العنود .. بنت حطاب النصافي وكانت تسكن في قرية لينه
بالحدود الشماليه تبعد عن مدينة رفحاء 95 كيلو جنوب
في عام 1365هــ كان عباس أمين مدير مالية الدويد عندما كانت الدويد عاصمة الشمال
قبل انتقال الدوائر الحكومية للحدود الشمالية وكانت العنود قريبة من الدويد وتتصف بالجمال
الباهر وكان عباس معجبا بها فدخل عليه محمد الخميس ذات يوم وقال له عباس من أين اتيت
فقال ذهبت لأرى العنود فقال عباس :
لا تجي بيـت العنـود ولا تمـره
..........الحذر ياللي على عمـرك تـداري
فر قلبي يوم شـاف الزيـن فـره
............فر طير ٍ شايفٍ جـول الحبـاري
شفت زيـن ٍلا بـلاك الله بشـره
.........ما دريت انه لذبح الناس ضـاري
قلت عطني من ثمانك بـس مـره
.......قال ما يكسى العرى ثوب العواري
ورد عليه محمد الخميس :
ليه يا عباس بيتـه مـا نمـره
............كيف تنحى واحدٍ للزيـن سـاري
أحسب انك لي صديق و بك مسره
.............ما دريت انك عدو ٍلـي مبـاري
الحيـا لـو انتحـى لازم نمـره
.........ما كتب الله على المخلوق جاري
عارفين من المسـره والمضـره
..........ولا يدرّس بالمدارس كود قـاري
العنود سهيل والبيـض المجـره
........فرقهن فرق الفتيل عن السـواري
العنوده يالعنـوده واخـت سـره
..........بس يطرقها الزميـم والخـزاري
يوم لبست ثوبها الاصفر و مـرّه
..........يا شبيهة مهرة ٍ للشيخ ضـاري
غير سود عيونها ما احلاه غـره
..........مثل وصف البدر بأيام الغـداري
كم قلب مولـع ٍ راحـت تجـره
........عرضته الجال ودروب الخطـاري
أشهد ان مقابلـه عـز ومسـره
.........عاقل ومع عقلها زيـنٍ إجهـاري
ويتدخل محمد الديري مهاجماً عباس العلي :
العنود سهيل والبيض المجره
.............اخس ياعباس ماتدرى المداري
انت يا عباس غادي في مغره
......... قلت قولن مانت عن قصياه داري
تحسب الدعوى على قانون حره
............ وانت معك الفين ورادن مباري
يمكن انك ذايقن منهم مبره
...........من طرف لازمك تمدحها جهاري
يذكرون العيش بهدومك تصره
........... يمها شافوك بالبخشيش ساري
حالفن ما اتركك يا عباس مره
.......... لين تابس مثل دغلوب الخباري
ما ظلمتك بس انا جيتك بجره
........... والعرب بسلومها تتلي الأثاري
إلى يختم المساجلة محمد الخميس يرد على الديـــري بطلبٍ من عباس :
تو ما هب الهوى والعيـن قـره
..........واستراح القلب عن كثر الطواري
يـوم بـان الهـرج للفـزّاع دره
................توها ذيبـه يـدور لـه مبـاري
فزعة الديري مثل غزو الصفـره
..........تو يكرب محزمه غادا القطـاري
يذكر انه موقـفٍ بالشعـر مـره
.......والرخم سلطان مع وسط الصباري
يا رزين من الصحابه عـد مـره
..........ما ذكر بالقيض ينقعن الخبـاري
موجب ان الناس كلٍ فـي مقـره
...........دون حقه وانت يالديري تـداري
لا توهق كان ما تبغـى المضـره
.........الدوى يالجرح يشرى بالمصاري
جنّب الديبان واترك عنـك شـره
..........يا قليل الفود وش لك بالخطـاري
قمت يالديري خرابيطـك تجـره
........من عمى رايك تعرضت الجواري
لو تحصّل مثلها ما صمـت غـره
...........كان تسري بالظـلام وبالقمـاري
وسلامتكم...
[منقول]
العنود بنت حطاب النصافي
العرض العادي
