سميت بالرحمن وابديت مكنون =وبديت ذكر الله على كل بادي
القلب من كثر الهواجيس مشطون= كنه معشين به عمود الجرادي
عفنا البلاد وعن هوى النفس تدرون= وانتم موارث باسطين الايادي
وانتم ليارخص الشرف به تعيون = اللي يغالطكم على الطيب غادي
يادهام لو قرت لنا نجد بخزون = ماعقب زينين المحازم قعادي
نجد ٍ حلاته يوم كاين ومكيون =وبيارق تنحى الحريب المعادي
كم ليلة ٍ غدر ٍسرواله يدلون =والخيل لياحزت لزومه تقادي
جته السبور وحظروا له يعنون = ومن ضيع الزمال درهم ينادي
ضف الجموع وكفهم لايعيلون = ومع دنة الغاره غداله حوادي
يبنى الشراع وللمعاره يقيمون =ولاخاف من فزعة فريق المنادي
يشذ من دربه كثر مايعيون =تضيع به العرجا ضباط العدادي
ياحيف ياقصر لهم قبل مصيون = مثل المراح اللي عوضه الهوادي
خلفة صفوق وشفت ماكر عزارون= صيارم فرخه يروم الهدادي
وشعاد لو بش البحر له يهدون = للحر ماطير الدجاجه يلاقي
ولاراح مندوب البحر منه منون = الليث ماتمشي عليه الدوادي
يحسبون اخو شاهه على مايريدون =يلوي ولايلوى عليه السدادي
يكما اللهود ولاعطا الهرج مازون = مفراس راس اللي جبر به عنادي
ياناصر موسى على قوم فرعون = يبصرت بي حال قضيت المرادي
فتح قريب وشور جعفر لهارون = على يديكم مثل ذكر المهادي
دبكة ابن دواس اللي يعدون =يوم اتلفه ربه بليا جهادي
عسى تجيهم دولة الدين بديون =وتقداه فرسان السيافا ودادي
وترجع لعيدان القنا زرق وطعون= وتبطل بها البارود وضرب الهنادي
ليما مايبقى من الكفر ملعون = الدولة العليا عسى الله ينادي
وناخذ من اللي على دور هارون = ايضاومن دور نوح وعادي
وانا من الالافات اللي يعدون = يوم القعيط وبه ذكر وكادي
قصيدة الشاعر فهد ابن صليبيخ على الشيخ دهام الهادي في اربعينيات القرن الماضي كامله
العرض العادي
