كان ابن عريعر او ابن حميد حاكم على الحسا وتوابعه وتمتد سلطته الى الكويت واطراف نجد
كان لشايع خيول اصيله وكان يعتني فيهاكثيراًفطلب من زوجته الاعتناء فلماالح عليها بالطلب اجابته مزعوجه فقالت له ( خيلك ماهي الحذره فرس ابن عريعر) فزاد غضبه وحلف يمين الا يأتي بالحذره فلما عزم ان يأخذ الحذره توجه الى ديرة ابن عريعر وجد الحراسه مكثفه عليها فقبضوا عليه حراس ابن عريعر
فلما اصبح عند ابن عريعر قال له ابن عريعر=اشر نفسك بحلالك يابن رمال
شايع= عندي مائة ناقه
ابن عريعر = وخيلك معهن
شايع= لا يابن عريعر ابقى سجين عندك ولا اساوم على الخيل
فدام على هذه الحال ثلاث اعوام وفي العام الرابع قال له ابن عريعر اتنا بمائة ناقه كي نخلي سبيلك فقال شايع لا املك شيئاً الان وقد كبر عميره
كان بودي ان استأنس عليه في صغره فالان كبر فدام ثمانية اعوام في سجن ابن عريعر وفي نفس السنه الثامنه
في ليلتن ظلماء دخل عليه شاب في السجن وقبله فقال من انت رد الشاب وهو يبكي
شايع = علمن من انت لاارى ملامحك في الليل
عميره= يبا انا عميره
شايع = منت عميره من معك
عميره= معي العبد فلان ذاهب اصوتله
وكان شايع يذكر ان المذكور اصيب بضربة سيف في وجنته وعندما اتى عميره ومعه خويه اخذ شايع يتلمس وجنة الرجل تأكد منه ومن عميره
عميره = يبا افك قيدك وتنهج معانا
شايع = في البيت هذاك زوجة ابن عريعر وخوذ ولده يغليه ابن عريعر خوذه معاك ولياجوك اطلب عليهم الحذره والمغاتير شريطة ان يمشن
على زل
عميره=تامر يايبه
وذهب الى البيت المذكور واخذ الطفل معه ومر على والده وذهب هو ورفيقه عائداً الى ديرته
وفي الصباح عادتن يأتي شايع الى مجلس ابن عريعر واذا الصياح امامه يبحثون عن الطفل الذي خطفه عميره وبعد ساعات من البحث لم يجدوا له اثرواذا ابن عريعر مزعوج لايعلم شيء عن طفله فقال له شايع الاتريد ان اخبرك عن ابنك وصاحت زوجته مقبله على شايع ياعمي وين هو
ابنك مع عميره بن رمال
ابن عريعر = اطلب ياشايع
شايع = الطلب ماهو عندي عند عميره
وذهبت مجموعه الى عميره وطلب منهم كما اوصاه ابوه ونفذ الطلب ولبي طلبه وعاد شايع الى ديرته مع الحذره وهذه القصه كما هي محفوظه
في الجزيره واسف للاطاله
وقال شايع هذه القصيده
خذيت سبع سني في سجن خير= والثامنه جاني صدوق الفعايل
جاني غلام مابعد خط شاربه = ولاصار في قلبه من الخوف جايل
دنق علي مظنون عيني وحبني =ودموع عينه فوق خدي شلايل
وانا الحديد بساق رجلي مغلق = وبضن كما حر ٍ شبك بالحبايل
حديته على درب ٍ صعيب ولاهبا= شال الذي صقت عليه القبايل
شاله على قطاعة الدو والقنا = مايلحقنه ناقلات السلايل
اقفى على الوضحا كم الهيج وصفها = تشدى لهيج مع شفا الريع زايل
ربطني كبير الجاه يطلب فطايري = وضح ٍ ربن بديار غلبا جلايل
ويطلب جوادين من الخيل غيرهن = يعرف انهن من مكرمات الاصايل
عيو ا بهن شمر على وضح النقا = وفكوا رباطي مقحمين القبايل
من عقب ماني حاسر الرجل عندهم= جوني سريع يطلبون الجمايل
وجتني حليلة ليث هجر وشيخهم = تقد هدوم القي والقلب جايل
قلت ابشري بابنك مع ابني وديعه = يذريه عن لفح الشتا والقوايل
دنوا لها حمرى من الهجن عيره= وركبت وشالت فوق زين الظلايل
وانا على قبا يوم احلي ووصوفها = ريميتن وان ذيرت من خمايل
فرس من حمى بيض الحباري عن الملا= شيخ تخاضع له شيوخ القبايل
تاطا على الديباج باربع ايدينه = والمال معنا تكل يحديه صايل
يعيش ابن شايع تقصى مطلبه = من الخيل قحص ومن كبار الشمايل
خذى بثار ابوه وعمه وعزوته = ونهض وطمن راس من كان عايل
ومن عقب ماني بالضهايد عندهم = اليوم بد كبودهم بالغلايل
وعسى غلام ٍ مافعل فعل والده = تسفي عليه مسلسلات الرمايل
فتى سطا بالطيب من زايد السطر= من ساس قوم ٍيدركون الجمايل
ولنا بالمصطفى عروق وعزوه = والافعال منا ثابته بالدلايل
قصة شايع بن رمال مع ابن عريعر
العرض العادي
