في رثاء الشيــــخ \ ميـــزر مدلــول الجربا
للشيخ \ غازي الجربا
الـحـمـدلله مـخـلـف الـجـيـل بالـجـيـل
--- والحـمـدلله نـحـمـده بـكــل الاحـــوال
والـحــمــدلله والـثــنــى والـتـهـالـيـل
--- وسـواه مايحمـد علـى نكـبـة الـحـال
ومــن بـعـد هــذا أبـتـدي بالتفاصـيـل
--- ولا أقولـهـا كـــاذب ولانـــي بـدجــال
بعمي وابوي وعزوتـي والمحاصيـل
--- اللي عدلي الحمل مـن عقـب مامـال
يـاسـيـدي مــنــت بـحـاجــه لتـبـجـيـل
--- لا والــذي خــلاك مـضـرب للامـثـال
وحـتـى بمـمـاتـك زادك الله تفـضـيـل
---عشت بشموخ ومت شامخ كالاجبال
والله اكــبــر يـاعـظـيـم الـرجـاجـيــل
---كـم كنـت بالمـوقـف عظـيـمً ورجــال
والله اكــبــر يـافـتــر مـنـنــا الـحـيــل
--- كــم كـنـت بـالازمــه حـكـيـم وفـتــال
والله اكبـر ياقـصـر مـركـض الخـيـل
---كـم كـنـت بالمـيـدان فــارس وخـيـال
والله اكـبــر يـاهــزع يـمـنـا الـشـيـل
---كــم كـنـت لحـمـول الثقـيـلات شـيـال
والله اكـبــر يـاغـشـى جــونــا لــيــل
--- كــم كــان نــورك بالميـاديـن شـعـال
حلحـيـل يامـيـزر الـمـدلـول حلـحـيـل
---يامرخصـن بالوقـت والجهـد والمـال
ياأيدنـا اليمنـى علـى العـدل والمـيـل
--- يابيتـنـا المـبـنـي لـلأجـنـاب مـدهــال
ياشمـعـة المجـلـس ونــور التعالـيـل
--- يـادامــح الــــزلات يـاطـيــب الــفــال
وكـم عـنـا لــك قـاصـدك بالتساهـيـل
--- الله علـى ايـدك بـدل العسـر باسهـال
وكــم يـتـيـمً جـــاك دمـعــه همـالـيـل
--- اقـفـى سعـيـد راضــي طـيــب الـبــال
وكـــم ارمـلــه وفـيـتـهـا بالتـكـامـيـل
--- عوضتهـا فعـلاً عــن الـعـم والـخـال
وكــم وكـــم وكـــم مـانـوفـي الـقـيـل
--- يـاعــزنــا والله عــقــبــك انــــــا ذال
والله ان مــاصــار بـالـحــال تـبـديــل
--- مايرتـفـع صـرحـن ولا طـايـلً طـــال
ويالابتـي عيشـوا الحقيـقـه بتفصـيـل
--- حـنــا فـقـدنـا هـيـبـه وعـــز وظـــلال
ونطلـب عسـى الله يخلفـه بالمقابيـل
--- ترى السعد عقبـه علـى حفـة الجـال
في رثاء الشيــــخ \ ميـــزر مدلــول الجربا
العرض العادي
