اقبلت قلت القمر ممكن ظهر = اشرقت قلت اشرقت شمس الاصيل
مستحيل الارض يمشي به قمر = ومستحيل الشمس تشرق نصف ليل
والله اني صرت محتار الفكر = الكواكب ينزلن ذا مستحيل
سلمت ريح النفل بعد المطر =كيف حالك قلت انا الرجل العليل
قال طبك قلت يالظبي العفر= لمسة(ن) من كف فتان (ن)بخيل
هز راسه وابتسم ذاك البشر =لاح برق الوسم والمظمي يخيل
قلت ممكن قال لالا واعتذر= قلت انا يا سيدي عابر سبيل
لا تروح ابعيد انا قصدي نظر = نظرتك ارسم بها ليل (ن)طويل
قال صف لي الحب قلت اقسى وامر= من حياة اللي قضا عمره دخيل
قال نار الحب جنه تعتبر= قلت جنه لو صفا معك الخليل
قال ليلى قلت في قيس العبر= صح ليلى ما بغت غيره بديل
كم تئلم في هواها وستمر = لين علاها مثل نجمة سهيل
قال انت اللي تئسر عالنهر= قلت كيف وقال انا عندي دليل
كل شاعر له وزن وله بحر = وانت شعرك زاد نهر النيل سيل
قلت انا المظلوم هل عندك خبر = قال عارف والسبب جمع(ن)ذليل
بس انا ماهمني زيد وعمر= شغلهم هذا قصير وذا طويل
قلت كلك ذوق يالطرف الحور =قبل اشوفك كنت انا رجل(ن)ثقيل
كنت ماشي في طريقي في حذر = مستقيم (ن)لا اعيل ولا اميل
قال انا استاذن لصالات السفر=قلت بدري قال نادوا للرحيل
بس اخذ مني كلام (ن)مختصر= بذكرك ما دام للورقى هديل
واختفى ما عنه علم ولا خبر= معه اخذ قلبي وادري شل بديل