السلام عليكم ورحمة الله وبركاته
نسجت هذه القصيدة وهي افتخارا بنفسي رغم كل الظروف
وهي بعد ان قراءة بيت شعر للاخ فارس الحربي بأحد متصفحاتي
وهو صراحه الله يجزاه خير اغدق علي المدح ..و منه قمت ازود:4w:
جاني من الحربي ولا لي عنه صد =شطرين تكفيني لشعل الفتيله
مدحك صدق يا فارس اليوم من جد =ندي على رجم الجزالة جزيله
شاعر على الصوبين بالبدع والرد=من وين ما جيتن سيوفي سليله
و أفخر بعد لا قلت أنا معمي الضد =بالحق لا قلته و صدقه دليله
فعلي على المخطي مثل عالي المد =يا أنه رمى السابح أو أنه قتيله
و يروى من فعولي ليا وصلوا العد =ناس تخذله محتمين الفشيله
أقضي على القاله بسرعه لمحتد =لا صار انا غيري نجازه يطيله
لا صار انا غيري عن العرف منلد =أفخر ولا أنقص حقوقٍ جليله
طيري كفخ بأشقر جناحين والهد =تقييمه المجزي بجزل الحصيله
و عاشق ولاني عاشقٍ مايس القد =اللي على كتفه تناثر جديله
ما أقاوم نجومٍ علت والنظر شد =و لملامسه عزمي حباله طويله
و أنا من رجالٍ ترى سدها سد =و فعل الجمالة و العلا له عقيله
لو كان بالحاضر عنى الوقت والكد =يرث لنا حالة رقيب الجميله
و هذي تدابير ترى مالنا يد =و الله يقيمه من عقب طول ميله
في يدينه الحاضر وماضيه والغد =نطلبه عونه في دجى كل ليله
و ختامها كل التحيات و الود =للحربي اللي جاد فعله و قيله