قصيدة (رحلة انتقالية)

ما رسب من يدرس ويتعب قبل بدء اختباره=عارفينه من زمانٍ فات حنا عارفينه
النتيجة يطلع أسم الناجح براس الصداره=في عموم المملكة و لا على قوم المدينه
و أحمد الله باختباري صرت مضرب بالشطاره=ما أعرف لكن ووين و كيف وأسباب مهينه
راكب اللي مشيته بالنفد كنه وسط قاره =رنج روفر يغري اللي تاه في حسنه و زينه
و من مصانع دولته ما قيل سجل بأستماره =و من موديل العام هذا بالوكالة عارضينه
ما ركبه الا الذي يا ناس راضين في قراره=في جميع الأصعدة له بصمة و الله يعينه
شدني جذاب شكله و البداية من شعاره =لين ما تاصل على ما قيل لقزوز الماكينه
و غير هذا ما بهرني كود لونه بأعتباره =لون قلبٍ ما خلطه الخبث و احقاد و ضغينه
و الغمارة ؟ وش حكينا ما هيب والله غماره=صممت كن القصور الفاخرة معها قرينه
ما يجيبه غير شخصٍ ماله اعداد الزباره=والبنوك تضك منه و من بعد أشياء ثمينه
من يسوقه عارفن له دوس بنصه مع غياره=واحد و خمسة ثلاثة و أربعة وأردف ثنينه
سايقه يا سايقه يا سايقه من خلف طاره=طالبك تكفى ترد الصوت و فوادي تعينه
كان وجهك للديار اللي لها أرث و حضاره=بين حايل بين "تابو" بين بدنه خابرينه
به رسالة وسط قلبي يمكن تكسر جداره =من حروف الشعر صغته حافظه وسط الخزينه
وصله ربي يعزك شبت بصدري شراره= كان في راسك حميا من يمنيني في يمينه
وصله من باب داري لين تاصل باب داره=ما بغيت الا هذاتي و انت فعلك حافظينه
قله أني بي كسورٍ ما لقت طب و جباره=بارت الخلان غيره و أحسب عظامي متينه
و ماهو قصورٍ على ماقيل تكرم عن قصاره=و انت شخص للصعايب غير هذي ذاخرينه
في أول المشوار كانت تجربة تحمل مراره=و لكن الله نحمده حنا لنا ألباب ذهينه
من ظروف الوقت صرنا نحمل النزف بجساره=في دروبٍ موحشة ننقل مع الجرح الغبينه
والسبب ناس و كاره يشبه الأفعى و كاره =بين لدغ و بين لدغ تبدل الجلد اللعينه
ما أكثره صبري عليهم والسبب طيب ونعاره=لين من الله علينا مفارق الحرباء و شينه
أدع لي في رحلة خضته بعد نجهل قراره=خاب من هو خاض فيها دون وعي ودون بينه
و الرجال أن كان ما يلمس شواربها غباره=تحرم العليا عليها ما تجي صوب السمينه
و ما عشقنا في التحدي غير زهوه و انتصاره =و الرحايل جل شانه لأجل ذلك مفحمينه
ناويٍ بعد القرايب لو بها بعض الحراره=أفهمي يا نفس من يفجعك ولي لا تجينه
و الصلاة أزكى صلاةٍ نصرفه بأطهر عباره=للرسول اللي من الله مرسله يخبر بدينه

 

 

 

 

 

 

 

 

 

 

الشاعر / عبدالله الشلاقي

يعطيك الف الف عاافية على القصيده

لكـ / الـشـكـر

 

 

 

 

 

 

 

 

 

 

صح لسانك ملايين

ابيات جزله من رجال جزل

لأهنت

 

 

 

 

 

 

 

 

 

 

صح لسانك وابيات جزله ياعبدالله وقمه في الروعه

تحياتي لك

 

 

 

 

 

 

 

 

 

 

ابو عزوز ,, فيصل الويبري , البهبهاني


صحت ابدانكم الله يعافيكم لا هنتوا

 

 

 

 

 

 

 

 

 

 

اخي الفاضل وشاعرنا المبدع عبدالله الشلاقي
مبدع كما عهدناك
صح لسانكـ طال عمرك
عافاك الله

 

 

 

 

 

 

 

 

 

 

لا أقول مبدع
بل تعديت مراسم الابداع
بالتوفيق
وإن شاء الله للنجومية يارب
وكم ادعوا لك أخي

 

 

 

 

 

 

 

 

 

 

قهوة ساخنة ,, محمد المزعل

لا هنتوا على المرور صحت ابدانكم