الآن
أقــدم لكـم
أضخــم ديــوان شـعـري
للشاعـر/ الأمير طـلال العبـدالله الرشيـد
(العطيــب)
1
يـا مــاجــد
لو اعتـزلـت وغبـت ما غاب ذكـرك .. .. لأنك حفـرت بـلوحـة المـجـد ماجـــد
حـتـى رقـم تـسـعـة يـقـدر لـقــــدرك .. .. نـبـدأ بـتـسـعـة قـبـل لا نـقـول واحـد
يـا راقـي بـفـنـك ولـعـبـك وفـكــرك .. .. يا مـتـعـب اللي يـلحـقك وأنت راكـد
يا الـساحر اللي ما تـعاقـب بسحـرك .. .. أهـداف غـيـرك جـبتها وأنت قـاعـد
يا كـثر حـسـادك ويا كـبـر صـبـرك .. .. أخـذتـهـا غـصـبـا عـلـى كـل حــاقـد
خـذيـتـها بالـحـلـم وبـوسـع صــدرك .. .. وبـالنـوم ملأ عـيـونك في الشـــوارد
لله درك جــــــــــــــــــــــد لله درك .. .. ما يـنكر أفعالك سوا إنسـان جاحــظ
ومهما وصل غيرك من المجد حدرك .. .. في صـفحة التــاريـخ لك مـجـد خـالد
استمع للقصيدة بصوت الفنان راشد الماجد
أضغط هنا لـ تحميل القصيدة
**************
*****************
********************
*****************
**************
2
الهمــة
الهمــه الهمــه الهمــه
يانصر والموعـد القمـه
ذي عادتـك لا تخليـهـا
يهمــك الفــوز و تهمــه
يا نصـراوي ,, يا نصـراوي
الفـن لونـه تـرى لونــك
و اللعب ماله طعم دونك
نطرب بلعبك و بفنونـك
الفــن تنثــره و تلـمـه
أصفـر و أزرق يا حبـي لـه
خصمه عجـز ما لقـى حيـله
يقـول أنـا أتـوب ما أجي له
معـاه أنـا الفـوز ما أشمــه
ينـور الملعـب حضـورك
ما فيـه نـوراً مثـل نــورك
و أوفى جماهير جمهورك
النـصر في كـل شئ قـمـه
استمع للقصيدة بصوت الفنان راشد الماجد
أضغط هنا لـ تحميل القصيدة
**************
*****************
********************
*****************
**************
3
غيبـت شمـسكـم
إسهروا لين نامت وإرقدوا لاصحت .. .. إن مشيتوا معاها ضاعت علومكم
وأوقفوا يوم تمشي وإسكتوا لاحكت .. .. يمكن الله يوفقكم ونعجب بكم
ماخذت زين كل الخلق هي مابغت .. .. هي ثلاث ارباع وانتم بس ربعه لكم
يوم طلت علينا شمسها وأشرقت .. .. شمسها وإن زعلتم غيبت شمسكم
لاتلفت عنها كن عيني إنعمت .. .. عقبها غصب عني صرت ما اشوفكم
من خجلها الى شافت ظلال إستحت .. .. هي صراحة شكل ثاني ماهي مثلكم
لو على الزين حاكم كان هي حكمت .. .. تاخذه غصب عنكم ماخذت شوركم
يوووه طار عقلي يوم قفت ومشت .. .. كنت بحلف عليها بس مالي حكم
استمع للقصيدة
أضغط هنا لـ تحميل القصيدة
**************
*****************
********************
*****************
**************
4
فـرصــة سـعيــدة
فـرصـة سـعيدة بالـعيـون الفـريـدة .. .. أهلا هلا يا مرحـبـا بأجـمل عيـون
من يـمـلكك يبشـر غدا الـكــون بـيـده .. .. خـلاص وش يبـغي ملك أجـمل الكون
ما فـيـه مـثـلك في جـمـالك وحـيـده .. .. طـول الرمـوش الموت والوسع واللون
صـحـيـح كنتي يـوم أشوفـك بعيــده .. .. بس الجـمـال يبـان للي يشـوفــون
