لعل متواضعتي تجد قبولاً لديكم
وهي لاتنافى التمني إلا ان الواقع اقرب لها
ياللي تمنون الفلل والملايين = ماني معارضكم بماتطلبونه
ادعي لكم واقول ياربي آمين = حقق لهم يارب ما يرغيونه
لكن تعالوا يالربع ناقف شوين = بالله عليكم هرجتي تسمعونه
ترو الحظيظ اللي سليمٍ من الدين = وجماعته في مجلسه يدهلونه
ويقدر على وصل الضعوف المساكين = ويقضي لزوم اللي بحاجه يجونه
وان حل ذكره بمجلسٍ قيل نعمين = وليا سعى في مطلبٍ يقدرون
وعنده عيالٍ عن الرذيله بعيدين = راس الابو بأفعالهم يرفعونه
وعنده من الخفرات وحده عن اثنين = تربّي عياله وسر بيته تصونه
ودايم يكون اول صفوف المصلين = وله بيت ملكٍ عيلته يسكنونه
وكافيه ربه شر انس وشياطين = شر المظل. وشر من يلمزونه
هذا قبل يوضع على راسه الطين = وقبل الربوع بحفرةٍ يدفنونه
وإلا بعدْها مابقي من المنى شين = إلا رجا رحمة حكيمٍ بكونه
ارجيه يلطف بي و من النارينجين = انا ومن لطف الولي يرتجونه
واليا حصل صحة وستر وحفظ دين = باقي الامور انماحصل يجاز دونه
ياللي تمنون الفلل والملايين
العرض العادي
