قـصــيــدة بعــتــيــبــه الــهــيـــلا

مناسبة القصيده
قرأت قصيده في قسم منتدى الصناديد وهي للشاعر / مطلق عواض العتيبي
يمدح قبيلة شمر وكاتب الموضوع هو الأخ فهد المويجد وكان عنوان الموضوع هو
(خبر يفيد بتصدي ابناء قبيلة شمر للأنزال المضلي للقوات الأمريكيه (العتيبي ثارت قريحته لها)
وقرأت الردود على هالقصيده ومن ضمن الردود قرأت رد الأخ نجم حائل
وهو يقول وين شعار شمر ليه مايردون على العتيبي
قلت ابشر يوم نخيتنا يانجم حائل والله ماتترب نخوتك
وبه من شعار شمر من هم افضل مني ولكن هذا اجتهاد مني اعذروني ان قصرت
وللمعلوميه نجم حائل لاأعرفه
ولكن نخوته خلتن اكتب هالقصيده
وكتبت هالقصيده بعتيبه اللي لهم معزه خاصه عند شمر
وهم يستاهلون المدح
اليكم القصيده وآسف على الاطاله

بديت باللي في شؤونه توحـَد=الواحد اللي معتلي في حدوده
الأسلمي جته القوافي تهدَد=والفكر شاش وقام ينخى عدوده
ومزون شعري فوق فكري تردَد=تلعج بروقه ثم ترزم رعوده
على الذي بالشعر جانا يمجـَد=في لابتي شمر لفتنا مجوده
مطلق بن عواض رجل ٍ مردَد=ربعه عتيبه والف نعم ٍ وأزوده
من لابة ٍ للعز ترقى تجدَد=من لابة ٍ للحق ماهي جحوده
ذباحة الحايل كلام ٍ موكـَد=ورث العتيبي وارثه من جدوده
لطامة العايل ليامن تحدَد=رجالهم حوض المنايا وروده
عتيبه الهيلا سـَعـَد من تلدَد=ياسـِعد من ينخى عتيبه سعوده
رجـَالهم يفزع ولاهو يتصدَد=يسهل عليه الصعب لا مايكوده
مهما كتبت المدح فيهم تمدَد=مثل البحر يزمي على من يزوده
وصلاة ربي ماتقاس وتعدَد=على رسول الحق حنا حشوده

أخوكم / ممدوح زايد سعد القدهي الغريري الشمري

.

 

 

 

 

 

 

 

 

 

 

بديت باللي في شؤونه توحـَد=الواحد اللي معتلي في حدوده
الأسلمي جته القوافي تهدَد=والفكر شاش وقام ينخى عدوده
ومزون شعري فوق فكري تردَد=تلعج بروقه ثم ترزم رعوده
على الذي بالشعر جانا يمجـَد=في لابتي شمر لفتنا مجوده
مطلق بن عواض رجل ٍ مردَد=ربعه عتيبه والف نعم ٍ وأزوده
من لابة ٍ للعز ترقى تجدَد=من لابة ٍ للحق ماهي جحوده
ذباحة الحايل كلام ٍ موكـَد=ورث العتيبي وارثه من جدوده
لطامة العايل ليامن تحدَد=رجالهم حوض المنايا وروده
عتيبه الهيلا سـَعـَد من تلدَد=ياسـِعد من ينخى عتيبه سعوده
رجـَالهم يفزع ولاهو يتصدَد=يسهل عليه الصعب لا مايكوده
مهما كتبت المدح فيهم تمدَد=مثل البحر يزمي على من يزوده
وصلاة ربي ماتقاس وتعدَد=على رسول الحق حنا حشوده

صح السانك ملايين
عزالله انك تنومس ياالعزوة
واتمنى ان يوضع لها رابط في منتدى عتيبة
بعد ان يكثر الرد عليها من الاعضاء
ورابط لقصيدة العتيبي بشمر .
لاهنت وصح السانك ملايين

 

 

 

 

 

 

 

 

 

 

اخوي اديب
صح بدنك ولاهنت على مرورك
وتعقيبك الرائع
وانا اوافقك الراي على فكرتك الرائعه
تقبل تقديري واحترامي

 

 

 

 

 

 

 

 

 

 

تصدق ياممدوح لي نصف ساعه جالس احاول ان اصف شعوري ولكن لم اجد وصف

يليق بهذا الموقف وكم تمنيت ان التقي بك وبالعتيبي اللي بين هذا الفعل للناس

عندها لاشك ساجد افضل وصف الكلام كثير ولكن الشعر عبر عنه بواسطه

ابداعك ونخوتك المعهوده من كل شمري احس راسي يضرب سابع سماء

عز وفخر،،، من الفعل ومن القائل ومن ردك اللي اكثر من رائع

اخيرا صح لسانك وقصيده تستحق ان ترسل بما تحمل

من مشاعر الى عتيبه الهيلا كفيت ووفيت لاهفيت

وياسعد من انتخا بك كفو كفو وتسد الغيبه

ياممدوح الغريري

 

 

 

 

 

 

 

 

 

 

صح لسانك والعتبان يستاهلون

جزل

 

 

 

 

 

 

 

 

 

 

اعذروني ان لم تجدوني بالفتره القادمه لان هذي اغلب سياسات

المنتديات للاسف

 

 

 

 

 

 

 

 

 

 

يابعد حيي وميتي يابن عمي

ابداع ماله حدود

صح الله لسانك يالغالي ولاهنت على القصيدة الطيبه

ماشاء الله عليك ماشاء الله

والنعم بعتيبه ويستاهلون المدح

تحياتي لك

عمر صلاح الكتفاء الغريري الاسلمي

 

 

 

 

 

 

 

 

 

 

اخوي نجم حائل هذا اقل شي اقدمه لنخوتك
وعتيبه يستاهلون المدح
شكرآ لمرورك واطرائك وتعقيبك الرائع
ولكن وش السالفه ليه يبتي تغيب الفتره القادمه
عسى ماشر اخوي نجم حائل!!؟
حنا اخوانك ولاتهمك الدنيا

 

 

 

 

 

 

 

 

 

 

الاخ / عبدالله التومي
صح بدنك ويعطيك ربي العافيه على مرورك الطيب
تقبل تقديري واحترامي

 

 

 

 

 

 

 

 

 

 

هلا والله بولد العم عمر الكتفاء
مرورك وتعقيبك واطرائك تشريف للقصيده
ولاهنت ولاهان مقدارك
تقبل تقديري واحترامي لك