ياحــظ من نـفــسك تـبـيه وتـريـده .. .. وان قـال أفكر صـدق بيكون مجنون
تـستـاهلين الشـعـر يا أجـمـل قصيـده .. .. ياللي بك قلب الخـلي صــار مـفـتون
وفـرصـة سـعـيـده جـد فرصه سعيـده .. .. لكن عســاها تـعـود يا أجـمـل عيون
استمع للقصيدة
أضغط هنا لـ تحميل القصيدة
**************
*****************
********************
*****************
**************
5
فلسطيـــن
مهما يطول الوقـت ترجع فلسطيـن .. .. أما أرجعت بالطيب ترجـع بالقــوة
الوقــت قـرب يا اليهـود الملاعيـن .. .. يا شعـب ما تنفـع مـعه المـــروة
اشــوف يا اسرائيـل قمتي تزوديـن .. .. واللي طـغى قبـلك مـــات ضـوه
قــلنـا سـلام وتحسبينا مساكيـن .. .. مابـه سـلام أنتــي عــدوه عــدوه
مــدام حاولنا معـك ما نفـع ليــن .. .. بنـرد خيبـر يـوم عصــر النبــوه
نضربك ضربه عقبها ما تقومين .. .. ونسقطك يا اسرائيل في وسط هـوه
شعـره برأس اصغـر طفـل ما تهزين .. .. وانتـي يهـزك طفـل بالعمـر تــوه
ماراح ننسى اللي حصل وسط جنين .. .. طفلن شهيـد وطفـل صار أمتشوه
يــا أم الشهيــد الي على أبنـك تصيحيــن .. .. حنــا عيــال ثــارنأأا ثــار أخـــوه
روح صــلاح الديـن لكن بقــاء الديـن .. .. ورجــالها بتثبت قــريب علــوه
مأذكــور بالقـرآن بأنــك تزوليــن .. .. الكــل يـدري بس حبيــت انــــوه
وبالطيـب والقــوة بترجــع فلسطيـن .. .. اللي وخــذ قــوة يرجـع بقــوة
استمع للقصيدة
أضغط هنا لـ تحميل القصيدة
**************
*****************
********************
*****************
**************
6
فـيـة انـه
أبتعـد عن حياتــه وانسحب عنـه .. .. وما همني دام ما يهتـم من همـي
أحسـها أهـون تجـى منى ولامنـه .. .. لو جا الجفـا منه يالله ما ثقـل دمي
من زينه الناس لو تهذى ومنجنه .. .. ما اضرب حسابه ولانى فيه مهتمي
مـدام ما حنني ما راح انـا احنـه .. .. وشملي وشمله عسى ما عمرة التمي
عـرق الكرامه على يا ما كثـر زنه .. .. من يـوم قلبه تغيـر صار مـو يمي
أصلا ترى من عرفته قلت فيه إنه .. .. وعرفت بأني بحبه صرت منخمي
وبعدين أنا لخسرته ما اخسر الجنة .. .. واحـد بداله يجـي عشريـن يا عمي
استمع للقصيدة
أضغط هنا لـ تحميل القصيدة
**************
*****************
********************
*****************
**************
7
لا يهـمونـك
حتى ولو حاولوا لالا لايهمونك .. .. ما فيه عين تعلت فوق حاجبها
يكفي حبيبي إلى سلهمت بعيونك .. .. أحلى المشاعر برمش العين تكتبها
احلى المزايين زينه قاصر(ن) دونك .. .. يا نسمة الورد لا هبت هبايبها
آمر تأمر وكل قال يا عونك .. .. ممنونه الناس حتى ولو تتعبها
وان شفت حالك تأكد ما يلومونك .. .. وشلون ناس تلومك وأنت عاجبها
يا فاتن الناس قلبي صار مفتونك .. .. قلبي نهبته ومعه قلوب ناهبها
