اسعد الله مساكم وصباحكم بكل خير
طبعا وبلا شك يشرفني ويزيدني قدراً أن أكتب حسب قدرتي الشعريه قصيده اعتذر أولاً عن ضعفها لانني أنا وهي لن نصل على ما نريده من كتابه عن هذا الشيخ الذي له مواقف عظمى ولا تحصى في قبيلته جعلتنا جميعا نتشرف به وليست غريبه على مثله وعلى جميع شيوخ قبيلة شمّــــــــــــــــــــــر أينما كانوا فلهم الجميع الفضل بعد الله في شموخ وأعتزاز وتميّز هذه القبيله بكل الصفات الحميده .ولجميع أفراد قبلة شــــــــــــمّر .
طبعا هذه القصيده قلتها عندما أقيمت لي أمسيه في حفر الباطن وفي قاعة الخليج تحديدا وبحظوره من ظمن الشيوخ الذين حظروا والجمهور الاخر اتمنى ان تنال أعجابكم جميعا
من وين ما جيته ومن وين ما اميل = عــز الله إني مرتبك يا عياده
أبي أتنقى من هوى الكيف تمثيل = وخايف تخون المقدرة والأجاده
لأن شخصك ياسمو الحلاحيل = يربك موازين الأسس والركاده
يهــز رسخات الوطى نوّض الشيل = وتظيع سبّت هيمنتك الأفاده
وأبوي علّمني قبل لأنطق القيل = وشلون اداري كلمتي من النقاده
قال الحكي يشبه سلوم المعاميل = كودٍ تعــزز خشيةٍ من مصاده
ثمٍ تركّد بنّها وتظبط الهيل = وتصبّها لأهل السطر والزياده
والحين ما عندي ولو بعض تمهيل = مدري شفيني ؟؟ يعلم الله سعاده
صابتني الرعشه ويالله التساهيل = يالله دخيلك تممه في شداده
أدري وتدري منعشات الأقاويل = هذا ( عياده ) إيه هذا ( عياده )
مار الوكاد أبديت بعض التماثيل = لاشك ماتحصى علوم الوكاده
ياشيخ يامحنّي السيوف المصاقيل = يادرع ويا مجــد الولاء يابلاده
يافرحة اللي ليا أزعجنّه هلاهيل = ويابهجة اللي ناويته الإباده
ياعصبة اللي ليا أنتخوا بالمشاكيل = ياسترها ذيك الهنوف وعماده
ياربعة فحول النشاما المداهيل = ويافزعة الملهود حــزّة مراده
ياشمس ضيّه مخفيٍ ظلمة الليل = ياحيد محــدٍ حايده في حياده
ليا لاعت قلوب الرجال المعاليل = لك بصمةٍ ليا ســــمو الســــياده
وليا اعتزيت برفـــعة المـجــــد والخيل = كبـــدٍ تســـرّه وغيرها في نــكاده
لك شاربٍ تحشم لطيبه رجاجيل = وعلمٍ كما نجمٍ تضاعــف إعــداده
يا ( الصــــديد ) عـــز الله ولا تم لي قيل = صعبٍ على مثلي يوصّف قياده
من وين ما جيته ومن وين ما أميل = عــز الله إني مرتبــــك يا عيـــــــاده
هذا وللشيخ عياده الصديد ولكم كل العــــذر عن القصور
ولا هنـــــتوا
عيــــــادة الصـــــــديد ؟ ؟ بمنتدانا في كلمات؟ ؟
العرض العادي
