قال الشاعر مساعد الرشيدي قصيده طويله منها :
حنا ( طنايا عبس ) يامذير الريم .. حنا مقابيس الوغى يامليحة
فـ رد على هذا البيت
الشاعر محمد بن فيصل بن ثوير الشمري
بهذه الرائعه :
يالله يامـديـر الليـالـي والأدوار=ياعـالـم بالبـيـنـه والخـفـيـة
يالواحـد الماجودعـلام الأسـرار=يالله يالمطـلـوب رب الـبـريـه
انت الكريم اللي على الخلق جبـار=يالله ياعالـم خـفـا كــل نـيـه
ويا خالق الجنه ويـا خالـق النـار=وبقدرتـك كـل العبـاد محصـيـه
انت الذي نطلبـك يالنافـع الضـار=نخشـى عـذاب الوقفـة الآخريـه
انت العليم وعالـم سـر واجهـار=وانت الرحيـم ورحمتـك واسعيـه
يامودع بروقه على كـل الأقطـار=همالهـا فــي ليـلـة سامـريـه
ومن بعد ذكر الله زينـت الأشعـار=مثايـل مـن كـل غـش محميـه
قال الذي من جزل الأمثـال يختـار=بحر المثايـل قـام يزمـي زميـه
من منهل عند الطلب يحضر إحضار=واليا بغيـت القـاف سهـل عليـه
واليا نضمت البيت ياتيـك بصخـار=من صح راسي ماستعرتـه عريـه
طير الرخم مايستوي مثل الأحـرار=والحـر ماتقنـص بـه الهتيميه
والبوم بوم ٍ وماكـر البـوم بالغـار=ولا يجتمـع حـر وبـوم ٍ سـويـه
ولا كل من صاب الهدف قيل بيطار=ولا كـل رامـي يـازن البندقـيـه
واحذر تشتم كل رجل لـه اذكـار=واحذر تمشى عنـد جـال الركيـه
حنا الطنايـا مـن نواديـر سنجـار=حنا حـرار طيورهـا الصيرميـه
حنا الطنايانكرم الضيـف والجـار=حنـا الطنـايـا لابــة ٍ شمـريـه
وحنا الطنايا لاحصل عـج وغبـار=يفـرح بنـا راع الجـواد الونيـه
وحنا الطنايا نركب الجيش وامهـار=ونركب على قب تلاصـف احذيـه
وحنا الطنايا يوم روغات الأبصـار=نارد على الموت الحمـر والمنيـه
وحنا الطنايا يوم عج الرمـك ثـار=كم شيخ قـومٍ نفرقـه مـن خويـه
وحنا الطنايا يوم هفيـات الأعمـار=نجلب عزيز الروح في كـل هيـه
وحنا الطنايا ليا من صـار ماصـار=عدونـا ناطـاه وطــي الحـذيـه
وحنا الطنايا يـوم وارد ومصـدار=حنا هل الطـولات واهـل الحميـه
وحنا الطنايـا مرويـه كـل بتـار=وساع الطعـون اليـا بلينـا بسيـه
عدونا كنـه علـى صالـي النـار=ورفيقنـا ارواحنـا لــه هـديـه
وحنا الطنايا كسبنا حـص ألأوبـار=والسيف من ضربه تسيـل الشغيـه
وحنا الطنايـا لابـةٍ كلـها افخـار=ربعـي طنايـا لابــةٍ اسلمـيـه
وحنا الطنايا يوم غليـات الأسعـار=نشـري بغالـي مانـدوّر شـويـه
وحنا الطنايا للعـدو سـم وامـرار=وحنا كعـام الضـد والنـار حيـه
وحنا سناعيس على الطيب صبـار=وحنا تـرى مـن لابـة ٍ ضيغميـه
وحنا هل المعروف وحنا هل الكـار=حنـا الطنايـا بالسنـيـن الهفـيـه
وحنا هل النامـوس شبابـة النـار=يوم بعـض النـاس عرقـه هميـه
وحنا هل الطولات صلبين الأشـوار=حنـا الطنايـا والعلـوم امحكـيـه
وحناالطنايا واشهـب الملـح دمـار=نخلف نيه مـن كـان نـاوي ٍ بنيـه
وافزع مع ربعي على كل ماصـار=كلـه لعيـن الـعـزوة الشمـريـه
وصلاة ربي عد هتـاف الأمطـار=علـى نبـي نسـلـه الهاشمـيـه
محمد بن فيصل الشـمري يـرد على قصيـدة ( طنايا .. عبـس ) ؟!!
العرض العادي