مالي بها العمر كله كانه بدونك .. .. حبي لدنياي حبك هو سبايبها
ماحب مجنون ليلى كثر مجنونك .. .. نفسي بيدك بكيفك ودها جبها
استمع للقصيدة
أضغط هنا لـ تحميل القصيدة
استمع للقصيدة مغناه بصوت عبدالهادي حسين
أضغط هنا لـ تحميل القصيدة مغناه بصوت عبدالهادي حسين
**************
*****************
********************
*****************
**************
8
منتـي الوحيـدة
يعني أنا ما أحس وأنتي تحسين؟ .. .. وإلا تحسبين العتب لك لحالك؟
لاتطلبين الوصل وأنتي تصدين؟ .. .. ماراح يشفع لك غلاك وجمالك؟
يوم تجين ويوم عني تروحين! .. .. كانه دلع ماني ضحية دلالك؟
منتي الوحيده؟ فيه غيرك مزايين .. .. منتي لحالك؟ لاتشوفين حالك
عجزت أنا اعرف وش تبغين؟ .. .. ياليتني أدري وش يدور بخيالك؟
استمع للقصيدة
أضغط هنا لـ تحميل القصيدة
**************
*****************
********************
*****************
**************
9
موتــي قـهـــر
موتـي قهـر موتـي بغيضـك وطقـي .. .. خـلاص عـن حبـك وعنـك تخـليـت
يـامـا قهـرتينـي أبـاخـذ بحقــي .. .. صبـرت لكـن مـل صبـري ومليــت
جـاك الجـفـا والصـد منـي تـلقـي .. .. ردة فـعــل لقيــت ممـا تـلقيــت
يـامـا طلبتـك قلـت روقـي ورقــي .. .. ويامـا معـك بالصبـر يـامـا تحليـت
ويـامـا نصحتـك قـلـت للـود بقـي .. .. خلـي التغـلـي عنـك ولا تغـليــت
مـا ينفـعـك الحيـن كثـر التـوقـي .. .. وما تنفعـك قولـة حسـافـة ويا ليـت
ما فيـه أمـل روحـي بـدالـي تنقـي .. .. أمـا أنـا مليـت مليــت مليـــت
استمع للقصيدة
أضغط هنا لـ تحميل القصيدة
**************
*****************
********************
*****************
**************
10
ميــن يشبــهك؟
صدق أربيعين من الشبه يخلق الله .. .. الا أنت واحد دون تسع وثلاثين
من يشبهك يا مال الحسن كله .. .. من يشبهك يا سيد كل المزايين
يا أبو رموش فوق خدك مظلة .. .. عقبك غدو كل المزين مساكين
دقه في غيرك وأنت مأخذه جله .. .. عليك ماشالله لا تصيبك العين
قلبي حلالك املكه واستحله .. .. حلالك لحالك ولا فيه ثانين
أقسى القلوب الين شافك تتله .. .. ينسى القساوة يا هوا القلب ويلين
الهرج أن طال عنك والله ما أمله .. .. ما أمل لو سولفت انا عنك سنين
واحد وطير خافقي من محله .. .. اشلون اجل لو فيه تسع وثلاثين
استمع للقصيدة
أضغط هنا لـ تحميل القصيدة
**************
*****************
********************
*****************
**************
11
اتـرك جـمالك
إترك جمالك يا حبيبي على جنب! .. .. غيـر الحـلا تعجبني بـزود طيبـك
كلـك علـى بعضـك تجنـن وتنحـب .. .. حظـي كبير الي جعلنـي نصيبــك
إن كان حبي في نظر بعضهم ذنب! .. .. يـا مـرحبــا والله بذنـب يجيبــك
مـا أقـــول إلا الله يخليـك يا رب .. .. ويعمي عيون من حسدها تصيبك!
