اغار نواف ابن كعيشيش على الفداغه من شمر في موقع الدحيله ولكن الفداغه كان عندهم نذر وانقلب النصر للفداغه
وقتل نواف ابن كعيشيش وقال غرير الفداغي هذه الابيات هي اطول من ذللك ولكن اللي اعرفه اكتبه
ياراكب من فوق نابي فقاره = حرن يكرب بطلعة الشمس مذعور
تلفي لبيت نايفن باالزباره=ولد المحزم يذبح الحيل والخور
كل له علينا باالدحيله كراره =الجمع جانا بطلعة الشمس مزبور
عقيدهم نواف بعينه نماره =زيزوم قومن ثايرين على شور
رشت علينا خيلهم يوم غاره = كمينهم عساكر كنه السور
مروا بيوتن خليت باالمعاره =يبون جل اذوادنا شمخ الخور
والهوش كمل واوصلونا قراره =قام الطنا يزكح على كل ممرور
بربعي هل البلها للموت شاره = يما نزا بحرابهم كل مسطور
تشالقوا نواف مثل السعاره = بشلف يشلقن الاباهر مع الزور
وقبله صحن راح يمي غياره =من صبحنا ماصبحه الخير والنور
ينهج معيف شاربن من مراره =دوم الشمات بجمعهم مهو منصور
ولد المحزم هو عبد الكريم الجربا يبشره باالنصر وصحن ابن مهيد غزى قبل نواف وكسروه0 وتصل الاخبار لابن رشيد
وقال الامير عبد العزيز الرشيد هذه الابيات لبعد نظره وشيمته
تسرني علوم ناس بزرق = اللي ورى الخابور واللي دونه
اطلب عسى شوفاتهم ماتفرق = بجاه عزال الثمر من غصونه
كم شيخ قومن بالمعاره مشلق =عيال الفديغي بااللقى يذبحونه