هذه مرثيتي بالمرحوم طلال العبدالعزيز الرشيد عند أغتياله ولم أنشرها في اي منتدى
تبت يدك وشلت يغداريمناك=ماتدري أن اللي غدرته شفيه
والله لوعندك أحاسيس وأدراك=ماكان جيت بدرب راعي الحميه
هذاطلال ياكيف شيطانك أغواك=من خلقته يفدى بروحه خويه
هذا نجم أنور على كل الأفلاك=هذا ذرانا وعزة الشمريه
يارض الجزائر أفخري دمه أرواك=عطر ثراك عطور دمه زكيه
هزيت أجج وسلمى وسنجار ينعاك=من حايل لبغداد لليعربيه
كم من مرض وكم فقير/ن/تعزواك=يبشر بعزه وأخو نوره عنيه
يا سيدي طيبك وفعلك ومبداك= منها تعلمنا القيم والسويه
ياعزنا يافخرنا كيف نرثاك=وننصف مهاجي نفسك الضيغميه
يا بونواف الدار توحش بلياك=عقبك ياشين العرضه السامريه
أغليك من باهي جبينك لماطاك=بعدك ليالن موحشه سرمديه
ياسيدي من يشبهك في مزاياك=علمتنى معنا النفوس الأبيه
لكن عزانا بمن خذى من سجاياك=وناره على مر الزمن دوم حيه
عبدالعزيز الضيغمي تابع خطاك=ما خاب من كان الجنازه سميه
ونواف حرن ليالمحته كما ذاك=ذاك العديم الي فعوله قويه
في وجهه أشراقة وضحكت محياك=ياقرة عيون الطنايا وضيه
يا جعلها الجنه مقامك وسكناك=ياجعلها فرياض وردن نديه
وياجعلها شلت ياغدار يمناك=من قبل ياغدار موت الشفيه