استمع للقصيدة
أضغط هنا لـ تحميل القصيدة
**************
*****************
********************
*****************
**************
12
مويـــة النيــل
تروح كيفك روح أنا موية النيل .. .. مهما تغيب سنين ترجع تجيني
ولا عندي لهذا سبايب وتعليل .. .. بس الله اللي حط هالشي فيني
حلو القمر لكن ترى الفضل لليل .. .. وعشان تظهر واجبك تحتريني
لو كنت في زينك تماري على الجيل .. .. مابيك كانك مانت ميت تبيـنـــي
دربي كذا لا أحيد عنه ولا أميل .. .. ألفين شكرا درستني سنـيـنــــي
كنت انبهر واضيع واحط واشيل .. .. لا شفت شي تنبهر منه عـيـني
واليوم عندي صار حاصل وتحصيل .. .. مدام ماحصلت من يـحـتـويـنــي
بقولها لو يكثر القال والقيل .. .. أنا كذا والــلي يبـيـنـي يجينـــي
استمع للقصيدة
أضغط هنا لـ تحميل القصيدة
**************
*****************
********************
*****************
**************
13
الأرض وأنـا
الأرض أنا وأنتي غديتي لي الشمس .. .. ما أطيق بعدك واحترق لا قربتي
كتب عليك اليوم ممنوعة اللمس .. .. ومتخالف بالحيل وقتك ووقتي
الى متى خطواتنا همس في همس .. .. وضح النقا ما طاله اليوم بختي
ودي يجي باكر وهو ناقم من أمس .. .. ونصير واحد مابها انت وانتي
ويروق بالٍ اشتكى من عنى العمس .. .. وقلبٍ عشقه الهم من يوم رحتي
ابقترب منك ولو انحمس حمس .. .. ودي برايك بسمعه لو سمحتي
استمع للقصيدة
أضغط هنا لـ تحميل القصيدة
**************
*****************
********************
*****************
**************
14
أمـوت في حبـه
أكيد احبه .. أكيد اموت في حبه .. .. أكيد انا بفقده لاغاب عن عيني
غلاه مدري كذا يجيك من ربه .. .. من يوم شفته وحبه ساكن فيني
موج الغلا صار يلعب بي ويلعب به .. .. أغليه أنا وزاد قدره يوم يغليني
الشوق لاغاب كنه نار مشتبه .. .. ولافيه شي سوى شوفته يرضيني
هذا لحاله ولا احد فيه يتشبه .. .. لافي غيره يحركني ويغريني
الزين يذبح وحتى الخال له حبه .. .. لا شفتها فيه ضعت اقول انا ويني؟
غصب علي امدح فيه واكتب به .. .. ان ماخذاني لشعري من يوديني؟
والله احبه .. وأموت أموت في حبه!! .. .. ومن يوم شفته وغيره طاح من عيني
استمع للقصيدة
أضغط هنا لـ تحميل القصيدة
**************
*****************
********************
*****************
**************
15
نعيـد الحكايـة
عرش الحلا والزين مهو لهذيك .. .. القصــد من ترشيحــها للدعايـة
ولا الحــلا كأنـك تبينـي اوريـك .. .. قـومي شوفـي كان عنـدك مرايــه
مهو كــلامي زيـن كلي مبديك .. .. خــلاك من بين المزاييــن آيــه
ياللـي يفـز القلـب لا مـر طاريـك .. .. الله يعيــن إذا هـذي البـدايـــة
ما أقـول غيـر الله لقلبـي يخليــك .. .. معـاك صـار الهم قلبـي نهايــة
ما تسمعين بقيس والبنت هذيـك .. .. يالله أنـا وأنت نعيـد الحكايــة
استمع للقصيدة
أضغط هنا لـ تحميل القصيدة
**************
*****************
********************
*****************
**************
16
اكتشفتــك
اكتشفتك بس تـوي اكتشفـتك .. .. وليت وقتي كاشفـك لي من زمـان
ليتني وســط قلبــي ما كتبتـك .. .. ليتنــي مـا جيــت ذاك المكــان
وليتنـي ياليتنـي ما قـد تبعتــك .. .. ولارجيـت الوصــل منـك ولا الحنـان
