اهلا هلا بك بين ربعك واهاليك = حضارها ومن غاب دز الهلا ليك
والنعم يابو فارس في مساعيك = ياما بديت بطيب ياطير حـــــوران
وعزالله يوم زرت قبــل نزورك = اضحيت راعي الاولية بشـــــورك
ياكم سر اخوان زرقا سرورك = اللي بســــــــــوريا واللي بلبنـــان
اهلاهلا بك طلعة الشمس بشروق = وماصاهلت خيل وماارزمت نـــوق
احييتها من دور ابن فارس صفوق = لدهام للهادي لعاصــي وفرحـــــان
ومحد غريب اليوم ياباالعميدي = ضيفك حميدي ومن عيال الحميدي
زيزوم شمر ســعدها والسويدي = من حـــد تركيا لما حـــد رمــــان
يامن خبر شمل السناعيس ملتم = من عقب شط الدار حورف بها الدم
سقوى نهار لايم العم بالعــم = في مجلس ماوصفه كود راكــان
اهلا هلابك كل ساعة ويومي = عد الحيا ورمـــالها والنجـــــومي
وماناض برق في طراف الغيومي = وماسال سيل وعقب السيل ريضان
اهلا هلابك عد ماجاك ناصي = وماجا جدودك من اداني واقاصـي
اهلا هلابك ياسليل العواصي = بديار اهلكم من نضانيض شهوان
الله محي الشيخ واللي مع الشيخ = طير السعد جاب الشيوخ المجاويخ
اللي بدع فيهم مثـــايل صــليبيخ = وقبله تخبر الناس وش قال فجحان
وانا اشهد ان دهام ياخال مامات = مات الذي ماعقب قروم وحمات
واللي لياصارت على الناس قالات= فكوا نشيها قبل روغ الاذهان
الدار دارك يازبون المقاصيــــر = معزب واخوان زرقا مساييـــــر
محمد وضيغم مقحمين الطوابير = وش هو عبيان ووش هو كحيلان
ولياطريناكم ولوكم بعيديــــــــن = يطرب لكم قلب وتسهر لكم عين
جل الهرج بديارنا والدواويـــن = بخرصة وسنجاره والاسلم وتومان
واستغفر الله يوم ندري وتدرون = علامنا ياكن مابيننا الكــــــــــــون
لاصار مانلفي عليكم وتلفون = بليت قرابتنا على مر الازمــــــــان
محمد الفاروق الدندشي ( قصيدة للشاعر محمد ربيع الجندلي )
العرض العادي
