الله يمسيكم بالخير الجميع اقدم لكم هذه الابيات وآمل أن تنال أعجابكم ... ودمتم بكل خير
يالله ياللي فارض الحج للناس= بامره تلافا من جميع الجناسي
جل جلاله قدرته حاص الانفاس= وجاعل جبال الارض فيها رواسي
البارحة قلبي غدى فيه وسواس= والليل ساهر ولاطرالي انعاسي
سر ياقلم واكتب ابيوتن بقرطاس= ابيات مازونه على كيف راسي
من واحدن عنده على البدع مقياس= خوذ الذهب واللماص وكب النحاسي
اللي بناله بيت ماهو على ساس= ينهار دامنه على غير ساسي
صعبن تمييز يابشر بين الاجناس= حيث الشكل من بين خلقه سواسي
الآدمي يخلق على ذوق واحساس= والزول صورة مكتسى باللباسي
ورجلن بليا قلب ماهو من الناس = لو كان ينهونه بكل اللحساسي
وطيب البشر لوهو بكشخات اللباس= ماظل واحد بالردى قيل خاسي
الطيب يبقاله ارجالن لهم باس= اهل المواقف في نهار الحماسي
ماكل من يركب من الخيل فراس= اصابعك بالخمس ماهي مقاسي
والختم صلو عد ماهب نسناس= على النبي اعداد رمل الطعاسي
وسلااااامت الجميع
بطيحان بن سعدون البطيحان