وليتنـي شفتك مثل ما الحين شفتك .. .. قبــل لعطيــك المحبــة والأمـــان
كنت أقـول انك حبيبـي لوصفتك .. .. قبــل نفسـك خوافيــها تبــان
لكن أني كثر ما حبيت عفـت قـدرك .. .. الغــالي عقــب ما شفــت هــان
وبصراحـة اعترف تـوي عرفتــك .. .. وخاب ضني فيك وخسرت الرهان
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
17
تكبـر وتنـسى
الله خـذا من كل زين وعطاهــا .. .. لا شفتـها مايمكـن تقـول بـس لـو
النـاس تكبـر ويتغيـر حـلاهـا .. .. بس هـي غير الناس تكبـر وتحلـو
تـدري بكل النـاس ذابت معاهـا .. .. وهـي كنـها تقـول عـادي تسلـو
من حولـها يمشـون ولا وراهـا .. .. لاكنـهم راحـو ولاكنـهم جــو
من شافـها لو تطلبـه شيء جاهـا .. .. كلـن يبيـها تأمـره تقـوله ســـو
تحبـها تهين غصب بهـواهـا .. .. لوغيرهـا موجود هي تأكل الجـو
يكسف سنا نور القمر من سناها .. .. وتضيع ما تدري القمر هي أو هـو
وأنا اشهـد أن اللي عطاها عطاهـا .. .. من صغرهـا زينها وتكبـر وتحلـو
استـمع للقصيـدة
أضغط هنا لـ تحميـل القصيـدة
18
تلفـت النــاس
تلفت الـنـاس لا مريـت .. .. تكســر رقــاب خلــق الله
الزيــن خذتـه ولا خليـت .. .. حــرام لا تأخـــذه كلـــه
لباقـي النـاس وش بقيـت .. .. يا اللّي لك أوصـاف مكتمـلة
وتمـر عـادي ولا حسيـت .. .. حسنـك به النـاس منذهـلة
طلتـك حـلوة الى طليـت .. .. يا حلـوها جــد من طلــه
الكـل يصرخ الى من جيـت .. .. هــذا القمــر وانقلــب ظلـه
استـمع للقصيـدة
أضغط هنا لـ تحميـل القصيـدة
استـمع للقصيـدة مغناه بصوت عبدالمجيد عبدالله
أضغط هنا لـ تحميـل القصيـدة مغناه بصوت عبدالمجيد عبدالله
**************
*****************
********************
*****************
**************
19
حـب كـوعـك
تبيني ارجع لك واحبك وأراضيـك .. .. طيــب موافـق بس قم حـب كوعــك
وينك منول يوم قلبي يناديــك .. .. الحين ماينفعك تظهر خضوعك
ماتنفعك سامحني الله يخليــك .. .. قلبن جرحته وش تفيده دموعك
أول صحيح ارجي غرامك وأنا ارجيك .. .. واليـــوم لا والله مانـي بطوعــك
هقيت بك هقوه وخاب الرجا فيك .. .. وصارت ضلوعي مثل قوة ضلوعك
عــود مكانــك مايفيــدك ترجيــك .. .. ولا فيــه حتـى ما يبــرر رجوعــك
ولا فيـه أهـلا ولا الله يحيــك .. .. ولا فيــه لاروق ولا هـد روعــك
وكأنك تبيني صدق احبك وأراضيك .. .. وافق على شرطـي وقم حب كوعـك
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
20
خجــول
خجـول حتى يستحي من ظلالـه .. .. ومن الخجل كنه من الناس خايـف
ورده ومن قد شاف بالورد خاله .. .. مكانـها بالضبــط جنــب الشفايـف
يا ناس والله ما يـوصّف جمالـه .. .. حاولـت لكـن ما لحسنـه وصايــف
ما يشبـه لمخلـوق يشبـه لحالـه .. .. حاولـت ألاقي بس مانـي بشايــف
يظهـر مـع زينـه غنجّـه ودلالـه .. .. فيـه الدلـع أصلي ولاهـو بـزايـف
ماحـدٍ كمـل بس هو وافي كمالـه .. .. كنــه معـا كل المحاسـن ولايــف
ان التفـت للنــاس يكسـب جمالـه .. .. وان مالتفت يمكن على الناس رايـف
ماحسد أحد بس صرت أنااحسد ظلالـه .. .. اللــي معـه يمشـي ولا هــو بخايـف
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
21
خيــوط العنكبــوت
انسجت حولي خيوط العنكبـوت .. .. مثـلت ليـن اقنعتـنــي بحبـها
حسستنـي بأنــها فينـي تمــوت .. .. وما تريد إنسـان غيري جمبها
