الشبرمي في رثاء الرشيد

السلام عليكم ورحمة الله وبركاته

قصيدة رثاء بالامير طلال بن عبدالعزيز الرشيد رحمه الله
وهي للشاعر الكبير والقدير /خليل بن ابراهيم الشبرمي

عم حزنٍ عظيم رجال كـل القبايـل
................وفرحة العيد ماتت مع طلال الرشيد
وحل خطبٍ جلل برجال وجبال حايل
................والسناعيس شمر من قريب وبعيـد
أحسن الله عزاهم في عريب السلايل
................من كسب كل طيـب وعلـمٍ حميـد
مِرثُ الجود كسَاب الثنـا والجمايـل
................والنواميس والطولات عوق العضيد
ونسأل اللي اليا من سٍيل مارد سايل
................ونطلب الواحد المعبـود رب العبيـد
جعله لجنة الفردوس ذرب الفعايـل
................بين ظل ظليل وبيـن طلـح نضيـد
واحسن الله عزا كل العرب والحمايل
................واخ وام وحرم وارحام وابنا الفقيـد
والوزن والقوافي والوفـا والنفايـل
................واخوياه (وفواصل) وامسيات القصيد
والقلم والورق وطيور واف الخصايل
................والكرم والشجاعه والمقال السديـد
وانتْ وأنتِ وأنا ورجال كل القبايـل
................أحسن الله عزانا في طـلال الرشيـد

 

 

 

 

 

 

 

 

 

 

صح لسان الشبرمي والله يعافيك عبدالله على النقل وعساك ماتفقد غالي.

 

 

 

 

 

 

 

 

 

 

يعطيك العافيه على النقل المميز
والله يرحم الامير طلال الرشيد
دمت بخير

 

 

 

 

 

 

 

 

 

 

يسلم الناقل بما نقل 00
قصيده جزله

 

 

 

 

 

 

 

 

 

 

صح السانك والسانه الشبرمي

والله يرحمه

 

 

 

 

 

 

 

 

 

 

مشكور على النقل المميز


يعافيك ربي

 

 

 

 

 

 

 

 

 

 

الله يعافيكم لا هنتوا الله يسلمكم على المرور الجميل

 

 

 

 

 

 

 

 

 

 

يعطييك العافيه .. بس انا سمعت قصيده لخليل الشبرمي عن ابن رشيد ولو اني مو حافظها بس حفضت اللي سمعته بس اللى عنده هالقصييده يحطهااا اللي يقوول فيها ليتك تعود يابن رشيد وتشووف حتى الحصاني صار عنده حصاانه والسمووحه اذا كان فيها خطأ لاني مو حافظها
واللي عنده القصيده لاايبخل عليناا :>

 

 

 

 

 

 

 

 

 

 

هلا بك اخوي فيصل الله يعافيك

والقصيدة اللي ذكرت كانت ابيات مجاراة
بشاعر المليون لقصيدة ابن رشيد

ارم النعـــل لمغيزل العين ياحسين،،،،،،،،،،،،واقطع له من طــــرف ردنـــك ليانه
وجنب حفاف القاع واتبع بها اليين،،،،،،،،،،،،واقصرخطاك شوي وامش مشيانه
ياحســـين واللــه مابه سبت رجلين،،،،،،،،،،،،ياحســين شيب بالضمــيرهكــعانه
وان شلتهــا ياحسين ترمابــه شين،،،،،،،،،،،،وتر الخــوي ياحســـين مثل الامانه
ياحســين ترمايشتك كــود الرديين،،،،،،،،،،،،ولا تــر الطيـــــــب وســيع بطـــانه
لابـــــد ماحنا عن الضلــــع مقفيين،،،،،،،،،،،،ولابــد ماناطي على النفــود وليانه


و رد خليل الشبرمي:
ليت القبر ينباج و تشوف بالعين________يا أبن رشيد الوقت زاد اميلانه
لا و الله ألا ليت تويق هالحين _________ ما عاد شيئن يالأمير بمكانه
تغيرت كل القيم و القوانين ___________ حتى الحصاني صار عنده حصانه
و اهل النقا و الطيب صاروا قليلين ________ كم واحد مالله على الطيب أعانه
و لا يستشك اليوم كود الفطنين ________ و لا ترى الخايب وسيع بطانه

 

 

 

 

 

 

 

 

 

 

صح لسان الشبرمي في القصيدتين وتسلم يمينك وعالي جبينك ورحم الله الرشيد المذكورين

ورحم اموات المسلمين