت كل الزماميل _ ذبحت دخيل البيت ماتفتح الباب
اربع ليالي مالـقــوه المراسيل _ عليت خد كوح العصر بتراب
دنياك هذي يالعواجي غرابيل _ من شق جيب الناس شقوله أجياب.

 

 

 

 

 

 

 

 

 

 

مشكور اخوي ع النقل والاختيار .

 

 

 

 

 

 

 

 

 

 

اشكرك اخ محمد علي النقل ولكن كما نعرف بان هايس القعيط هو كان قائد المعركه وان الذي قتل عقاب العواجي هو مفيز العفر من المفضل من عبده هذا الي نعرفه وقد سمي بجداع العواجي والله يعطيك العافيه

 

 

 

 

 

 

 

 

 

 

العز للطنايا يوم يقول ابو عقاب

حالو عليه اللي على الموت جسرين عيال الطنايا مروية علط الارماح


وتسلم على القصيدة

 

 

 

 

 

 

 

 

 

 

دنياك هذي يالعواجي غرابيل _ من شق جيب الناس شقوله أجياب.

\

\


لاهنت اخوي ويعطيكـ الف عآفيه :)

 

 

 

 

 

 

 

 

 

 

أخي محمدالخشرم
شكرا على مشاركتك
ممكن لو تكرمت تذكر لنا مصدرك هل هو كتاب فتذكره لنا
او كلام كبار السن اعزهم الله
ومن هو النذير

 

 

 

 

 

 

 

 

 

 

يامحمد ابن خشرم .. السلام عليكم

البيت اللي انت تنسبه للنذير هو لرشيد ابن طوعان وليس للنذير
النذير ماهو شاعر ..

 

 

 

 

 

 

 

 

 

 

مبدع كالعادهـ و هذا مو غريب عليكـ و ان شاء اللهـ راح يزيد رقي هذا القسم طالما كان زاخر بالمبدعين امثالكـ ,,
و اتمنى ان كل عــضـــو ينزل موضوع مثل هذا حتى لا تضيع تلكـ الدرر المنثورهـ و تبقى في طي النسيان ,,

 

 

 

 

 

 

 

 

 

 

رجالن نوت تزعجله الصوت بالحيل _ لعيون هيفا نردع الشيخ بحجاب
حريمهم تصرخ صريخ المحاحيل _ جاهن عليمن بأول الخيل ماطاب
يعطيك العافيه على النقل المميز
تحياتناااااالاخويه

 

 

 

 

 

 

 

 

 

 

مشكور ياخوي
الأخ العزيز/البيت اللي أنت ذاكرة كما قال أخونا هو من قصيدة رشيد بن طوعان والقصيده طويله