وصورت لي نفسها بنت البنوت .. .. وما تعـرف الا السجـود لربـها
وانها اعقل من سكن وسط البيوت .. .. وانـه أطيـب قلـب ينبـض قلبـها
وأوهمتنـي بأنهـا يمكـن تفــوت .. .. وان غيــري كل حلـمه قربــها
ويـش ذنبي يـوم صدقت البهـوت .. .. القلـوب الطيبـة وش ذنبــها
كـن عشرتـها سـراب في خبـوت .. .. الله اللـي زاحنـي عن دربـها
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
22
ردتـك الأيــام
ردتك الأيام يا مغرور يا مدلع .. .. ياللي علينـا مـن أول شايـف حالـك
توك تجي تشتكي حبي وتتولع .. .. خلاص قلبـي نسـاك ومالـي ومالـك
اليوم حبك ترا من خافقي شلع .. .. ياللي عذابـي وهمـي كـان يحلالـك
غـلاك الاول بقلبـي راح وتقلـع .. .. كثرت صدودك من أقصى خافقي شالـك
مغرور تحسب زمانك منك ماطلـع .. .. وكـان صدقـة نفسـك فايتهيالـك
منتـه الحالـك ظريـف الطـول ومتلـع .. .. غيرك ترا في واجد وش على بالـك
مـو دايـم النـور لامنه طفـا ولـع .. .. ولا فاتـك الفـوت ماينفعــك موالـك
ماعــاد لي فيـك يا معــرور يامدلـع .. .. في حالي ابقى وروح ارجوك في حالك
استـمع للقصيـدة
أضغط هنا لـ تحميـل القصيـدة
استـمع للقصيـدة مغناه بصوت راشد الماجد
أضغط هنا لـ تحميـل القصيـدة مغناه بصوت راشد الماجد
**************
*****************
********************
*****************
**************
23
سنـدريـلا
سندريلا مين؟ ما راحت عليها .. .. جئت بدال السندريلا سندريلا
شافها قلبي وفز وقال أبيها .. .. مـا تــردد بيــن لا أو ألا
الحلا والملح ابد منها وفيها .. .. أبدع الخالق وفي خلقه تجلا
هي بس اللي لومت لي بجيها .. .. وما أفكر مااقول أروح ولا
اشتكيها كيف ولمين اشتكيها .. .. ليه تبطي لين ما رحت اتسلا
لكن اشوا صار قلبي في يديها .. .. النصيب اللي مقصر ما تخلا
هي شرت قلبي وقلبي مشتريها .. .. قلبها رحب وقلبي فيه هلا
وسندريلا ذيك لا راحت عليها .. .. جاء بدال السندريلا سندريلا
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
24
شـاعــرها
تحط يــدها تخاف الشمس تجهرها .. .. من فيهم اللي بنــــوره يجهر الثاني
ما هـمها الشمس بس تاخذ بخاطرها .. .. تخـــاف لا تقول ذي جتني تحداني
مزيونــةٍ من حــــلاها لـو تناظرها .. .. مهما تحــاول تكابـر غصب بتعاني
لو توصف الزين فيها لو تصورها .. .. على الذي كنت توصف له ترى جاني
يا ليــت ربـي علي يأمــر ويأمــرها .. .. وأصيــر في حبــها هــاوي وتهواني
من قبــل لا أشوفها ما كنت أدوّرها .. .. الله يسامــح زماني يــــــوم يبلاني
مشاعري واضحة .. هي وش مشاعرها؟ .. .. كل البــلا كانه أخطاها ولا أخطاني
من قبل شاعر بس اليوم شــاعرها .. .. بكتب بهــــــــا لين أروح لداري الثاني
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
25
شـتــان
شتان ما بين البشر كلهم وأنت .. .. دام الجمال اللي بهم زايد(ن) منك
حتى القمر يسري لامن تبينت .. .. ولا صرت غايب(ن) عن مكانك سهر عنك
قبلك ترى مالي وجود(ن) ولا كنت .. .. ياللي بوسط القلب محد(ن) يوازنك
أغليك لو بالمواصل تمننت .. .. أغليك لو يخلف زمانك توازنك
وباقي على عهد الهواء معك ما خنت .. .. وصاين غرامك ياحبيبي وصاينك
ولو ينشدوني عن حبيبي بقول أنت .. .. يا قطعت(ن) مني وأنا قطعت(ن) منك
