ياناس شوفو حل قضيـَـة فلسطين * القدس ينخانا يريد الجنودي

قلبي يفز لياغدى الليل ليلين=ماني مع الهجـَاج همـَي يزودي
كل ٍ تهنى في منامه وأنا وين=تايه بهالدنيا وهـمـَي يكودي
أدمع قهر ياكثر ماتدمع العين=بأسباب جرح ٍ قبل عصر الجدودي
ماني صويب الحب صابن سكاكين=يالله تهونها قبل ماتزودي
أنا غبـَـني فعلهم بالمساكين=حكي ٍ أكيد وعندنا له شهودي
ياناس شوفو حل قضيـَـة فلسطين=القدس ينخانا يريد الجنودي
حنـَا جنود الدين أول وهاللحين=واللي يشوف أفعالنا مايعودي
دستورنا القرآن وشعارنا الدين=حنـَـا معانا الله رب الوجودي
الفوز للي رافع ٍ راية الدين=بإذن الإله اللي علينا يجودي
وش ننتظر ياناس قولو الى وين=الصبر بأسبابه تعدى الحدودي
نشوف شي ٍ غصب تدمع له العين=واللي خفى أعظم ترانا رقودي
ياكيف يدخل نجس ويهين هالدين=من عقب ماهو عز ماله حدودي
وين التجمع ياعربنا الميامين=وين الأخوَه ياعساها تعودي
ومن قبل لأختم ياعرب قولو آمين=قولو معي آمين قو َه بزودي
يالله عسى دار اليهودي براكين=تغرق بها يارب نجس ٍ جحودي
أنا بدوله نهجها رفعة الدين=واللي سئل عنـَـي تراني سعودي

.
.

أخوكم / ممدوح بن زايد بن سعد القدهي الغريري

.

 

 

 

 

 

 

 

 

 

 

صح لسانك

تقبل مروري

 

 

 

 

 

 

 

 

 

 

صح لسانك ياخوي


لآ حيات لمن تنادي الله يفرجها

 

 

 

 

 

 

 

 

 

 

الله ينصر اخواننا في فلسطين
والله يدمر اليهود الملاعين
صح لسانك اخي الفاضل
وبارك الله فيك

 

 

 

 

 

 

 

 

 

 

الاخ صقر الربع
صح بدنك وشكرآ لك على المرور

 

 

 

 

 

 

 

 

 

 

الاخ مانع الخريصي
صح بدنك وشكرآ لك على المرور
وان شاءالله ياأخوي العرب فيهم خير
عسى يجمع كلمتنا ويوحد صفنا وينصرنا واخواننا في كل مكان
تحياتي لك

 

 

 

 

 

 

 

 

 

 

اخوي الصقلاوي
اللهم امين
وصح بدنك
وشكرآ لك على المرور

 

 

 

 

 

 

 

 

 

 

صح لسانك وبيض الله وجهك وان شاء الله نصر من الله قريب

 

 

 

 

 

 

 

 

 

 

صح الله لسانك يابن عمي ,,

الله يكون بعون اهل فلسطين

تقبل تحياتي

عمر الكتفاء الغريري

 

 

 

 

 

 

 

 

 

 

اخوي ابن سبيه
صح بدنك وسلمت على مرورك الطيب
لاحلا ولاعدم اخوي