جاءت سنة 1999باالمحل وتضررت شمر وحلالهم تضايق وعليهم حصار فوق المحل ولجأوا لشمر في الشمال وللاسف
كانت اكثرها تضمن مكان الزرع وعندهم بساتين على المشروع ولكنهم طردوا اهل الحلال خوفن على بساتينهم
وسمعوا ان برجس دويش الجربا يقول شمر لو تاكل الزروع حياهم الله هو واخوانه وبنيخيه وبدأت البيوت تنزل بعقار صفيه الواسع وفوق
شمر الاجناب ماردوا احد مع ان احوالهم الماديه ماهي زود ولكن معنويتهم عاليه اخوات شاهه
وبدأ الشعراء القصيد على الدوشان واكثر من ستين قصيده قيلت
عليهم من شمر والاجناب وكما قصد عبدالله عنيزان الشمري باذاعة بغداد تشجيع للطيب وتثمين للي يضحي لربعه ولا يكتفي بامجاد الجدود وهذه الشمريه قالت الابياتبهذه المناسبه
شمر نصت ديرة الدوشان =من اقصى الجزيره على صفيه
هدولنا زروع وبستان = كلن يصلح مواشيه
كلن نزل رحل رضيان = اجنابه مع عوانيه
صفيه تشهد لها العربان = ونعمين ياحل طاريه
ليت المرشات للدوشان =وكل المشاريع بصفيه
ذباحة الحيل والخرفان =ترحيب غالي لغاليه
نعمين بشوارب الدوشان = صغارهم والمسنّيه
برجس على سمعته تعبان = يشجع اخوانه وبنيخيه
الهيلعي مطلق الايمان =الناس تشهد بماضيه
ولا ابو نايف مثل برزان =كلن يوصف مبانيه
وليا حضر شمعة الصبيان = اللي جلالن معانيه
ممدوح لياشان وكته زان = شبيه شط الحسينيه
بربعته يفرح الجيعان = وفنجال اشقر وصينيه
وبعض العرب رداهم بان =اللي ضعيفه معانيه
بياعة الفرز والعيدان =لوهو على اقرب عوانيه
لين يعطي يعطي ابن فلان = عشيرته من لعن بيه
يعطي ليا عطى ردي الشان =من شان واحد ترك ميه
الشمري عندهم منهان = وفرزهم لليزيديه
لولا الحيا لاقول فلان = جاه الردى من معانيه
يعلهم ضيعة الدخان = اللي هذولي مساعيه
شمريه تقصد على الشيخ برجس ا لدويش الجربا والدوشان سنة1999
العرض العادي