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
26
صــورة
أنا شفتك ترى صوره وهمت في عالم الأحلام .. .. وحسيتك حقيقه منتي برسمه على صوره
وحاكيتك ورديتي وقلبي في غرامك هـام .. .. وملكتيني ونفسي في هواكي اليوم مسحوره
جمـال البيـض عندك ياحياتـي ينقلب لأوهـام .. .. حتـى البـدر لاشافـك تنـحى وانطفى نـوره
ظلام الليل في شعرك غفت عينه تغطى ونام .. .. ولـولا الورد بخـدك تبـاها واظهـر أغـروره
عيـونــك سـود جذابـه يقديـها الهـدب قـدام .. .. عيونـه مين يقـرب لك من الطعنـات مخطـوره
أنا قلبـي تـرى عن كل بيـضاء عـف عنها شـام .. .. رفض من جاه مايبغى حبيبه غيرك تـزوره
ولكن لاكتـب ربي وخلاهـا نعيـش أحـلام .. .. يكفينـي أشـوفـك يـا حيـاتي بـس بـالصـورة
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
27
طحـتي بشـرقـي
ياللي تبين سبـور؟ أنا إنسان شرقي .. .. هــذي ربايتنــا وكيــف نتحــول
طـرقـي وابـد لايمكـن انســاه طرقي .. .. وماهـو ترى من اليـوم هـذا من أول
أنــا كـذا كأنـك تبيني لـي ارقـي .. .. امـا انــا لايمكــن انــي احــول
ذا عرق ابوي وعرق جدي وعرقي .. .. ذا طبعنــا فعـلاً تــرى مااتقــول
هذا ترى عن باقي الناس فرقي .. .. يجــوز لك ولا بـلاشي نطــول
وياللي تبين سبور طحتي بشرقي .. .. عن طبع جدانه انه حلف مايتحول
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
28
على حطـت يـدك
أنا على حطت يديك ماتغيرت .. .. بس أنت قلي وش سبايب غيابـك
نسيتنـي والحيـن يعني تذكــرت .. .. والإالهوى من دون ما تدري مشابـك
والإ على خــل يحبــك تكبرت .. .. والأ زمـــان كان ضـــدي غـــدابك
الله لو تدري بعدك كم تحسرت .. .. بأسباب أنـا ماعانيـت من عذابــك
ليتك علي في غيبتك يوم سيـرت .. .. وتشـوف شـوقي كيـف كان لجنابـك
أعاتبك من كثر ما أغليك فكـرت .. .. وعقب العتـب من كـل قلبـي هلابــك
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
29
والله هنيـاله
والله وهنيالــه واهنيــه مــن قلــب .. .. اللي خذا قلبك وصرتـي حلالـه
مجنون كانه فيـك مايمــوت ويحــب .. .. مجنون كانه عنك سالي وداله
شفتك بعيد شلون من شاف عن قرب .. .. ماظن يبعد عنك صعب استحاله
زينه اذا اقبلتـي وزينـه علـى جنـب .. .. يعني حلاك يبان في كل حاله
بس عاد حنـا ياحلــو مالنـــا ذنـــب .. .. عنا تغطي وافتشي لـه لحالـه
محنا من الشيشان وانتي من الصرب .. .. يصير فينا شي صعـب احتماله
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
30
وحشتـني
وحشتني قالت ورديت أنا أكثر .. .. قالت أنا أكثر وان بغيت أتحداك
قلت انسحب على تحديك مااقدر .. .. معقول أنا أتحداك وشفيك وش جاك
أنا ألى غبت مع همي اسهر .. .. ما أطيق هالدنيا وحياتي بلاياك
حتى اذا ضقتي معاك اتكدر .. .. ما افكر الا فيك وأدور رضاك
وألى غلطتي يوم عنك اتعذر .. .. غلاك عندي دوم يدمح خطاياك
حتى اذا نمتي تراما أقدر اصبر .. .. لولا غلاك بخافقي كان صحاك
في كل لحظه حبك يزيد يكبر .. .. حبيبته قرر خفوقي وسماك
قالت رغم هذا حبيبي أنا أكثر .. .. قلت اقفلي الموضوع ولا أتحداك
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
31
وشــوله ازعــل
حتـى أنا كـذاب ماهـو بس إنتـي .. .. وشــوله أزعل لاكذبتي عليــه !
خنتك كثيـر أشفيـه لو يـوم خنتـي؟ .. .. لانـي وفيـاً لك ولا أنتي وفيــه
لا اليوم لي صرتي ولا أمس كنتـي .. .. إنتي خطيـه مثـل أيه خطيــه !!
مانتي حبيبـه في خفوقي سكنـتي .. .. مثلك تـرى يابنت مثـل البقيــه
بينـت لك نفسـي تـرى يـوم بنتـي .. .. ويمكنـها خيـره لنفسـك وليــه
إنتـي طعنتيني ومثـلي إنطعنتـي .. .. عـلى الذكـي لا لاتسـوي ذكيــه
هــذا زمـن ماينضمـن لـو ضمنتـي .. .. هـذا زمـن مافيـه أبـد حسـن نيــه
آسف لتفسي منك وآسـف لك إنـــتـي .. .. وأدري إعترافـاتي شويـه
قويـه !!
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
32
ولا سـأل عني
ولا سأل عني ولا قال وينك .. .. كني معه ماغبت حتى ولا يوم
توي بقول الله ياقوي عينك .. .. لاكن رجعت وقلت ما ينفع اللوم
دامه نسى يا قلبي عشرة سنينك .. .. منت على فرقى المقفين ملزوم
دامه نسى عطفك ولطفك ولينك .. .. دور على اللي حبه يعيش ويدوم
انساه يا قلبي وربي يعينك .. .. ما يروح حقك كل ظالم وله يوم
بعدين تبغى الجد بيني وبينك .. .. تبات ظالم أحسن من تبات مظلوم
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
33
ياهـوه وقـف
ياهوه وقف وين عقلك موديك؟ .. .. مهوب انا ألي اقبل اكون عادي؟
لاتحسبني يوم تقفي بناديك؟ .. .. انا الذي لاقفيت تموت تناديني
إلى متى قلي بااسكت واداريك .. .. وانت عديم أحساس تايه وغـادي
لاصرت عايف ليه اهدي وأهديك .. .. مهـوب حبيبي من يـدور عنـادي
ماني بكيفك يوم تطفش اسليك .. .. أنا تراي احساس ماني جمادي
زودت في كبر الخطايا تماديك .. .. ماعادني صابر على هالتمادي
وحده بوحده مثل ما آخذ اعطيك .. .. وأنت ترى المخطي ومن كان بادي
يـوم يجيبـك يـوم عقلك يوديــك .. .. لاابيض ولااسود لون طبعك رمادي
استـمع للقصيـدة
أضغط هنا لـ تحميـل القصيـدة
**************
*****************
********************
*****************
**************
34
محتـاج لك
أنتي بكف وباقي الخلق في كف .. .. متعلية في وسط قلبي ولك شأن
في غير وصلك ما لقلبي ترى شف .. .. محتاج لك يا نور عيني وشفقان
لاجابو اسمك صرت وأنا تقل مختف .. .. مالي على نفسي إلى اطروك سلطان
من غير حبك غضت عيوني الطرف .. .. ياللي جمالك صار للزين عنوان
أريد أنا قربك ترى يا إذا الحروف .. .. وان ما حصل موتي ودنياي سيان
للأمانه....... م . ن
أضخم ديوان شعري للأمير طلال العبدالله الرشيد(كتابي‘مسموع)
العرض العادي
